كلامك في مجمله صحيح

لكن بانبهك لنقطة .. في تصوري ان لما تجي وحدة تقول
عندي مشكلة: انا مو مقصره في حق زوجي واكتشفت انه يخونني

اتوقع انها تعرضها على سبيل الفضفضة اكثر من انها استشارة

يعني بصراحة اغلب الحكي هنا عبارة عن فضفضة وكلام وسوالف .. قد تفيد البعض اذا كانت عن حركات والعاب وكريمات
والمشاكل قد تزعج البعض وتخليهم يتحمدون على حالهم .. وقد تنكد على اخرى وتخرب عليها حياتها وتخليها توسوس لما تكون قصة مأساوية وتجي عشرين وحدة تسرد احداث مشابهه للي بالقصة صارت لها

أنا ضد عرض المشاكل .. خصوصا مشاكل الخيانة والاشياء اللي تقهر .. المشاكل الاجتماعية يعني يبغالها ناس ما تضمنين تلاقينهم هنا

وبالنسبة للردود والناصحات .. خلونا نكون واقعيين
ترى لا تتوقعون ان صاحبة المشكلة معتمده عليكم .. والا تنتظر منكم الحل .. وان لا ملجأ إلا إليكم
وانها بتسمع كلامكم وبتتأثر 100% ..
لكن كل واحد حر يقول وجهة نظره حسب ما يشوف .. سواء بنقولها انتي صح .. بنقولها انتي غلط زوجك الغلطان انتي الغلطانة على حسب الموقف .. وهي اللي عرضت مشكلتها ولازم تتحمل الراي والراي الآخر ..
لكن هي صاحبة المشكلة المفروض ما تاخذ براي احد ماتعرفه ولا تعرف شلون عايش!!

لأن أساسا المنتديات العامة ماهي مكان مناسب للاستشارة

سبائك العسجد

بارك الله فيك وفيما خطته أناملك

كلامك رائع بل اكثر من رائع

وأني فعلا أرى ما ترين من ناحية المشكله
ليست من حقنا القاء العتب على الزوج بمجرد شكوى الزوجه وخصوصا واّذاأردنا حلا لمشكلة ما ...

أما من ناحية ام الزوج وأخته فهذه مصيبة منتشره بين كثير من العائلات
نسأل الله أن يؤلف بين قلوبنا


أما من ناحية الخيانه
فبابها واسه وأسبابها اوسع
وأن كان أهمها
قلة الوازع الديني
وقد تكون الزوجه سبب رئيسي في خيانة الزوج يا ::Sweety::
والله المستعان

جزاك الله خيرا وبارك الله فيك يا سبائك موضوع قيم فعلا

والله انك صادقه ياسبائك العسجد صح لسانك
خاصة اللي مايبون ازواجهم يخدمون اهاليهم 000ليش طيب والله حرام هالشيء يعني الرجل طول عمره عند امه وخواته ويقضي حاجاتهم وبس من تزوج تبونه يتخلى عنهم ويشيل ايده وترى اللي مافيه خير لامه واهله مافيه خير لغيرهم 000وابذكر الاخوات ان حق الام اكبر واعظم من حق الزوجه 00وبري بام زوجك تبر بك زوجة ابنك يعدين00
00لكن اذا اخذتي ولدها ومنعتيه عنها تجيك وحده تاخذ ولدك وتمنعه عنك بالمستقبل وان غدا لناظره قريب

ريم البراري
هلا عيوني..
اذا عن كريمات وحركات نص كم عااااااادي تهون.
ولو هي من باب الفضفضه فقط بعد مو مشكله..
بس الغالب تقول بنات الحقوني وش اسوي؟؟وهالفئه وهي ليست بالفئه النادره..
تجي تاخذ براي البنات هنا فعلا ..وكثير تلقينها بعد فتره ترجع تقول سويت نفس اللي قالته فلانه واللي نصحتني فيه علانه..يعني فعلا جاية البنت تبحث عن الاستشاره..
وانا ما اقول البنات غلطانات بالعكس جزاهم الله خير على نصحهم بس ابي اذكرهم بنقطه..حطي في بالك قبل اي نصيحه انك قاعده تشوفين هالمشكله من جهة واحده فقط..
lawsi
نورتي الموضوع عيوني..واشكرك على كلامك الرقيق..
وكلامك صائب 100% جزاك الله خير..

اختكم..
سبائك العسجد..

شهير نت
سلمت يمينك..الله يوفقك وينولك اللي في بالك قولي امين:):)

اختك..
سبائك العسجد..