السلام عليكم ورحمة الله وبركاته
مرحبا بكل من شرفت موضعي أول بالأصح موضعنا جميعا
هذا الموضوع ياالحوائيات الحلوات بنخصصه لكل شي سريع وبسيط ولذيذ
هو مثل ماتقولون تبادل مصالح:D
كل وحده عندها طبخه أو حلا أو أي شي سريع ولذيذ ينفع الموظفات والمزنوقات اللي يداهمهن الوقت دايما تحطها هنا نبغاه يكون ملف كامل ومتكامل نرجعله وقت الحاجه وأتمنى ألقى تجاوب منكم لأن بصراحه بدونكم الملف ماراح يكون له أي قيمه وأنا أشوف أني لوحدي ما راح اقدر اسوي شي بالملف أتمنى عزيزاتي تثرون الموضوع بتجاربكم ومو لازم صور المهم الطبخه (الزبده)
وأنا راح أبدا بثلاث أصناف طبق أساسي ومقبلات بسيطه وحلا وكلها سريعه وطريقتها بسيطه وأشكالها مشهيه أتمنى أتوفق في هالملف(أول مرة أسوي ملف وخايفه:hahaha:)
انتظروني في الردود القادمه يا حلوات
الصنف الأول
معكرونه بشميل حمرا إحترافيه مع السر اللذيذ
هذي وصفه سريعه ولذيذه بالمكرونه ببدأ بالصوره عشان تتحمسون للوصفه
:32:
وأعتذر عن تصوير الخطوات بس هي سهله وما تحتاج
نجي للمقادير:
معكرونه اي نوع انا استخدمت الإسباغتي
بندوره وفلفل أخضر مقطعين أعواد وممكن إضافة الخضار المرغوبه
معجون طماطم-بصل-ثوم مهروس-زيت(دوار شمس وزيت زيتون)
البهارات(كركم-فلفل أسود-زنجبيل مطحون عند الرغبه-كمون-بهارات إيطاليه أو بهارات البيتزا وهذا هو السر)
أنا عملتها بدون لحم اللي تحب تضيف اللي تبغاه
الطريقه:
نسلق المعكرونه أنا أسلقها في قدر الضغط تاخذ 7 دقايق بس
في خلال الـ7 دقايق هذي نفرم البصل ونهرس الثوم ونقطع البندوره والفلفل ومانخلص إلا والمعكرونه مخلصه
نصفي المعكرونه ونبدأ بالشغل،نكشن البصل بزيت دوار السمش أو الذره ولمى يبدا يذبل نضيف الثوم ونقلب شوي وهنا سر خطير في الكشنه وهو نضيف شوي سكر وشوي ملح +الكركم والفلفل الأسود والزنجبيل ونقلب شوي وقبل ما نضيف البندوره نحط الكمون ونحط باقي المكونات (الفلفل الأخضر المعجون +شوية مويه لا تكثرون+المعكرونه)ماعدا زيت الزيتون والبهارات الإيطاليه ونقلب في المعكرونه الين تنشف في هالوقت نسوي البشميل وكل وحده وطريقتها فيه
وإذا خلصت المعكرونه وقبل ما نطفي النار نسوي الطريقه هذي وهي سر المعكرونه عندي(ناخذ ربع فنجال زيت زيتون ونحط معاه البهارات الإيطاليه ونخلطهم سوا ونحطها عالمعكرونه ونغطي القدر على طول ونطفي النار ونخليه على ما نجهز الصينيه)
وفي الأخير بعد ما نحط البشميل على المعكرونه في الصينيه ندهن البشميل بالزبده أو بزيت الزيتون ونرش فلفل أسود وبهارات إيطاليه ونرص بندوره مقطعه أعواد وعالفرن من تحت وفوق عشان بسرعه
يمكن الطريقه في الشرح طويله شوي بس هي ما تآخذ وقت وأنا عارفه نفسي إني ما أعرف أشرح:04: بس اللي تبغى شي تسأل وأنا في الخدمه
هنا قبل لأدخلها في الفرن
وهنا بعد ما طلعتها ما حمرتها كثير احبها كذا
زوووووووووووووووووووووووووووووم
وبالعافيه أتمنى تكون نالت رضاكم ولو أنها متواضعه
وانتظروني في الرد القادم عندي الأحلى