هلا اختى الله يعينك مو عشانه ما يطلعبك لا عشانه تعبان وهذا شى خارج عن ارادته بس ليه ما تقرين عليه انتى لان ما فيه احد يحس فيه اكثر منك
وصدقينى اعرفليك ناس يتمنون ازوجهم يجلسون فى البيت ولا يطلعون ابيد لدرجه انه اذا جلس زوجها فى البيت خلاص كانها مخلوقه من جديد
ويكفيك يا عذب السنين انه حاس فيك ويحبك وانتى حاولى وانتى فى البيت تخلقين جو من المرح والبسطه بحيث انك تنبسطين واذا زرتى اهلك طولى عندهم عشان تستانسين وتغيرين جو وتشتاغين لبيتك
وحاولى تتعرفين على الجيران تراهم يوسعون الصدر بما انك بعيده عن اهليك
وانشاءالله كلها شهور انشاءالله وتولدين با السلامه ويغير حياتك ويشغليك البيبي

هلا اختي
بالنسبه لانك خايفه ان زوجك يسمعك فانتي حاولي تقصريرن صوتك او حتى تتكلمين بهمس اما اذا سمعك زوجك فا هذا الشي انا بعد كنت خايفه منه لما كنت اسوي كذا .. خفت يقول استخفت هذي .. بس مره دخل على صدفه و قال ايش هذا الصوت . قمت ضحكت و قلت له ما تصدقين كيف تأثر و قال طيب ليش كذا .. قلت له انت ما تتكلم كثير و انا احب افضض و اشتكي و ما ابي احد يدري عن المشكله و لو كل ما صار شي في نفسي جيت افضفض لك كان انت كرهتني و مليت مني ,, بس مرررره قدر و قالي اذا صار فيه شي في نفسك وودك تفضفضين تجين لي و تقولين لي و انسي المرايه .. بس كم شهر بعدين نسى و انا رجعت للمرايه مره ثانيه فتره و بعدين خلاص تعودت اتحكم في نفسي ,,
بعدين اختي احس اني اكثر شي مأثر عليكم مسأله انه صايبته عين ... اختي العين حق بس اول مره اسمع انه الواحد تصيبه عينيين او ثلاث عيون .. يعني هذا شي غريب علي .. فا يمكن انتم من كثر المعاناة الي انتم تحسونها تحسون بها الشي ..
الشي الثاني مو اي واحد تصيبه ضيقه او تعب تكون اصابته عين .. اختي احس من اهم الاشياء الي راح تغيير مجرى حياتكم هو تغيير النفسيه .. لا تتكلمون عن العين ابد علشان تنسون .. يعني خلي الجانب النفسي يتحسن .. خلاص ... و بعدين شوي شوي اطلعو طلعات بسيطه ,,,, يعني اذا انت ساكنه في شقه و عندك سطح ارقو السطح و تبلي لحمه و اطلعو اشوهها ,,,, او اذا عندك حوش صغير اطلعو فيه كل مغرب اتقههو فيه .. يعني شوي شوي ,,, و بعدين اذا قال انا تعبان ,, خوذي الموضوع مزحه قولي ايه ايه تعبان ما عليك الا العافيه شكلك اصلا اليوم احسن كثير من امس حتى وجهك منور اليوم اكثر .. راح ينعكس عليه هذا الوصف ,, و كل يوم قولي له ان فيه شي تغيير في وجهه .. و بعدين قولي انا احس انك خفيت بس انت تبي تتدلع علي . و هكذا .. اذا نعودتو انكم تطلعون في الحوش او السطح .. حاولي تتطلعين انت معه في كل مره يروح فيها يجيب اغراض للبيت .. يعني حتى لو كيس خبز من البقاله قولي معك و ممكن تجلسين في السياره لفتره و بعدين تطلبين منه تنزلين لانك محتاجه اغراض ... شوي شوي راح يتعود على الطلعه و انت راح تغييريين جو في هذه الطلعات البسيطه .. صدقيني الحاله النفسيه مرررره مهمه و زوجك حتى لو ما قالك حاس فيك و بضيقتك و اكيد مأثر عليه هذا الشي .. تعوذي من ابليس و شغلي اشرطه قران في البيت ترى تغيير النفسيه ,.,,
الله يشرح لك صدرك يا رب و يخلي لك زوجك
:26: :26:

كتبت رد واكتشفت ان فيه شبه كبير بيني وبين رد الاخت
gentle_wind
لكن ميخالف توارد خواطر
وزيادة تأكيد
_____________
والله ياعذاب السنين اقرا كلامك وعيوني تدمع :(
موب من عظم المشكلة (وهذا لايعني الاستهانة بها ) لكن من طريقة شكواك
واضح انك تتكلمين من قلب:44:
وان الشئ هذا كاتم عليك ومضيق صدرك
الحمد لله على كل حال
لاتتصورين ان مشكلتك هذي نهاية العالم
ياما فيه ناس ماتتخيلين كيف حياتهم وكيف الهم اللي على قلوبهم
روحات وجيات سفرات وطلعات
لو شفتيهم تقولين ياليتني اعيش عيشتهم
لكن ماتدرين عنهم
احمدي ربك يابنت الناس
اخلاق زوجك طيبه
مقدرك
معيشك عيشة مُرضيَة
محترمك
صاينك
مو مقصر معاك
لاتكونين من الصنف اللي يدخل النار بسبب كفران العشير
بمجرد تشوفين غلطة صغيرة او زله او تقصير بسيط تنسين كل الفضل
اللي له عليك او تستصغرينه بعينك
وينك عن اللي زوجها بخيل
وينك عن اللي زوجها شكاك
وينك عن اللي زوجها يشرب
وينك عن اللي زوجها يرتكب الفواحش
وينك عن من تسمع كلام يسم البدن ليل ونهار
صحيح يمكن يسافرون يروحون ويوجون
لكن ودهم ومنى عينهم لو يعيشون نص عيشتك
ياعمري
توك في عز شبابك
لاتعيشين نفسك همّ اكبر منك
لاحقة ان شاء الله على العيال
بيطلعون الشيب براسك
الدنيا موب كلها سفر ولا كلها عيال
ولا كل من سافر مبسوط ولا كل من عنده عيال مبسوط
ولا الوناسة محكوره في السفرات والروحات والجيات والعيال
ولا تضيقين صدرك وصدر زوجك بشئ مو في يد زوجك
ولاهو أساس كل شئ
ولا تحسسين زوجك بالذنب ولاتلومينه ( ولو ماقلتيه صريحه له لكن من تصرفات اللي تدل على انك غير راضية عن وضعه وعن وضعك معه)
ليس السفر والعيال نهاية كل عالم وصحة زوجك الزم ماعليك ؟؟ ولا لا؟؟
بالنسبة للاجهاض لايعني اليأس والقنوط
شئ عادي وكثيير اللي تحصل لها حالات اجهاض
تداوي بجميع انواع الطب سواء كان طب حديث او طب شعبي او رقية شرعية
ولزوجك ايضا
واكثري من الصدقه
واهتمي بتحصين نفسك وتحصين زوجك بالاذكار لان العين حق
دايما احسني ظنك بالله
ولاتقولين ليش انا حظي كذا؟؟
ليش الناس تسوي وانا لا؟؟
ليش الناس عندهم وانا لا؟؟
انتي ماتدرين وين ربك حاط الخير فيه !!
يمكن يحصل لك سفره .. تكون السبب في تعاستك: حوادث , خلل في الدين , اذى...
واراد ربي يبعدكم عنه
فيكون ردك وشكرك لله بالاعتراض والتشكي؟؟
يمكن الثنين اللي اجهضتيهم .. لو حيوا يكونون مصدر عقوق لكما.. فاراد الله ان يبدلكما خير منهما..
فيكون شكرك كم كبير من الاحزان!!

تشكرين الله بلسانك ( الحمد لله على كل حال) لكنك لاتدركينها بقلبك وهذا هو سبب ضيقك وكدرك وهمك
استشعريها بقلبك تنجلي عنك هذه الغمة اللي انتي فيها
تترحمين على نفسك ومابك ولله الحمد الا كل خير
ابعدي عن نفسك وساوس الشيطان فهذه هي مداخل ابليس لعنه الله

حاولي تقنعينه بان يضع لكم سائق خاص يلبي احتياجتكم
وان رفض فعليك السمع والطاعة
ولا تفتحين على نفسك ابواب نكد جديده
تمني لغيرك الخير
تجدين الخير ياتي اليك

ولا تختلقين حجج للناس
فرضى الناس غاية لاتدرك
ارضي بواقعك وتقبلي حياتك
وكوني اكثر ثقة في نفسك
ولا تفتحي باب المقارنات
الا اذا اردت المزيد من التعب النفسي لك

تعرفي على جيران حول شقتك الجديده
واقضي وقتك معهم
لاتكثرين الشكوى على اهلك
بل وجهي شكواك لمن يعلمك سرك وجهرك
الذي يعلم خائنة الأعين وماتخفي الصدور
اكثري من الدعاء والّحي مستوقنه الاجابة
وتخيري اوقات الاستجابة
اللهم ارزقها الذرية الصالحة
اللهم ارزقها الذرية الصالحة
اللهم ارزقها الذرية الصالحة
اللهم اشف زوجها شفاء لايغادر سقما
اللهم اشف زوجها شفاء لايغادر سقما
اللهم اشف زوجها شفاء لايغادر سقما

وان شاء الله اخواتي يعطونك صيغ دعوات اخرى

والله يوفقك ويرزقك الذرية الصالحة ويشفي زوجك ويديم حياتكم بالسعادة والرضا
اختك
بنت نجد

بسم الله على قلبك من القهر ياعذاب السنين..
الله يفرج كربتك ويعافي زوجك ياااااااااااااارب..
البنات كفوا ووفوا باقتراحاتهم..
لكن بوصيك وصيه سويها وراح تدعين لي..
كل يوم..ولازم كل يوم..
اقرئي سورة البقره عليك انت وزوجك وانفثي
عليه وعلى نفسك..
افضل وقت بعد صلاة الفجر..
وماتشوفين شر يابعدي ..

معليش تذكرت شي ورجعت..
اختي من خلال كلامك عن زوجك
انا اشك ان عنده رهاب اجتماعي
مزمن..
ولايمنع ان يقراء ويعالج بنفس الوقت
واذا بغيتي ادلك على دكتور ممتاز كانك
بالرياض..
على العموم انتي حددي ماهي علاقته
بالناس هل هو اجتماعي؟؟
هل حالته تتأزم مع الوقت..
يعني بعد هالفتره من زواجكم زادت حالته؟؟
ولامستقره؟
وللمعلوميه الامراض النفسيه لها اعراض عضويه
قويه تستغربين احياناً انها من مرض نفسي ...سبحان الله