غماامة :

هلا صبايا تعالوا نكمل وين وصلنا ؟؟ للي سئلوا عن وزني كان 99 وصار في 70 لاني طويله طبعا طلع مناسب وزني وطولي واحاول انقص كمان  المهم  البعض فرح لي والبعض قال كنتي اول احلا السمنه عليك اجمل  بس الاغلب مدحني وقال استمري وماعليك من نقد الناس  زوجي فرح كثييير وانبسط  شافوني حملوتي انفجعوا قالوا نحفتي كثييير تغيرتي  والله يابنات صرت مثل الريشه  زنودي صغرت مره صرت البس كم قصير وانا فرحانه  اول اتعذب اذا حصلت بلوزه لازم تكون ضيقه من عند الزنود اتضايق وشوي وابكي  ماعاد افصل ابدددد كله جاهز صرت اخذ الشي واقوسه في البيت مااقوسه في السوق قطعت شوووط كبير من الرجيم  معدتي ماعاد مثل اول صرت اشبع من اقل شي  اقولكم الاشياء الي كنت امووت فيها وصرت الحين اكرها كرها البفك مايدخل بيتي ابدد مدري كيف كنت اكله  الشكولاته مااحرص عليها  كرهت المعمول صارت كبدي تحوم اذا شفته  الكنافه في السنه مره اشتريها البسبوسه القتوه  البرقر وحده وسط كل شهر  كرهت اشياء كثييره الشبسات كنت اعشق ليز الجبن الحين لي سنه ماكلته  المشروبات الغازيه ماعاد تلفت نظري  المارس التويكس السنكرس مااكلهم ابددد اول مدمنه جلكسي ساده الحين اخليه للحلا  تغيرت كثير قسم بالله  يارب لك الحمد  اول اذا وقف ولدي عند البقاله ادوخه بالطلبات جب كذا وكذا اعظم من البزر الحين اقوله اي شي عشان اخوانك😂😂😂😂 تخيلوا ماعاد يهمني  اول ادخل بنده لازم اكل حبه كاكاو واحاسب عليه فاضي الحين اشرب مويه وتنسد نفسي  صرت انام براحه ونفسي خفيف عكس اول اشارخ  معاد يشوفني زوجي في الفراش يقول صغرتي ههههههههههههههههههههه رقصت من الفرحه اي موديل نفسي فيه لبسته وفصلته  طبعا استمريت سنه ونص وانا اجاهد نفسي الحمدلله طلعت بنتيجه  الشي ياخواتي مايجي علی طول  الحرمان شي مو سهل ابدد تخيلوا سنيين ابلع واكل ومتراكمه الشحوم  ماتروح علی طول لازم عزيمه واصرار  حتی امي تقول وشفيك خفيتي وين اول الصحه  بس الحمدلله شعري وبشرتي ماتأثرت  صح نحف وجهي مره بس ماذبلت اهم شي  اكل فواكه وخضار  ماحرمت نفسي الغداء ابددد كل شي اكله بس مااتعشی الا خفيف  واشرب بين الوجبات مويه حاره وزنجييل وكركم  وشرايح لليمون قليل  كنت اشرب بعد كل وجبه كمون وليمون ومويه حاره استمريت 3 شهور  والله رهيب الكمون عجيييب من جد  نحفتي بسرعه خطيره بس سبب لي مشكله  قلل دم الدوره  قرأت في اضراره الكون انه يقلل نزول دم الدوره  وفعلا يمر اسبوع ماينزل مني دم الا خفيف للعلم توني في الثلاثين  تركت الكمون علی طول  وصرت اشرب مويه حاره وشرايح لليمون وزنجبيل  استمريت عليه والحمدلله طلعت بنتيجه  ورجعت دورتي عادي الحمدلله  بس طلع لي مشكله ثانيه  صحيح نحفت مررره وطلع لي خصر بس اكتشفت برز بطني ونزل  للعلم مااسوي رياضه ابددد وصار السبب اني امشي وانا اتنفس مع فمي وهذا خطاء سمعت للعصيمي مدرب رياضي ان المشي له شروط منها  التنفس مع الانف  لان الفم يدخل هواء ويطلع كرش  والحين احاول بطني يروح للعلم ماكان عندي كرش كبير كذا انا وخواتي ماعندنا كرش وراثه من امي وجدتي  بس الحين طلع لي  سمعت من بنات ان الكركم مع مويه حاره اشربه يوميا ممتاز للبطن  بجرب واشوف  ومازلت امشي  تصدقون كنت امشي في المخطط حتی في الغبار والجو عج  اللبس الكمام تحت النقاب وامشي  واذا كان رش بسيط بعد امشي وادعي ربي اذا اشتد المطر ركبت السياره واذا وقف نزلت  عبايتي اسفلها طين ومويه  بس مبسوووطه مابي اترك المشي واتكاسل  كنت معزمه وكانت ايام جميله وكان الجو مثل هذي الايام رهيييب  وربيع  ابشركم المخطط صار كله فلل 😂😁😂 غيرت مكان مشي وصرت امشي مكان ثاني  بس مو مثل اول يوميا لا 3 مرات في الاسبوع  الله يازين هذيك الذكريات  الحين رجعت شهيتي للاكل الحمدلله كل شي اكله بس مااشبع  اقوم والشي في نفسي  والا اشرب كاسين مويه  والا اجلس اخر شي اكل فضله عيالي قد برد الاكل وخرب  عشان مااكل كثير  وصرت اكل من برا علی خفيف  والكوفي مااكثر حلاه احاول اخذ معي تمر اذا طلعت كوفي مع عيالي عشان مااكثر حلا  وهذي قصتي  صدقوني اذا نسيت شي برجع اكتبه  دمتوا بود علی هذي الردود الحلوه  ربي يخليكم لي  لاتنسون كل شي تبون تسونه ادعوا ربي ويعينكم عليه  من كان يصدق اني بنحف عقب ماكبرت وعيلت  😂😁😂😂💐💐

هلا صبايا تعالوا نكمل وين وصلنا ؟؟ للي سئلوا عن وزني كان 99 وصار في 70 لاني طويله طبعا طلع مناسب...