تسلمين حبوبة على هالأكلات الحلوة
وإذا تحبين الفالودة اللي الكل يتخبل عليها راح اعطيج.. هي طبعا شوي مكلفة بس راح تنسين السعر بعد ما تجربين الطعم..

المقادير

ربع كيس شعيرية (بلاليط) العادي
علبة أناناس الحجم العادي مو كبير ولا صغير
علبة فواكة مشكلة بنفس الحجم
علبة خوخ بنفس الحجم
3 علب قشطة
1 علبة حليب مركز مكثف
1 آيس كريم فانيلا
ربع كوب بريهو ( حبيبات سوداء )
علبة جيلي جوز الهند ( إن وجد )
روح أفزا أو فيمتو أو لون أحمر


الطريقة

* تسلق الشعيرية ولكن مش كثير على النار حتى ما تكون لينة، ثم تصفى من الماء
* تصفى الفواكة والجيلي من الماء المحفوظ بشكل نهائي وتقطع قطع صغيرة
* ثم تخلط جميع المقادير مع بعضها
* البريهو يغسل جيدا ويصفى ويضاف الى المقادير
* وآخيرا يزين بقليل من الفيمتو أو اللون أو روح أفزا ويخلط
* توضع بالثلاجة وتقدم بااااااااااااردة
* وبالعافية عليكم

عزيزتي.. طلبتي من الأخوات طريقة العرايس.. وانا جربت طريقة اختنا الغالية زهرة التنوير
وطلعت حلو، بس أنا بعد ما دهنت الخبز لفيته بالقصدير ودخلته الفرن وطلع يم يم

وهذي طريقة الغالية زهرة التنوير
-----------------------
عرايس اللحم على الفحم

المقادير :- خبز لبناني - زيت زيتون -

الحشوه ( لحم مفروم + طماطم مقطعه الكميه نفس الشي يعني اذا كيلو لحم =
كيلو طماطم ) + شويه بصل مفروم + شويه فلفل اخضر بارد + شده بقدونس مفروم + ثوم مهروس + ملح + فلفل احمر ناعم بارد + فلفل اسود ..

الطريقه :
تفتح الخبزه وتحشى بالحشوه ثم يدهن الوجه بالزيت ثم يوضع بالشوايه وتشوى على الفحم مع التقليب المستمر ....
--------------------------------------------

جربيها تراها سهلة

ما راح اهدج لين ما تجربين كل شي
جربي طريقة الغالية ( أم حبيبي ) في طريقة الشاورما سهلة جدا وسريعة ونالت إعجاب زوجي
------------
شاورما

المقادير :
دجاج مسلوق ومنتف صغار
بصل مفروم
بقدونس مفروم
روبة
طحينية او هردة
سماق
نعناع مفروم
طماطم + خيار مقطع صغار

الطريقة:
حمسي البصل مع الدجاج واضيفي الملح والبهر حسب الرغبة وبعدين طفي النار وهو ساخن ضيفي البقدون + النعناع وخليه يبرد واضيفي الروب والطحينيه وخلطيه مع السماق خلي الروب اكثر من الطحينية بشوي وبعدين حطي الطماطم والخيار
عاد انتي وكبيفج تبين تحطينه بسندوشات سليس او خبز الراقائق الموجود بالمخيز او لبناني واكلوه على طول يعني لا تخلونه مده طويله علشان الروب ما يخمر

مممم شو رايج تاخذي الرابط اللي فيه مواضيعي وتجاربي يكون اسهل

http://forum.hawaaworld.com/search.php?searchid=893590&pp=15&page=1

واو ما اصدق شنو هالردود الحلوه بنات ومدامات
الله يجزيكم كل خير

فاقدة الامل بالمره شجعتيني وايد حبيبتي بس بقثج ابكم سؤال
شنو يعن بريهو ما اعرفه ؟

بعدين قصدج الجيلي جاهز والا علب انا احضرها بالبيت ياريت اتردين علي تاخذين فيني اجر او بجرب الوصفات الباقية وارد عليج مشكوورة وايد