والله يا بنات نفسيتي تعبت وافكر افسخ خطوبتي

اااااااااااااااه الشكوى لله

سامحوني اذا ازعجكم بهمومي لكن ماليش غيركم اشكيلوا اللي فيا بعد الله

انا تعبت من الانسانه اللي اسمها حماتي وبسببها افكر افسخ خطوبتي اللي من 3 سنين ممكن تتخيلوا

فيها كل الصفات السيئه ولمزيد من التوضيح انا والحمد لله من عائله معروفه في مصر تعد من اثرياء

مصر ودي نعمه من عند ربي والحمد لله ابويا اي انسان يتمنى يجامله ويعرفه

وايضا خطيبي عائلته معروفه ومن الاثرياء لكن للصراحه عائلتي اكثر منه وانا اقول لتوضيح الصوره

ومعاناتي

وشيء تاني بنت عمي متزوجه اخو خطيبي يعني سلفتي

المشكله يا بنات من يوم ما اتخطبت عمري ما حسيت ان حماتي مبسوطه بيا يني كله عادي عندها

غييييييره قاتله تحب دايما تحسسني انا وبنت عمي ان عائلتنا مش حاجه بطريقه غير مباشره

لما جبت عفش بيتي لان عندنا يكون على العروسه وعفشي مكلفني كتيييييييييييييير تقولي دا فلانه

جايبه عفش اكتر من عفشك مرتين دي انسانه مرفهه مش اي حد يقدر يجيب زيها وطلع ان كلامها

كدب تقولي ان بنت اختها شاريه لبس عشان العيد بمبلغ كذا ويطلع كلامها كذب دا فلانه شاريه شيء

تاني بكذا و يطلع برضه كدب يعني كله كدب في كدب

تقول ان بنتها ملكة جمال وهي جداااا عاديه ودايم تمدح في بنتها و جمالها وان بنتها بيضا والكل

يتمنى يخطبها وانها معروفه بانها مال وجمال وادب واخلاق وهي لا معروفه ولا غيره لانها طالعه

لامها تحب تجيب لبنتها كل شيء ولا عمرها في حياتها دخلت عليا بهديه الا اول ما اتخطبت

بخيييييله كل حاجه عشان بنتها وبس تقول لما اموت دهبي بنت اللي تاخده لكن الولاد لا

الحمد لله اجيب اغلى لبس واغلى اشياء وتحسسني انها اشياء قليله تيجي تقولي على سلفتي

دا ابوها (عمي) جايبلها اخر مره سافر فيها دبله الماز او فستان بسعر كذا او شيء للشقه او

اعطاها مبلغ كذا تجيب بيه لبس واسأل بنت عمي يطلع كدب وتكون قايلالها عني نفس الكلام

ليا بنت عم تانيه فسخت خطوبتها تقولي هي تطلع مين يعني ولا بنت مين عشان تتأمر كدا

تخيلوا انها في يوم راحت تقول لسلفتي ان ولادي هيطلعوا شبه خطيبي لاني بحبه اكتر ما هو يحبني

تروح تقول لخطيبي كلام كدب امي قالته عشان خطيبي يتخانق معايا ودايما تبكي لخطيبي وتقوله على

امي مش بتسأل عني ولا تكلمني خالص من ساعة ما ابوك مات وهي ما بتتصلش على حد

هتموت من الغل لان بنتها لسه ما اتخطبتش وتقول دا كل يوم جايلها عريس واغنى منكم

تقول بنتي قلبها ابيييض وهي بنتها قلبها زيها يعني تخيلوا جدي توفى و بنتها ما رفعتش السماعه

تعزيني وتقول طفله عقلها صغير رغم انها اكبر مني بنتها غيووووره ودلووووووعه عايزه كل

حاجه ورغم اني دايما اجيبلها هدايه لكن طالعه لامها عمرها ما جابتلي حاجه

جربت طرق كتير والحمد لله للان عمري ما غلط فيها واعملها احترام رغم اني ما بحبش اكلمها

في التليفون لاني عارفه ان لازم هتقول حاجه كدب او حاجه تدايقني وفي كتييييير من القصص دي

وشكيت لخطيبي كتيييير لكن دايما يطلع لها حجج وانها كبيره و جوزها متوفي ودايما يصدق كلامها

لان اكيد مفيش واحد هيقول امه كدابه رغم ان خطيبي الحمد لله كويس معايا ويحبني ويجيبلي هدايا

لكن كتيييييييير يحصل بينا مشاكل بسبب امه ساعات احس ان امه بتأثر عليه بكلامها ما تحبش

انه يجيب هدايا كتير تقولوا مراتك لازم تحوش مش كله تبذير زي مرات اخوك الكبير (بنت عمي)

تحب تقول قدامه ان اي واحده تتمناه وان مراته لازم تكون في طوعه وكلام كتيييييير

فيا بنات والله العظيم نفسيتي تعبت منها

من الاخر كل تفكيرها في المظاهر و الدهب والفلوس واللبس من الاخر طماعه ولا عندها قناعه بشيء غير كدا لما تجيب لبنتها حاجه

تقولي السعر بالضعف لما اسافر تقولي اجيب لبنتها لبس حاجات لشقة بنتها اللي بتجهزهلها من يوم ما كانت طفله ولما اجيبلها حاجه وابعتها

ما ترفعش السماعه و تقول شكرا واذا انا سألتها تتطلع معظم الحاجه مش عجباها او حاجات معبنه تطلبها واجيب حاجات غاليه ولا عمرها

تحاسبني عليها وبديت

اضايق وامي كمان لان الفلوس اللي اجيب بها ليها ممكن اجيب بها لنفسي احسن غير انها مش بتجيب لحد حاجه يعني انا لما بسافر اشتري

هدايا لاصحابي لانهم بيعملوا معايا نفس الشيء وبقيت صراحه اتحرج قدام اهلي من تصرفات حماتي وبنتها كان نفسى في حماه تحبني و

احبها تكون فرحانه بيا وبأني

عروسة ابنها , حماتي تتباهى بيا قدام الناس لكن قدامي لا ولا كأني شيء

تعببببببببببببببببببببببببببببتتتتتتتتتتتتتتتتتتتتتتت هموتتتتتتتتتتتتتتتتتتتت