حبيبتي الله يعينك ارجوك توكلي على الله يعني يوم تحصني ولدك والناس تطالع ليش تتوترين خلاص انتي متوكله على الله اش يعني احصن طفلي يعني احميه بأذن الله والله يتكفل فيه
لكن احصنه وانا باقي خايفه من نظرات الناس هالشي يتنافى مع التوكل ومع التحصين ولايصير لهم فايده
انصحك بمتابعة مقاطع عن التوكل وبتتغير حياتك

ارقي نفسك انتي وولدك يمكن المشكلة فيك بماانك تقولين انك مسحورة ويكون اللي يصيرلة اذية لة ارقية وارقي نفسك وتوكلي على الله العين تصيب لومن ناس ماتعرفينهم وبدون قصد

طيب أم جقوري دامك انتي بنفسك معيونة ومسحورة ليش ماتتعالجين
يمكن اللي بولدك من اللي فيك من سحر وعين
عالجي نفسك حبيبتي كيف تقدرين تقومين ببيتك وطفلك وانتي تعبانه ؟
اقري البقرة تكفين تكفين وربي انها منجاه
ماادري شقولك وربي وضعك صعب لكن ربك رحيم وشايف
حسبي الله على من سحرك وبلاك بالعين انتي وطفلك الله لايوفقه دنيا ولا آخره

انا مع الاخت رحيل يمكن السحر الي معمول لك يكون سبب في الي يصير لولدك خصوصا انك تقولي من يوم ماجاء وهوا كذا
الله يرفع عنك ويشفي ولدك ويعظم اجر تعبك
ويعوضك تعب هالسنين الي ذقتيها بشوفه ولدك وهوا بصحة وعافية
وادعي كثرب من الدعاء لولدك ان ربي يشفيه ويعافيه واكثرررري من الصدقة فالصدقة دواء لكل داء

اسمحي لي اقولك انتي جدا سلبيه وهالشي ماثر عليك وعلى ولدك وحياتك
صرتي لا شعوريا مثل الناس الي تقولي اعطوكم عين تتمنين عيالهم يمرضون ويصير لهم مثلك وكل طفل طبيعي يمر من عندك تقولي اهله ماتعبو مثلنا
طيب وين الصبر وليه الحسد قبل كذا تقولي ثنتين مشيو من جنبي ومعهم نونو والله شكلهم ماعمرهم شمو ريحة استفراغ
حراام يااختي انتي لا شعوريا صرتي مثلهم تحسدين لا وتدعين بعد

عندي بنت من ذوي الاحتياجات الخاصه يشهد علي ربي كل مااشوف اطفال نفس العمر واعجبوني ابعد عيني واقول ياارب احفظهم لاهلهم يارب ولا وحده فيهم تبتليها مثلي والحمدلله هالشي ريحني كثير وكل يوم اشوف بنتي يتحسن بفضل ربي وابشرك بدات تحاول تمشي

يمكن خوفك على ولدك ومرضه سبب لك هالشي بس ارجووك حاولي تعدلين هالشي وارضي بقضاء الله كل ماتجي في بالك افكار ومقارنات بالناس قولي يارب ارضني بقدرك يارب

خليك قويية وادعي ربي يقويك ويعينك على ماابتلاك فيه

وانتبهي تفقدي الامل خلي املك بربي كبييير ان اراد شي قال له كن فيكون
>> ربي سبحانه يقول انا عند ظن عبدي بي
صدقيني راح يشرح لك صدرك وتشوفي الهموم تخف عنك كثيييير وانا مجربه هالشي

كلنا نحتاج قوة ايمااان

سامحيني اذا صراحتي بتزعلك بس والله ترددت كثير وفي الاخير قررت اكتب واذا مافادك ممكن يفيد اي وحده ربي ابتلاها مثلنا

والحمدلله على كل حال