الف شكر

عاد أنا عندي طريقة لذيذة وطيبة للقهوة وهي :
- ضعي مقدار ترمس القهوة ماء وزيدي عليها نصف كوب ماء ثم ضعي كمية الماء هذه في الدلة اللي تطبخين القهوة
فيها حتى يكون القياس مضبوط .
- أضيفي الى الماء 2 ملعقة صغيرة هيل + 4 ورقات شنة ( يسمى أيضا شيبة عند البعض ) + نصف ملعقة صغيرة
كوفي ميت + قليل من الزعفران + ملقعة صغيرة من خلطة للقهوة تسمى ( خلطة فهد المطيع ) + قطعة صغيرة من
الزنجبيل الطري الطازج .
- تترك المقادير السابقة تغلي على النار لمدة 5 دقائق علشان الطعم يطلع .
- أضيفي مقدار فنجان ونصف من القهوة الى ما سبق .
ملاحظة : اذا كانت قهوتك المطحونة لونها فاتح ضعي فنجان ونصف واذا كانت غامقة ضعي فنجان واحد حتى لا
تصبح سوداء .
- اتركيها تطبخ لمدة 10 دقائق ثم طفي النار .
- ضعي في الترمس 3 ملاعق صغيرة هيل + نصف ملعقة كوفي ميت + قليل من الزعفران .
- صبي القهوة في الترمس باستخدام مشخال صغير .
- انتظري 5 دقائق ثم اشربي القهوة اللذيذة .
وعليكم بالعافية

اختي..صبا الايام..خلطه فهد المطيع منين شريتيها وكيف شكل العلبه..وش اقول للبائع اذا طلبتها منه؟؟؟
وكم سعرها؟؟وهل جربتي انواع ثانيه من الخلطات الجاهزة للقهوة؟؟؟ ياليت تذكرينها مع الطريقه00 وجميع الاخوات الخبيرات في القهوة يفيدووووووووني00:24: :26:
انااشتريت خلطه الريان ولم تضبط معي ,,من جربتها تساعدنيييييييييي؟؟؟
ولكم جزيل الشكر:24: :26: :26:

أختي مستحيل....................... خلطة فهد المطيع انتاج سعودي و تنباع عندنا في الكويت بسعر دينار ونصف وشكل علبتها نفس شكل علبة خلطة الريان بس مكتوب عليها ( خلطة فهد المطيع ) .
وبالنسبة لخلطة الريان أنا جربتها بعد بس ما إعجبتني لأنه كلها مسمار وحاره حيل .
وفيه خلطات واجد سمعت عنها تنباع في محل اسمه تمور نجد عندنا في الكويت والعطارين عندهم أيضا خلطات .
وتحياتي

يعطيتس الف عافية ....




ام وتون