la rosa :

الغدا انهارده ان شاء الله رز بنى وفراخ وسلطة بالمايونيز وخضار سوتيه الرز البنى مع الفراخ بجيب الفرخة بعد ما اغسلها وانضفها وادعكها بالملح بس مبقطعهاش بخليها زى ما هى واجيب حلة واحمر فيها بصلة كبيرة لغاية ما يبقى لون البصل زى بصل الكشرى اروح حطاله مية اكتر من كمية المية اللى المفروض هحطها للرز بشويه واسيبها تغلى شويه مع البصل وبعدين اصفيها من البصل وارجعها على النار واحطلها عود قرفة وحبهان وفلفل اسود حب وورق لورى ووحده لومى وقرنفل وبهارات مشكلة وفص مستكة واول ما تغلى المية احط الفرخة واسيبها تتسلق عادى خالص هتلاقو الفرخة بقى لونها على بنى شويه لما تتسلق بس متتهريش تبقى ماسكة نفسها عشان اعرف اطلعها وطبعا متنسوش تملحوها قبل ما تطفو عليها بخمس دقايق اصفى المية تانى وارجعها على الحلة واحطلها الرز البسمتى بعد ما اكون نقعته نص ساعة قبلها وغسلته كويس وازبطله كمية المية والملح واسيبه يستوى (انا بحطله زبيب بيبقى حلو معاه) احمص شويه مكسرات لوز كاجو سودانى الموجود عشان احطهم على وش الرز وقت الغرف كده الرز خلص الخضار السوتيه انا بجيب خضار مجمدمشكل بسمة بخلى مية تغلى فيها حبتين فلفل اسود مش مطحون واول ما تغلى بحط الخضار المجمد واسيه يغلى غلوتين املحه وبعدين اصفيه على طول على شان ميتهريش وبعدين اسقطه على طول فى مية وتلج عشان يحافظ على لونه الزاهى ووقت الاكل اسخنه على نار هادية خالص مع نص معلقة صغيرة زبدة عشان بس ميتحرقش السلطة قطعت طماطم وخيار صغير وبشرت عليهم جزر وكرنب ابيض وقلبت كله فى معلقتين مايونيز من غير لا ملح ولا اى حاجه خالص وسيبتها فى التلاجة لوقت الاكل

الغدا انهارده ان شاء الله رز بنى وفراخ وسلطة بالمايونيز وخضار سوتيه الرز البنى مع الفراخ بجيب...