شكرا للاخت على المعلومة
كنت اقرا ع بنتي بعد صلاة المغرب
كويس راح اعدل وقت التحصين قبل الشروق و قبل الغروب
جزاك الله خير

ام جقوري الدعاء على الناس وانتي ماتعرفين نواياهم موزين لك وهم ماراح تصلهم الاالمستحق لها
والمشايخه لمن يقولون لك عين وتتجدد مو المقصود بها ان كل شخص يناظره يرجع العين لا يختي فاهمه غلط
وانا من الكلام والاحداث الي حكيتي عنها بقولك ليش ولدك يصيرله كذا لانه زي ولدي وبكذا موضوع رديت عليك وقلتلك ولدي بفضل الله وقوته تحسن والحين اكتبلك اغلب الظن راح يتخربط وتعودت بس ماحبيت اكتم عنك نصيحه من شيخ
تدرين ليش ولدك يصيرله كذا لان معه خويه بفعل العين او الحسد هذي الخويه شغلتها تعكس امورة لدرجة بضربلك امثله ع ولدي
مثلا اوكله اكل ولمن اروح موعده يوزنونه مثلا زايد ودكتورته حقت الغذيه تنبسط من التطورات الي ضفناه تدرين اوا مارجع البيت استفراغ ويضربعن كل النظام الغذائي الي عجب الدكتورة لدرجة ولا مليون مظام وكلها تخرب بس هنا اجانب ماتفهم عين وحسد لو بقولها بلاش اعلمك
المراد هو مو ان هالناس الي تناظرله تحسده المراد انتم تفطنون الشياطين عليه بمخاوفكم وابليس مع الوسوسه وكل شئ تخافين منه بيسويه وبيحسسك انها من نظرة فلان وفلان ممكن هالناس ماتطلع بس يوهمك انتي خلك مثلي بطلي تقلقين بطلي تخافين من عيوم الناس وان شفتي كلامي صح ادعيلي مامعي وقت ولاكان اعطيك امثله اكثر
وكمان العين والحسد ان كانت فيه فهي بالتاكيد احدثت ضرر بعضو وامرضته اسعي بعلاجه انا من حال ولدي تغربت بس من شان عين تكرم مدينه

ام جقوري
حبيبتي اذا قريتي المعوذات وحصنتي ولدك ثقي ثقة تامة مطلقة ان ماراح يصيبه مكروه استودعيه الله ولاتخافين ابد
واعرفي ان أي شي يصيبه قضاء وقدر مو من عيون الناس
اللي مافهمته الناس ليش يطالعون بهالشكل الغريب ؟
ولدك ماشاءالله جماله باهر ؟ او وش بالضبط ؟ من خلال سردك للكلام وطريقة نظرهم لولدك يثبت ان في شي مو طبيعي
بخصوص التوحد لازم متابعه كاملة وحمية غذائية ومتخصصين سلوك
وانتي بالمقام الأول لازم تساعدينه وتعرفي كيف تتعاملي معاه وكيف تطورين سلوكه وكيف تعلمينه اقري عن التوحد ودور الأم والاهل عموما في شفاء اغلب اعراضه
لاتجزعين .. جزعك ماراح يغير وضعك الا يضيع اجر صبرك عالابتلاء
اصبري اصبري اصبري ولاتدعين عالناس مالهم ذنب في الللي صاير لولدك ولايدرون عن مرضه لما يطالعونه ..
ادري انك مضغوطة وتعبانة وماتنلامين بس هالكلام اقوله لك عشان لاتختلط عندك الامور طبيعي الناس تناظر لاي طفل جميل او مميز يعني نظرتهم مو بقصد أذيه لك ولولدك
سورة البقرة اقريها يوميا هي الشفاء والله لولدك مايكفيك قول الرسول في ما معناه ) اخذها بركة وتركها حسرة ولاتقدرها البطره ( والبطرة هي الشياطين .. البقرة تحفظك وتحفظ ولدك من كل شر بإذن الله وراح تشفيه بس اقريها بصوت عالي بيقين بقدرة الله وتوكل
اسأل الله العلي العظيم ان يشفي ولدك من كل داء وان يقر عينك فيه وهو عريس وفي اكبر المناصب ويعطيك طولة البال والصبر وراحة البال قادر ياكريم

الله يعطيكم العافية ماقصرتوا
والاخت aaa اسأل الله الشفاء العاجل لنا ولكم وكلامك بعين الاعتبار
وبديت اطبق نصايحكم الله يجزاكم الجنة
بالنسبة للاخوات اللي يقولون لاتدعين على الناس
الااااااااااا وااااالله دعيت ودعيت وبدعي وبدعي وبتحرى اوقات الاجابة
عسى الله يحرق قلوبهم على ضناهم مثل ماحرقوا قلوبنا انا وابوه سنتين ماذقنا الراحة لاحنا ولا هالمسكين اللي ابتلوه بشرورهم
ليش مايعرفون ان العين حق
مايطالعون مرة وحدة ويوخرون عيونهم
ليش المراقبة والوقوف والتتنيح ولف الرقبة والمشاورة باليدين عليه
ليش انا مو ام انا مااحس انهم يتكلمون عليه والا يلفون ارقابهم يراقبونه
انا ماينحرق قلبي بين نارين نار طلعته ووناسته وعيونهم ونار حبسته وحيد في زوايا شقة غرفتين وصالة
ليش مايستحون ولايخافون الله
الحرمة مع زوجها تمشي جنبه وتطل من ورى ظهره ومن قدام صدره واحنا مارين
والرجال يمشي مع عايلته وعيونه مسلطها عليه
ياخي اشكروا الله على نعمته انه رزقكم اطفال شيون والا حلوين والا سمر او بيض ترا خلقتهم وراثة منكم وهذا خلق الله
غيركم مو محصل ظفر طفل
اذا اطفالكم يتكلمون وياكلون ويلعبون وينامون ويضحكون وطبيعين واخر خبركم في عذابهم يوم كانوا في الاربعين ترا حنا المفروض نحسسسسسدكم الليل والنهار
ترا احنا لنا سنتين كبرنا عشر سنين من الهم والغبن والركض بين المستشفيات والعيادات والمشايخ بين الرياض والشرقية والمعالجات الشعبيات
انا مو موسوسة واخر وحدة كنت اهتم بامور العين والحسد ولااذكر مرة حصنت نفسي ولا اهتميت
مع اني اسمعهم يحسدوني على شعر او جسم او بشرة او او لكن يشهد الله اني ماطقيت خبر ولا استغفر الله حتى حصنت نفسي
مااقول اني كافرة وجاحدة بالعين والحسد والنفس وانا اسمعهم يسألوني قريباتي تسوي رياضة والا مشتركة بنادي
والا متبعة حمية بعد ماتعبوا يسألوني واقولهم لاوالله ماسويت شي
لما مرضت وطلعت اورام برجليني وخصري اللي كانوا يسألون عنه وبطني اللازق صابني تقرح بالمعدة اوستفراغ مزمن لما يطلع الدم الى لحظتكم هذي استفرغ
وتليفت الارحام عندي وانفتح عندي فقرتين بالظهر والى الآن اعاني من الاورام الليفية بالرحم والامها والنزيف وقت الدورة وجلسات علاج للديسك مرتين بالاسبوع وولدت بعملية وكرشي الحين مترين قدامي ومااقدر ارفع ظهري من الديسك واذا قعدت ماقدر اوقف اوامشي طبيعي الا حانية ظهري شوي وبعدين ارفعه
وعادي ورب البيت للان مااهتم لا برقية ولاتحصين
كل المشايخ من عام 2000 الى الآن يقولون معاك سحر وعين والى قبل يومين كنا عند شيخ وقعد يقرا علي واغمى علي واستفرغت وقال عندها عين وسحر ولازم تواصل رقية وتتخذ الاسباب واستغفر الله متبلد احساسي عادي عندي لاادهن بزيت ولاسدر ولااقرا رقية ولااتحصن ولا شي الى هالساعة
انا كتبت وقلت هالشي عشان الناس اللي يقولون انتي موسوسة بالعين
انا ماوسوست بالسحر اللي اقوى من العين عشان اوسوس بالعين استغفر الله الله يرفع عنا ويشفينا

لكن لما شفت بعيني نظرات العالم له من كبر بديت اتحسس من الموضوع شوي
وكان زوجي يقول نفسكم انتي موسوسة ومدري شنو وكنت اسكت لانه قليل يطلع معانا
ينزلنا في مول او اسواق ويخلينا ولما زاد تعب البزر وتطورت حالته وسمع بنفسه من كل المشايخ اللي بالرياض والشرقية والمعالجات الشعبيات صدق شوي بس مازال مثلكم يقول وسوسة لاتقولين الناس يطالعون فيه
وبعد ماكمل السنة وشوي لزمت عليه يكون معانا ويشوف ويراقب الوضع بنفسه وشاف بعيونه
وتضاااايق وانغبن وايقن مليون بالمية انها عين اللي فيه
الولد مووووو جميل طفل عادي وعيونه صغيرة وملامحه صغيرة بسم الله عليه ونحيف بالمرة
عمره سنتين ووزنه يطلع وينزل مابين 8ونص الى 9
وشعره رمادي وفيه شيب اللي يحرك شعره يشوف الشعر الابيض لكن من بعيد مايبين
انا مااقول لاحد يطالع له شي طبيعي انك تصادفين احد بطريقك بترفعين عينك نظره عابرة وشي بديهي وفطري بالانسان
لكن انك توقفين وتقزين والا تطقين اللي جنبك وتشاورين بيدك بكل وقاحة والا تجين تسألين هذا ولد ؟
والا تمشين ورقبتك وراك تطالعين له اتتتتتقي الله ترا انا ام وعانيت الأمرين ويعورني قلبي من هالحركات اللي تسوونها قدامي سواء الطفل زين او شين هذا مايعطيك الحق تسمرين عيونك فيه حرام
هذا انتم تقولون العين تجي من اقرب الناس ومن ناس ماتظنين فيهم ولاهم قاصدين يضرون ويحبونك لكن في شي اسمه عين معجبة وهذا ورد ذكره في ديننا وفي حديث الرسول عليه السلام اغتسلوا لاخيكم

كم مرة يمر من عندنا شيخ ملتحي في ممرات بندة تعرفونها ضيقة ويطالع له نظرة وحدة والله انه يغض بصره بسرعه ويقول ماشاء الله بينه وبين نفسه اسمعه اكثر من واحد
مع انه بعربية تحت يعني لاتقولون غضوا بصرهم عنك
هذا اللي امرنا فيه ديننا لان العين تجي من ناس تحب او تكره على حد سواء
وش يضرهم لو يسوون مثله ويطالعون مرة وحدة ويغضون بصرهم ويذكرون الله
بدال كلمات الله شوفي البزر والا هذا ولد والا ؟ والا
والا واحد حمار معاه بنتين يقول الله ليت هالولد لي والا انا ابوه عسى الله يقصف عمره ويعذبه في بنتينه
رازقه ربي وعينه على ذا المسكين الله لايوفقه لادنيا ولا آخرة
ولاوحدة عندي زيارة حامل في بنت رحت اغسل الكاسات وانا بالممر قبل ادخل تقول لبنتها معها ماما اللي في بطني مثل هذا يجينا ولد مثل هذا اجيب نفسه تسال بنتها وبنتها عمرها سنة وشوي حسبي الله عليها ونعم الوكيل
يعني انا مسقطة 4 مرات قبله ومن ضمنهم بنتين وهي تدري وعادي مااهتمت اني عانيت الفقد من غير شر اهم شي هوى الناس وملذاتهم محد يقول حرام
يعني انا وش اتحمل حتى اتحمل فكوا عن حلق الولد اللي فيه مكفيه
واللي تطقها بوجهي الله من وين جايبينه ذا وهو نسخة مني ومن ابوه ماطلع عنا وسط لاحنا حلوين ولاشيون عاديين
اسألكم بالله
بزر عمره بالاربعين او شهرين اذا قربت له صدري يطلع لسانه ويستفرغ بدون سبب قبل يمسك الحلمة
هذا مو عين بالله
ويوم صار عمره 5 شهور اذا شاف الرضاعة معاي يطلع لسانه ويطرش حتى لو الرضاعة فاضية
من اول اسبوع ولادة كان مايرضع الا كل 6 الى 8 ساعات 40 ملي
واحيانا وربي انه يقعد بالعشر وال 12 ساعة مارضع لما قالوا لنا الدكاترة نقطوا بحلقه بالابرة حليب
صرت اسوي رضعته لو رقم وكل شوي اشفط بالشفاط وانقط بحلقه كم نقطة حليب
بالله من مر عليها زي كذا وكل جسمه ملون كدمات زرقا وسودا وحمرا كل ماقرينا عليه والا وديناه لشيخ والا دهناه بزيت وتقولون انتي موسوسة بالعين صراحة مدري وش ارد عليكم

يارب ياكريمممم اسالك بقدرتك التي قدرت بها على خلقك ان تششفي ابنها وتقر عينها بشفاءه

يارب يارب يارب ارحم ضعفها وقله حيلتها


انك قادر على كل شي