اختي
الله يكون في عونك يا رب و يفرج لك همك
انا حاسه فيك و اكيد شي صعب و ما اعتقد مشكلتك بالسفر بحد ذاته لكن مشكلتك بخوفك على زوجك و احساسك انك محرومه من اشياء بسيطه مثل الخروج مع زوجك و ان زوجك يوصلك لاهلك .. لكن اختي يمكن انت عندك سلبيات في حياتك بس بعد عندك ايجابيات ... خلينا نتخيل سينارويو شوي مختلف لحياتك ....
خلاص موافقه .... بس نتخيل شوي و حاولي تعيشيين الدور علشان تحسين بالفرق ... هاه خلاص نبدا


انت نزوجتي و سافرتي اول ما تزوجتي زوجك طيب و معافا و ما فيه الا كل خير .. سافرتو و انبسطو و رجعتو من السفر ... من يوم ما رجعتو و زوجك مكشر في وجهك و يقول انا مديون ما عندي فلوس ها السفره خسرتني ,,, و مخلي حياتك نكد لدرجة انك قلتي يووووه ليتني ما سافرت .. و مرت الايام بالاول كان زوجك يوديك لاهلك و بعدين صار يقول انسي شي اسمه اهل اذا صار عندهم مناسبه الحمد لله غير كذا ماله داعي ... هو طيب بس ما يبي كثر المشواير ... مرت الايام .. و انت ما حملت ,, و زوجك بدا يعايرك و يقول انت ما منك فايده لو فيك خير كان حملتي انت مثل الارض البور ... الخ الخ الخ و صار الرجال يسافر مع زملائه دائما مع انكم ما كملتو السنه متزوجين و اذا قلتي شي قال اروح اوسع صدري و اذا قلتي اروح معك قال لا مصاريف اذا رحت انا و ربعي اي شي يكفينا ما ابي انقلك معي ,,, و بعدين وش يقولون ربعي ما يمشي الا ماخذ الاذن من زوجته اقعدي بس اقعدي ... طيب وديني لاهلي يوم انك تبي تسافر ... نععععم وشو اقولك ابي اسافر يعني ابي امسك طريق تبيني امسك الطريق مرتين خلي اهلك يجون ياخذونك و لا ماله داعي انا ما راح اطول اقعدي باليبت .. !!! بعد سنتين من الصبر و التحمل انت ما حملت للحين و هو نفذ صبره ما دريتي الا و قالك ترى انا نويت اتزوج ... !!!


انا ادري انك تقولين وش ها السالفه وش لي انا فيها .. و انا اقولك شفي كيف ان الواحد ممكن تتغير حياته و شوفي كيف ان هذا الوضع كان ممكن يصير لك و صاير لكثير بنات .. بس انت الحمد لله ربي انعم عليك و رزقك بزوج يحبك و انت نحبينه و رزقك بالحمل الي ان شاء الله راح يتم على خير ... و رزقت بالصحه و بالاهل .. و بعدين الي فهمته ان اهلك كانو راعيم سفر يعني الحمد لله جربتي السفر و الدنيا ما تكمل ..

شوفي اختي الي فهمته انك حامل الحين و الحامل ترى نفسيتها ما يحتاج يعني اكيد انت مو هاذي حالتك الطبيعيه و لا نفسيتك تتحمل و في الحمل ... يا سلااااااااااام كل شي شين مر على الواحد في حياته يتذكره و تصييريييين شاعره و بحل يا المتنبي ... وقوف على الاطلال و دموع .. عاددددددي اختي هذا حال الحوامل ,, و هذا سبب انك كتبتي مشكلتك بهذا التوقييت اختي انت عايشه هذه المشكله من 2 و نصف بس الحمل و تغير الهرموونات و ابليس يززززززززن على راسك و يقول ما مسكنيه ما سافرتي غيرك يروح و يجي و انت قاعده ... يا مسكنيه زوجك تعبان و انت صابره حتى اهلك ما تشوفينهم ... اكيد راح يقول كذا .. بس لا تتوقعين ابليبس راح يجي و يقول ما شاء الله عندك زوجك يحبك و تحبينه و ما شاء الله حامل الله يتمم عليك ... صح ...

بأختصار اختي شوفي اذا ودك تكلمين احد و تفضفضين .. تدرين وش تسوين ... طبعا توضي و صلي و ادعي ربك و اقري قران ,,, و فيه دعاء مرررررررره حلو سبحان يشرح الصدر ..
"اللهم اني اسئلك بكل اسم هو لك سميت به نفسك او انزلته في كتابك او علمته احد من خلقك او احتفظت به في علم الغيب عندك ان تجعل القران ربيع قلبي و نور صدري و جلاء همي و حزني "
كرري الدعاء كل ما تتذكرينه و دائما و انت قايمه او قاعده قولي اللهم اشرح لي صدري و يسر لي امري .. و راح تشوفين الفرق


ثانيا و يمكن تضحكين علي .. بس اذا مررره متضايقه وودك تشتكين ,, روحي و اجلسي بغرفتك و سكري الباب و اقعدي قدام المرايه و اشتكي لروحك .. و صيحي و سولفي على روحك و بعدها راح تحسين بالراحه .. من جد ترى انا مجربه اذا فيه سالفه ودي اقولها اقوم اقعد و اقولها لروحي و ارتاح ... و لا من شاف و لا من دري .. في البدايه كذا و بعدين خلاص تقدرين تسيطرين على نفسك .. و تتحكمين في اعصابك .. بس انا كنت اسوي كذا اول ما اتغربت لان ما عندي احد اسولف عليه ..

ادري اختي طولت عليك بس قلت احاول اخفف عنك .. و صدقيني ترى عندك نعم عظييييييمه بس اهم تحسيييني فيها و تتذركينها دائما .. و فكري ان فيه ناس يعيشون مأسي و حياتهم مرررره صعبه ... و دائما شوفي الي اقل منك مو الي احسن منك علشان ترتاحين ..

الله يشرحك لك صدرك و يشفي لك زوجك يا رب
:17: :26:

اختي حبيت اضيف شي مرره بسيط بس نسيت اذكره قبل وهو
" لا يرد القدر الا الدعاء"
اذا انت خايفه على زوجك ادعي له و الحي بالدعاء في كل سجده اشكي لله سبحانه ابكي و انت تطلبين الطلب و الاهم انك تكونين عندك ثقه ان هذا الدعاء راح يتحقق خلي عندك ثقه بالله سبحانه و ادعي و انت حاسه ان الشي هذا راح يصير ان الله غفور رحيم
:26:

أختي الغاليه عذاب السنين ...

لقد شعرت بك في كل كلمه كتبت فأنتي حقا صغيره وقد يكون زواجك المبكر هو أحد سبب أحاسيسك هذه وآلامك ...
حبيبتي ربما يكون ما سأكتبه ليس حلا ولكنه سيساعدك قليلا على الخروج مما انتي فيه ...
لقد قلتي ان زوجك ( الله يخليه لك ) لايستطيع الذهاب الى اماكن بعيده فلما لاتبحثي عن اماكن مجاوره لمنزلك ويكون بها وسائل ترفيه ( منتزه _ كورنيش _ مطعم عائلات .... الخ ) فأذا كان بجانبكم مثلا كورنيش بأمكانك تطلبي من زوجك انك تروحوا تقضوا يوم اجازته على الكورنيش وتآخذي معك أغراض شوي وشاهي وقهوه وتجلسوا يمكن انتي تشوفيه ممل بس لما تقومي بالفعل راح تلقيه ممتع جدا او تروحوا مطعم مع بعض تتعشوا وتغيروا جو يعني ترتبي طلعات مثل هذي وهذا بحد ذاته يساعد زوجك علشان يطلع من اللي هو فيه لأنه راح يغير جو عن البيت ولا تنسي حبيبتي انك حامل الله يدوم حملك ويسعدك بمولود يملى عليك حياتك أنتي وزوجك وطبعا راح يتغير الوضع كثير بعد مجيئ ( ولي العهد ) الكتكوت الجديد واذا كان زوجك مستطيع ممكن تجيبوا لكم سائق بحيث انكم تطلعوا سوا والسواق هو اللي يسوق السياره وتروحوا اي مكان يعني ممكن تقنعي زوجك بهذي الفكره ....

والله يخفف عنك آلامك ولا تنسي تخبريني عنك .....

أختك الزهره الحزينه ....

مرحبا يالغاليه

من ناحية السفر لاتطالعين الناس وارضي باللي مكتوب عليك لان اللي يطالع الناس يتعب ومو انت الوحيده اللي ماتسافرين كثير مثلك وانا اولهم لانه يمكن في يوم من الايام تتغير الاحوال الى الاحسن بمشيئة الله


كثري من الدعاء وقرأة القرآن على زوجك لانه الشافي



الله يوفقك ويرزقك ويسعدك وويخلي لك زوجك ويشفيه ويحفظ اللي في بطنك ويرزقك الذريه الصالحه:27:









:26:

بالبدايه اشكر الجميع على الرد مع اني تفاجئت كثير من قلة الردود


مشكوره حبيبتي على ردك الحلو .... وصدقيني انا متحملته كثير .. واساعده على العلاج .

الهنديه

عجبني كلامك كثير وحسيت بشي غريب لما قريت رسالتك
واحس انه انت الوحيده اللي فهمتني اكثر خصوصا لما قلتي

انا حاسه فيك و اكيد شي صعب و ما اعتقد مشكلتك بالسفر بحد ذاته لكن مشكلتك بخوفك على زوجك و احساسك انك محرومه من اشياء بسيطه مثل الخروج مع زوجك و ان زوجك يوصلك لاهلك
*
انا فعلا خايفه موت عليه اخاف مع الوقت يصير له شي بسم الله عليه
واخاف على اللي في بطني لو الله تمم علي
وضايق صدري يعني حتى اهلي مايحق لي لروح لهم مثل الناس
ومتضايقه من الحجره بين اربع جدران لااكلك احد ولااسولف مع احد
لان زوجي مثل ماقلت كلامه قليل
ووووووووووووووووووو ... الخ
الله يعيني كل شي فوق راسي وانا توي ماني قد هالمشاكل .
وبالنسبه اني ادخل الغرفه واناضر نفسي بالمرايه وافضفض
صراحه مع اني طفشااااااااااانه الا اني مت من الضحك ... تخيلت شكلي ...
طيب لو سمعني زوجي وش بيقول ؟؟ الضاهر بيوديني لبيت اهلي .
وصدقيني انا اعااااااااني من قبل الحمل وتغير الهورمونات اعااااااني اعااااااااني .
دايم اقول
يابنت الحلال انت وش اللي حدك على العيشه تزوجي غيره وبتنسينه مع الوقت
واحس اني مسكيييييييييينه وبداخلي جرح فظيع احس اني مكسوره .......
من كثر المشاكل .........

الزهره الحزينه

اله يعطيك العافيه على ردك
وفكرتك حلوه بس للاسف كمان ماتمشي معه
دايم اقترح نطلع مطعم او منتزه اوعلى الاقل طلعه للبر يعني طلعات خفيفه
بس المشكله انه حتى الطلعات هذي يطفش ويمل منها وينكتم اذا طلع وتلقينه جالس على جمر يبينا بس نمشي لانه ماله خلق شي اسمه طلعات وسياره وروحات وجيات .
العيون اللي صابته غيرت له مجرى حياته بالكامل ....
يعني انا لو اطلع هذي الطلعات الخفيفه كان ميخااااااااااااااالف المشكله مشيت حالي
اربعه وعشرين ساعه بالبيت تخيلوا حتى الخميس والجمعه جالسه بالبيت وحاطه يدي على خدي ....
مره كنت طفشانه وترجيته رجاء شديد وحبيت على راسه ودموعي والله العضيم انها على خدي وقلت له
تكفى يابعد عمري طلعني ابي اروح منتزه احس اني مخنوقه خلنا نغير جو
بس نص ساعه والله العظيم ماابلشك ولا اقول لك خلنا نجلس بعد شوي
بس نص ساعه الله يخليك ...... وطبعا هذا الطلب قبل الاجازه باسبوع !!
تخيلوا كل هالترجي عشان اطلع للمنتزه ولنص ساعه بس ودموع وحبه راس ودري ايش ...
المهم قال خلاص انشاءالله يوم الخميس نطلع .
فرحت كثييييييييييييييييييييييييييييير وقعدت اعد الايام لحد ماجاء الخميس
ولما رحنا وجلسنا .... شفت ازواج مع زوجاتهم جالسين وشكلهم مطولين
يشوون ويسولفون .. واجلس ابكي من القهر ... عجزت امسك نفسي وقلت ياليتي انثبرت في شقتي ابرك لي . وانقلبت لمناحه
والسوق ماينفع ابد لانه هو مايتحمل شي اسمه طريق سوا هو اللي يسوق او غيره .

حبيبة ابوها
جزاك الله خير على ردك ودعوتك لي