ساعة الصفر..
حبيبتي ليش انتي منرفزه؟؟
شكلك ما فهمتي الموضوع لا انتي ولا سويتي..
ولا فهمتم انا وش اقصد من وراه..
يا حياتي..يا عمري..يا قلبي..والله ثم والله ثم والله..اني ما ابرئ ساحة الرجال..انا مجرد اسهم بشكل بسيط في حل مشكله لا اكثر ولا اقل..ومع الوحده انها تفضفض ولو بغت تدعي عليه بعد كيفها:p..بس ما تجي تبغى تحل المشكله بطريقه غلط..هذي هي نقطتي..;)
وبعدين وش يخلي البنات يدعون علي؟؟:(
وعموما اللي ودها تدعي علي ..تدعي..اذا اني قلت كلمه واحد غلط..
يا رب انك تكونين فهمتي..وتكونين قريتي الموضوع بتمعن وقريتي اللي بين السطور..

واذا عندك نقطه ودك تناقشينها اقراي كل شي كتبته حولها بهدوء وناقشيني..
وانتظر ردك يا عسل..

اختك..
سباك العسجد..

حبيبتي سبائك العسجد

اول شي ابي اقولك اني احبك في الله

صح ماشفتك ولااحتكيت فيك بشكل مباشر...لكن من آرائك واسلوبك في المواضيع حبيتك:23:

بالنسبه للموضوع

معك وأأيدك في كلامك 100 %
من الضروري انه الزوجه تدرس شخصية زوجها وتحدد متطلباته واحتياجاته
وتدور على مفاتيح شخصيته...بالنهايه تفهمه بشكل صحيح وعميق بعيدا عن السطحيه
وموبس العين اللي محتاجه انها تنملى كذلك القلب والعقل والروح...كلهم محتاجين لغذاء ولهواء
نقي ...


بس سؤالي...ليش حنا دايم نطالب المرأه ونثقلها بهالأمور..معن انه المفروض
عملية الفهم والتكيف مع الطرف الآخر الاثنين مطالبين فيها الرجل والمرأه
للأسف مجتمعنا(لاحظي مهو ديننا الاسلامي) دائما...يحسس ويربي المرأه بانها هي المطالبه وهي المسؤوله الاولى والأخيره
طيب الرجل..وينه... ليش ماهو بالمقابل...يفهم شخصية زوجته ويعرف مفاتيحها
ويحاول انه يترجم رغباته واحتياجته بشكل صحيح...ويتكيف معها...

لازم الاثنين يسعون ليصلوا لنقطة اتزان وحده تضمن نجاح علاقتهم واستمراريتها

وتحياتي لك:26:

ساعة الصفر
تسلمين على المشاركه والرد مره اخرى:):)
وسعة صدرك يا قلبي..

عنوووده
هلا حبيبتي..
شكرا على المشاركه..
ومعك حق..اتمنى ان الازواج يقرون موضوعي..هو مو موجه للمراه فقط دون الرجل..ولكن لان اللي يدخلون هنا البنات..
وفعلا لازم الرجل والمراه يساعدون بعض..حرام المره مسكينه كل شي عليها وهو لا..واتمنى من الرجال انهم يدخلون الموضوع ويقرونه عل وعسى يستفيدون..
وشكرا على المداخله حبيبتي..


اختكم..
سبائك العسجد..

هلا اختي كلامك درر كتبتلك رد حلو وطار واخاف يطير هذا بعد
عشان كذا راح اختصر صحيح لابد يكون في حل المشكلة ابداع كيف --- نشوفها من كل الزوايا ونختار لها عدة حلول لأننا مانعرف نفسية زوج صاحبة المشكلة ويمكن تنفذ وبكذا نزيد المشكلة تعقيد بدل حلها
بالنسبة لخيانة الزوج ماادري والله ايش تقصدون بها يعني يكلم في التليفون ولا يغازل بنات ولايعاشر وحده ثانية يعني ماني فاهمه بالضبط لكن هذا كله سببه البعد عن الله لأنه لو خاف ربه ماسوى شيء حرام ولاتنسون انه محصن يعني يقام عليه الحد كذا الشرع هذا اذاعاشر غير زوجته شغالة ولا اي وحده
بالنسبة لاهل الزوج سبحان الله هم بعد يعتبرون اهلها هم اللي اختاروها لولدهم وهم عمات عيالها وامه هذي امه ياعالم اللي ربته وكبر بين يديها يعني محبتك لها من محبتك لزوجك
الله يوفقك في اختبارك وتجيبين نسبة عالية بس ابعدي عن النت اخاف نضيع وقتك ترى احنا ماورانا اختبارات سلام ياعسل

نفحة طيب..
تسلمين يا عسل..
كلامك يهبل يا قلبي..
وانا كنت اتكلم عن خيانة النت او التلفون..وليست الخيانه الكبيره اللي مع الشغاله او اي احد..
لان الكبيره هذي لحالها مصيبه..وقضيه..
صح هم الثنتين خيانه والثنتين غلط وحرام بس والله قويه..
وصح كلامك من اسبابها البعد عن الله..
وشكرا على مداخلتك اللطيفه يا قلبي..

اما بالنسبه للدراسه ودي اقوم ادرس بس مالي خلق عموما انشاء الله ابدا ادرس اليوم..
ومشكوره يا عيوني على دعائك لي..

اختك..
سبائك العسجد..