اختي الكريمة عذاب السنين
اولا عليك الرضا بقضاء الله وقدرة وعدم الاعتراض على ماكتبه الله عليك او النظر على الاخرين والمقارنه معهم

ثانيا:
بالنسبة لزوجك فكما قالت العامرية ان زوجك ربما يشكو من مرض نفسي واذكر اني قرات قبل يومين عن شخص يعاني معاناه قريبة من زوجك ويطلب الاستشارة من الطبيب النفسي وبحثت كثيرا عنها ولكني لم اجدها لكن اعدك بان اتابع البحث عنها لعل الله ينفع بها ,,

ام فهودي

صدقيني والله ماقصرت دايم احاول اغير من جو البيت ..... والله يعطيك العافيه

الهنديه

هلا عمري .اما بالنسبه لكلامك التالي

اختي العين حق بس اول مره اسمع انه الواحد تصيبه عينيين او ثلاث عيون .. يعني هذا شي غريب علي .. فا يمكن انتم من كثر المعاناة الي انتم تحسونها تحسون بها الشي ..
الشي الثاني مو اي واحد تصيبه ضيقه او تعب تكون اصابته عين .. اختي احس من اهم الاشياء الي راح تغيير مجرى حياتكم هو تغيير النفسيه .. لا تتكلمون عن العين ابد علشان تنسون
انا اقول لك
لا فيه ليه لا ...... احيانا الانسان يصاب باكثر من عين لاسباب مختلفه وهذا شي معروف ولا يبي له عرف واذا بتتاكدي اسالي احد المشايخ .
كيف من كثر المعاناه صرنا نحس بانه فيه عين ...... العين اللي فيه واااااااقع ومتأكدين لابعد الحدود
واحنا نعرف ان الواحد لما يضيق صدره او يتعب مو شرط انه فيه عين ...
وانا ماقلت ان فيه عين الا لما تاكدت من هالشي .

بنت نجد

ماشاء الله عليك الله يعطيك العافيه على كلامك الرائع وجزاك الله الف خير يالغاليه
وسلمت يداك .....

العامريه

اختي صدقيني زوجي مايعاني من حاله نفسيه اطلاااااااااااااااااااااقا ........ وهذي مليون مره اعيدها
وعشان تتاكدين .. فهو قد عرض نفسه على اكثر من دكتور نفسي بس كلهم اكدوا انه سليم ومافيه شي ........
وهو اجتماعي ومايكره الناس .
وحاله زادت مع تقدم الوقت لان العين كما هو معروف اذا طولت بلا علاج تبلغ بالواحد وهذا كلام الشيوخ اللي يروح لهم .

كادي نجد
شكرا على المرور

ماويه
مشكوره على ارد
وتعليقي على كلامك تلقينه بردي على العامريه والهنديه
والسلاااااااااااااااااااام

اختي وفقك الله..
ارجعي الى ردي الاول ..
واتبعي اعانك الله خطوات القرأه
على زوجك بنفسك..
كل يوم ..او كل ثلاث ايام..
والله يزيل همك ويشفي زوجك..

حبيبتي والله حاسة بمعاناتك ..
وعارفة ايش تقصدين ..
انتي مو همك الطلعات ..
بقدر ما يهمك انه يكون زوجك طيب ومعافى ..
نصيحة لوجة الله ..
اقرأئ سورة البقرة يوميا ..
وحاولي انه يقراها زوجك معك ..
ويمكن ما يقدر اذا كانت العين قويه ..
تكون تمنعه ..
وهي ما تاخذ تقريبا الا ساعة الا ربع ..
وبتدعين لي ان شاء الله ..
ولله فيها شفاء ..
اعرف واحد ما يقرب زوجته بدون سبب ..
ومع القراءة صار يشوف منام هو زوجته ..
ووحدة معها ربو وحساسية بالصدر تحلفلي انها ماعاد استخدمت البخاخ من قرت البقرة ..
وهي مفعولها ثلاثة أيام ..
بعني اذا كنتي تتعبين من قرائتها اقريها يوم واجلسي يومين ..
الله يشفي زوجك ..
ويسخره لك ..

ام خلاد ..