أختيSeReENa
معذرة خليتك في الاخير علشان اتفرغ لك
أولا الله يبارك فيك ويعطيك العافية
ثانيا ما كنت اسوي ريجيم قاسي لاني ما أحب كلمة ريجيم ومادري من وين جاتنا
كنت اسوي حمية وبنظام. اللي أشتهيه آكل منه قليل ولا آكل الا لما أكون جوعانه واقوم من الاكل قبل الشبع
لما اقوم من النوم الفجر او حزة المدرسة أشرب ماءكأسين أو ثلاثة وإذا راحو العيال المدرسة انام اشوي وبعدين أفطر خفيف وقليل الدسم وقبل الظهر وانا أطبخ الغدا للعيال أشرب كاسين ماء
وفي الغداء أسوي لي سلطه شهية وابتدي فيها وبعدين أشبع وما آكل غدا الا اشوي
والعصر أسوي حلا للعيال وابوهم واتقهوى معاه بس ما آكل حلا الا اشوي وقبل المغرب اشرب اعشاب
والعشا اسوي مثل ما سويت في الغداء بس أخف ويكون بدري قبل العشاء ويوم اتعشى ويوم لا

وبالنسبه للتمارين اسويها مشي مرتين أو ثلاث مرات بالاسبوع بديت بنصف ساعة وبعدين صارت 45 دقيقة
واذا جات ظروف وما مشيت اتمرن بالاروبتريك أو انط بالحبل
وتمارين البطن اسويها يوميا بعد صلاة العصر مع التسبيح واذكار الصلاة وفعلا افادتني بس البطن ما راح كله
وعلى هذا النظام كنت انزل 2 إلى 3 كيلو بالشهر علشان ما يكون بسرع ومفاجىء ويرد بسرعة
وعساي افدتك والله يوفقك

بارك الله فيك اختي دموع الكويت
وكل هذا من بركاتكم وتشجيعكم
وجزاك الله خير

ألف ألف مبروك على الوزن الجديد
و عقبال اللي عايز

مبروك بس خليكي هيك
وحافظي على وزنك الجديد
والله يوفقك :26: :26:

والله عفية عليج
انا وزني 103
ويائسة من الدنيا بس الحين
قررت الرجيم بس شلون
اشتركت في برنامج هيلث ووتشر اللي يجيبون الاكل لحد البيت محدد السعرات الحرارية
انا بديت فية من يوم الاربعاء واليوم الاحد تصدقين نزلت 3 كيلو بس ما ادري انا وزنت في البيت وميزان البيت شوي خربوطة
انا بستمر عليه اسبوعان وبشوف اذا نزلت 5 كيلو بهالاسبوعين بستمر لاخر الشهر يعني 10 كيلو بالشهر حلوين والا شرايج
طبعا مع البرنامج لازم مشي نصف ساعة
انا الحين بروح ممشى السرة بمشي ساعة لان اليوم ما تحركت وايد

ادعولي يا رب اوصل نفسج وبقوة ارادتج :27: