يمسيكم بالخير يالربع
وش لونكم
وش حالكم
منذو مبطي وانا ادخل ع ذا الموضوع احسه حماااس
ودي اكتب كم كلمه لصاحبة الموضوع خصوصا يوم شفت الي تقول حررررام ليش تحطين ألف عند الدكتور وحرامي وماحرامي
الألف ممكن تصير ثلاثين ألف لو الوحده اهملت نفسها وزاد وزنها اكثر واكثر يبغالها عمليه تكميم ولاتحوير ولاتحزيم بعيد الشر عن وخيتي والمسلمين
وألف كثير منا تحطها في فستان ولاشنطه وهي خرقه لاراحت ولاجت
المهم
الاخت نعومه تفكيرها سليم وهذا الي المفروض كل وحده دبدوبه تسويه تكسب عمرها وصحتها وجمالها وثقتها بنفسها..
قبل فتره كنت في زواج وحده من جماعتنا اهل العروسه من ديره واهل العريس من ديره ثانيه وام العروسه عمرها 45 تقريبا بس شكلها 30 واهم مايميزها جسمها مرتب ومالها كرش وزنها تقريبا 60 _ 59
كل من سأل من اهل العريس وين ام العروسه مايصدقون وحده منهم تقولها ماشاء الله كأنك عروسه توك متزوجه
فالمقابل بنت خالت العروسه عمرها 20 ماتزوجت كانت جالسه قريب مني كل شويه البنات الي معها يقومون يرقصون ويفرفشون وهي ماتحركت من مكانها هي الوحيده الي جالسه ع الطاوله والباقين يرقصون
قربت منها بحكم انها عزيزه عليِ قلتها بقول للعروسه انك مارقصتي بزواجها قالت الي مثلي تنثبر فبيتها ابرك لها .. سولفت معها شويه وفهمت انها متعقده من جسمها وشكلها ....
بالله عليكم هالمواقف الي نشوفها قدامنا للرشيقات والدبيات ماتخلينا نشجع كل دبدوبه تنزل من وزنها وترتاح
نعوووومه
واصلي كل مادخلت لازم ازور موضوعك
ودي اعرف كم صار وزنك بعد ثلاث اسابيع
لاتغيبين كثير مستنينك :pinklove:
يمسيكم بالخير يالربع
وش لونكم
وش حالكم
منذو مبطي وانا ادخل ع ذا الموضوع احسه حماااس
ودي اكتب كم...
والله مقدر ماامر واشوف وش تسوون وش اخباركم تمنيت ان رجيم الجزار جاب نتيجه معاي بس الحمد لله على كل حال
بجرب اذا نزلت ذا الاسوع مع رجيم د/اسامه حمدي والا برجع لكم على الاقل اتونس بكم فالرجيم
نصيحه ( ماينفع رجيم من دون مشي ورياضه:7_5_131: صدقيني اذا مانزل وزنك فماراح تخسرين راح يتناسق جسمك وتطلعين مرتبه )