واخيراااااااااا نزل وزني الحمد الله وفرحتي ماتنوصف

:icon28:

السلام وعليكم ورحمة الله وبركااااته

صباااااااااح الخير يا احلى عالم :) واخيرااااا انكسر ثبات وزني بعد ما وصلت لل82 اول كنت 90

قريت وااااايد عن ريجيم العصير الحارق الاناناس والكيوي قلت خليني اجربه دامني احب العصيرات

طبعا هالعصير معاه ريجيم بس انا الريجيم ماعجبني واخذت وصفة العصير بس وسويت تخفيف


يعني بعطيكم مثال :

الفطور : 2 توست اسمر محمص + بيضة مسلوقة
سناك بعد ساعة ونص : تفاحة

الغدا : صحن متوسط الحجم شوربة عدس و حبة توست محمص مع ملعقة لبنة قليلة الدسم
سناك : تفاحة

والساعة 6 جعتتتتتت واايد اخذت لي ربع ركية ( بطيخة حمرا )

طبعا العشا موووووحد على الساعة 7 او 8 بالكثير عصير الاناناس والكيوي

والمقادير :

باخذ حبتين كيوي
وعصير اناناس خالي من السكر والمواد الحافظة ( استخدم سيزر 250 مل )
حبة ليمون
وشوية نعناع وكللللللهم بالخلاط

طبعا الطعم ماخبركم شكثر حلووووو يوم اهلي حبوه يذوقون وش بشرب انا وااايد عجبهم وصرت اسوي للبيت كله وياااي هالعصير بس طبعا هما يشربونه بعد يعبون بطوووونهم معكرونه ههههههه ( صحة على قلبهم )

طبعا هالكلام لمدة 4 ايام يعني تجربة المفروض الريجيم هذا 8 ايام وبياخذون الوزن بس انا مااااستحملت قلت بشوووووووف النتيجة :42: والنتيجة كانت واايد حلوة





2:600 كيلوين و600 غرااااااااااام وناااااااسة بعد ماكنت 82 و600 غرام :icon28:

طبعا بدوووووون رياضة بالمرة عشان فترة امتحانات ولاعندي وقت :44: كنت اتمنى اسوي رياضة معاها عشان النتيجة بتكون اروووووع وهااا بعد نسيت اخبركم البارحة خبصت شوي على الغدا اكلت صحن معكرونة صغيييير بالجبنة عشان ماقدرت اقاومه هههههههه وبالعشا اكلت مع العصير 4 حبات لانشون دااايت بس عوضت هالتخبيص
ومشيت ساعة ونص طبعا والله يا بنات احسن وزني نازل اكثر من شكلي يعني الجينز صار واسع شوي عليه والعباية صارت بعد واااسعه اكثر من الجينز واحس الكرش اكثر شي بجمسي نزل :42: وهذا الي ابيه



طبعا الله يجزي صااااحبة التجربة الي حمستني كل خيررررر يارب :26: وبعد حبيت اشكر الاخت سمارت دايت

على موضوعها سجون من دهووون واااااااايد حمستني وفادني

لاتنسوني من صالح دعااااااائكم وياااارب اوصل للي ابيه على خيرررر

هدفي الاول : 85 ( بفضل الله تم )
هدفي الثاني : 80 ( بفضل الله تم)
هدفي الثالث : 75 <<< ومازال تحدي الشحوووووم مستمر
هدفي الرابع : 70
والخامس : 65
والسادس 57 :icon28: دعوااااااااتكم يا صالحات