هذه مشكلتي فما الحل!؟

اخواتي في الله ..
انا انسانه عايشه في غربه ..
وحالي كحال اي وحده من هالمتزوجات تمر علي ضيقت صدر او مشكال بيني وبين زوجي ..
واحتاااج اتكلم مع احد وافضفض .. لاني ماتعودت ابد اكتم اللي عندي من قبل لاتزوج كانت عندي صديقتي غاليه علي وهي الوحيده اللي كنت اطلع لها كل الي عندي فكنا كلشي يضايقنا نقوله لبعض وبكذا نخفف عن انفسنا ..وكانت عندي امي الله يخليها ..

لكن الحين ماعندي احد ..
احيانا اتوجه لزوجي واتكلم معه لكن يحتد بينا النقاش وتزود المشكله لان فيه صعوبه تفاهم بينا ..

مااحب اكمتب في اي منتدى مشاكلي لاني اعرف ان بكره او بعده بتهدا نفسيتي واباندم اني كتبت شي في لحظه زعل او غضب

صديقتي مو متزوجه وصعب اقولها عن مشاكلي او عن ضيقتي

امي ماودي اضيق صدرها وانا بعيده عنها

واخيرا مااحب اتكلم مع اي احد .. لاني اعرف ان هذي مشاكل تمر على كل بيت وغير كذامو حلو من الوحده تجي تتكلم وتشكي مع اي احد ..

يمكن بتقولون وش تبي هذي الحين سكرت كل الابواب علشان نساعدها
والله مدري وش ابي يمكن ابي اكتب معاناتي ..
يمكن ابي احد يشاركني بخبرته ..

اللي اعرفه اني لو بجلس على هالحال بنفجر