وشلون اسوي القهوة؟

حبيبتي هلا وغلا، اشتري من محلات البهارات الي بالعويس كيس بن غير محمص وخليهم يحمصونه في وقتها وغالبا ما تستغرق التحميصة نصف ساعة واطلبي منهم يحمصون معها مستكة وشيبة
ولا تطحنيها عندهم ، وكل مرة اطحني شوي من البن وضعيه في علبة وعند عمل القهوة ضعي في ابريق القهوه حوالي 5 كاسات موية وعليها ملعقتين ونصف بن وثلاث حبات قرنفل وشوي زعفران وخليها تغلي مدة نصف ساعة وضعي في الترمس ملعقة هيل وصبي القهوة عليها وبالهناء ،،،، ادعيلي انه ربي يعطيني الذرية الصالحة.

اهلين اختي مايكبرني لقب :26:

اهم شئ تعتمد عليه القهوه نوعيتها وطريقة حمستها

افضل نوع طبعا اللي مكتوب عليها هرري باشنفر تجي بخيشه وكتابتها اخضر

والحمسه اذا ماتقدرين تسوينها بالبيت سويها عند اي محل محمصه وقوليله اللون شقراء ويحط

معها أشنه ومستكه وزعفران

واذا جيتي تطبخينها حطي القهوه ومعها حبتين قرنفل وشوي زنجبيل وخليها تطبخ ونقعي الزعفران بموية حاره <شوي زعفران مع فنجال مويه مغلي>
واذا فاحت حطي الزعفران عليها وخليها تطبخ ربع ساعه وسكري النار وخليها 5 دقايق
بعدين حطي الهيل وشوي قرنفل مطحون بالدله وصبي القهوه عليه وخليها على النار
واذا فاحت طفيها
او اذا بتحطينها بالترمز عادي

جربي الطريقه وانشالله :arb: تبي تعجبه

كان ودي اساعدك بس انتي بالرياض وانا بالشرقيه بس باحاول الترمس الصغير ( روتبونت) تحطي مقداره مويه مغليه(بزياده كميه بسيطه من الماء) في ابريق القهوه وتحطي مقدار( فنجان قهوه ممسوح) من القهوه المطحونه وتخليهم يطبخون مدة 10 دقائق على نار هاديه بعدين ارفعي البريق وحطي ملعقه صغيره(اللي اصغر من ملعقة الحلى) هيل مطحون ورجعي البريق على النار وتقلب مره وحده(مو اكثر من مره بعدين تصير القهوه مره) بعدين ارفعيه عن النار واتركيه 3 دقائق على جنب وبعدين نصبها في الترمس وتتقهونها بالعافيه.

نوسه الننوسه
الله يعطيك العافيه ويجزاك الجنه وجعلك ان شاء الله ترزقين بالذريه الصالحه
انتي واختي الغاليه ويدمنون عيالكم على القهوه وتسوونها لهم كل يوم طبعا
اذا كبروا ياااااااااااااااااارب ياااااااااااااارب ياكريم .:)

اميـــرته
ياقلبي انتي شكلك تضبطينها حيييييييل ماشاء الله ليت من تقهوا عندك
خخخخخخخخخ<<<<تعزم نفسها:hahaha:

ام الجميلات
مشكووووووووره حبيبتي طريقتك سهله وبسويها بكره

تقريبا طرقكم متشابهه ومن بكره انا رايحه للمحمصه بشتري اللي قلتوا
عل وعسى تزين القهوه وتعجب ابو الشباب:22:

انا انا انا..تراني سنعة واعرف اسوي قهوة..<<<<<<<<<احلفي بربك..

شوفي بقولك على الطريق..
جيبي ترمس القهوة الي بتسوينها فيه>>الترمس مو الدلة ..اغسلية زين وحطي جواته مسمار حب مو مطحون ..حطي كمية يعني 7 او 8 وعبي نصة موية حاره..
هالحين جيبي الدلة حقت القهوة.>>>الدلة الي يتفوح بها القهوة..
حطي فنجان قهوة وزلي عليها موية وخليها تطبخ..إذا هرارية ترا طبختها ماتاخ واجد يعني اقل من عشر دقايق..
بعد كذا ..كبي الموية الي في الترمس والمسار بعد كبية..
وجيب لي 8 حبات مسمار حب وحطيه فيها وزعفران وحليب سائل مثل بوني وطقته ..
ثمن إذا طبخت القهوة زين حطي عليها فنجان هيل..بس خلية يقلب مع القهوة قلبة وحدة وزليها في الترمس وخليه تركد لها عشر دقايق وصبيها لأبو الشباب..

تراني حستك بالطريقة ..لكن هي سهلة وحلوة..