هذة تجربتي مع الرجيم (:

بسم الله الرحمن الرحيم
السلام عليكم ورحمة الله وبركاتة
من زمان ودي اغرد فيذا المنتدى واعلمكم وش قصتي مع الدبابه
هناهاك الواحد والواحد الله في سماه العالي والا كل بليس مخزيه الله والا ذيك البنت المزيونة الي اسمها غادة وقدر الله الله عليها انها من النوع الي تسمن من الهواء اذا كلت علبه برينقلز زاد وزنها كيلوين هذا وهي تاركه المشروبات الغازيه والحلويات وكل شئ بس بعد الحمل هي تزيد عشرين كيلوووو تغدي من فصيلة الفيلة..
وعندها رجل موب يناديها يالدباااا وعقب النفاس بغاء يجيها اكتائبا موب مابعد الولاده مابعد التهزيب<==جمع هزبه وتعني لغير الناطقين بالعربيه التقطيع على الاذان
المهم اخر شئ توعدها قال اما تنحفين والا ترى بعرس اعنبو شيطانتس ماتغارين منذا النوبنانيات ردت عليه قالت لاااااااا بالله مااغار هذا ولا كلهم نصرانيات ماقامن ولا قعدن عندي وهذولا رواتبهم ماتجيهم الا على عصلتهم وياوجدهم يجون زيي<===كثري منها ياخاله
بس معذورة الي مايطول العنب..
المهم وتمر الايام على فاتنتنااااا الحلوة غيودي<====كيييييفي قصتي وانا حرة فيها بدلع عمري
والا ذاك اليوم تدخل غرفتها والاها مقبله على المرايه وتشوووف شكلها وتشوووف فداحه المصيبه رئت الزول مهوب الزول والجرم مهوب الجرم لقت لايحه<===لغير الناطقين بالعربيه جدار.... مقبله عليها كان وزنها اناذاك <===متعوب عليها اناذاك
كان وزنها80 كيلوووو
والا اخوها معطيها شريط كاست للايحاء النفسي للقدرة على الرجيم نسيت منهو له المهم وتسمع الشريط وتلقط عمرها وتروح لدكتورة مشهورة في الرياض وتجدع بعمرها عندها قالت داخلتن على الله ثم عليتس نحفيني:06::06:
قالت الدكتورة بس ياحببتشي انتي سكري فومك وانت حتنحفي
المهم استلمتها الدكتورة اسئله عن الشئ الي تحبه في الاكل والشئ الي تكرهه ثمن وزنوها :44:
اكره موقف كان حينذاك<==شكلتس ياخاله طافرتن بذالكلمه
وحطو لها في اذانها ابر صينيه قلت تسبدها تحوم وماتشتهي الاكل مدري هو نفسيا والا من الابر وكان النظام حقهم عباره عن نظام متغير كل اسبوع يخضع لنظام السعرات يبتدي ب800 وصولا الى 400 المهم ومير ويسهل الله عليها خاصه انه بعد نهايه كل اسبوع لها وجبه مفتوحه تاكل بيدينها ورجيلنها..وعقب كل شهر لها يوم كامل تطيح على الاكل...
وعقب ثلاثه اشهر صار وزن الفيله اقصد غيودي 64 كيلوووو
وعقبها مدري جاها عين والا طفشت من الرجيم صارت تخفف بدون نظام معين واللحين وزنها57 بس هذا عقب الرجيم بسنتين يعني معانات منحرمه الاكل مهيب تاكل الا في المناسبات<==مهيب تحضر مناسبات الا في السنه حسنه
وحارمه عمرها العشاء... حتى هي حاسه انها بتثغي من كثر ماتاكل سلطه ودها تسطر كفوف ولا تسمع اسم سلطه بس وش الدبرة اذا صارت حمولت رجلها عصلان رباني... غصبن من ورى خشمها تعصوصل
وصارت غيودي ترتدي ملابس من عقب46 صار36
وتحقق الحلم واصبحت الفيله غزال
وتوته توته خلصت الحدوته..
يالله يالله ياجماعه ماصدقتو دخلتو فيذا ووجستوو الدفاء ونمتوووو مهيب قصه ماقبل النوم هذي قصه كفاح ونظال وجهاد للنفس والي تدخل تهلل وتذكر الله لاني من جد ياني تعبت بس الحمد لله اللحين لسالفه ست سنوات وتعودت على قل الاكل والي يفرحني ان حملوتي منقهرين واذا سئلوني وش رجيمي اقول ابد معدتي توجعني مووووب لاعانه بس لانهم نحاف ومايحتاجون بس علشان يحكون عني وعن رجيمي قدام الناس الا من ناحيه الحموله الستر والكتمان يازينه اما الناس الثانين والله اني صورت الرجيم لهم علشان تدرون اني منيب نحيسه بس تصدقون وربي تراني عديت شهرونص من رجيمي حتى زوجي مادرى لاني اعرف تريقته وتمهزيه الين اللحين يقول تذكرين يومتس تشبهين كريمه مختار<===حسبي الله عليك هالوجه الصبوح كريمه قل مير كريم كرمل اطيعك
<===هماه موضوعي:11:
بس من جد صدقوني من سار على الدرب وصل وبعدين من جد ترى النحافه تعطيك نعومه وخفه ظل وتصغرك بالعمر بعكس السمنه تكبر وغير كذا اول ماغير اتفرج على الفترينات يتقطع قلبي بس مالاقي مقاسي والان لا حتى لبسي تعدل مو زي اول خلاقين ...دعواتي لكم بالتوفيق والله يكون بالعون..
والسلام ختام ترااااااااااااااااااااااااااااااااااااااااااااا