رشا والاكلة اللى هتجربيها لو طلعت نص نص يعنى لا حلوة ولا وحشة هتكتبى نصها وتخلى نصها للتخمين؟؟؟؟؟؟؟:D:D:D
انا بقى انهارده ان شاااااااااااااء الله عايزة اعمل حواوشى او عرايس
بجيب العيش البلدى وبقسمه نصين واحضر اللحمة المفرومة بانى احط عليها البهارات اللى انا عايزاها ومعاها بصل وطماطم وفلفل رومى وبقدونس كله متقطعع صغير خالص واخلطها واحشى بيها انصاص العيش بس مملهاش قوى عشان تستوى وعشان نعرف نمسكها
والف كل نص بفويل واحطهم على الرف فى فرن متوسط لمدة 40 دقيقة وبالهنا
رشا والاكلة اللى هتجربيها لو طلعت نص نص يعنى لا حلوة ولا وحشة هتكتبى نصها وتخلى نصها...
• كيلو كاليماري "سبيط", مقطع قطعا متوسطة الحجم.
• 3بصلات مقطعة إلى أنصاف شرائح.
• 3 حبات فلفل أخضر, مقطعة قطعا متوسطة الحجم.
• 4 حبات طماطم,متوسطة مقطعة مكعبات صغيرة.
• حبة فلفل أخضر, حار مقطع قطعا صغيرة.
• حزمة بقدونس مقطعة قطعا صغيرة.
• 1/2 ملعقة صغيرة شطة مطحونة, "اختياري".
• ملعقة كبيرة زيت زيتون.
• ملعقة صغيرة بهارات سمك.
• ملح وفلفل.
• خمس فصوص ثوم مفروم.
• عصير 3 ليمونات.
• 1/2 كوب صلصة طماطم
الطريقة:-
1. هاتِ الكاليماري واغسليه كويس وحطيه في طبق كبير وضيفي إليه الطماطم وصلصة الطماطم والبصل والفلفل الأخضر والفلفل الحار والثوم....وضيفي إليهم البقدونس والزيت وتوابل السمك والشطة والملح والفلفل وعصير الليمون وقلبيهم كلهم مع بعض كويس...سيبيهم مع بعض لمدة 3 ساعات علشان الكاليماري يتبل كويس.
2. بعد مرور الثلاث ساعات هاتِ صينية ورصي فيها الكاليماري والخليط اللي معاه وغطي الصينية بورق الألمونيوم ودخليها الفرن على درجة حرارة متوسطة لمدة نص ساعة وبعد كده خرجيها وشيلي من عليها ورق الألمونيوم ودخليها تاني لمدة ربع ساعة علشان الصينية وشها يحمر وبعد كده خرجيها، ممكن مع الطبق ده تعملي طبق رز أبيض وطبق سلطة خضراء....
وممكن تقطعية شرائح وتبلية بتوم فلفل ملح ليمون جنزبيل وبعدين تغطية كويس بخلطة دقيق وتقلية فى زيت غزير
بس جربى فى حبة قليلة القلى ده عشان تعرفى تظى السوى بتاعة لانة المفروض انه مش بياخد وقت لو قعد كتير يجلد ويشد ولو قعد قليل يبقى مش مستوى
انتى جايبة بلدى ولا المستورد ؟؟؟ عشان بتفرق