" ولدي .... أعينوني على استقباله بعد السجن "

بنات قصتي قصه ومدري كيف أبدا بها
ابي أبدا من أي نقطه المهم أبدا
أنا أم ل8 أولاد
والله مدري كيف أبدا هذي معاناة سنين وآلام وحسرات لكن ابي أبداء وحاولو تفهموني زين مازين
ابي شورتكم وخاصه اللي شافوا حالات مثل حالاتي

بسم الله

انا ولدي كان عنده 13 سنه وكانت فرحتي أنا وأبوه كبيره وخاصة انه جاء بعد مرور وقت طويل على زواجنا وهو الولد البكر ,,ياليته مات ساعتها وارتحت منه
في هالعمر اتعبنا كثير وكان عنيد جدا ويدور الغلط ويسويه وكان واضح انه عنده ميول انحرافي من ساعتها
تعرفونوشلون يعني يدور الغلط ,,يعني كل غلط يخزي ويشيب الواحد منه من أولها استفتحها بالسجاير
انا وأبوه ماصدقنا ,,ومو هذا اللي اللي بنينا أحلامنا عليه
كان شري يهاوش ويطاق مع العماله اللي عندي في البيت وأنا أصلا كنت أخاف منه ,,تخيلوا بهالعمر
لدرجة ان الشغاله كانت ترحمني وتسمع بكاي في الصلاة وأنا أدعي له وخصوصا ان كنا تونا خالصين من مشكله معاه

أبوه عانى الكثير وحاول بكل الطرق انه يهاديه ويسير معاه لكن أبد مدري وشفيه الى انه جاء يوم ومن حرتي ضربته ضرب مو صاحي ,,
وش أسوي كثرت مشاكله واوجع قلوبنا .
راح يسوي لنا مثل الافلام ويطلع من البيت وما رد الا وحده من الليل ,,تخيلوا بس عمره
حاولنا ندخله مدرسه أهليه على اساس ان الحكوميه فيها اولاد خربانين اكثر من الاهليه ,,مدري كذا كانت فكرتنا
صادفت ان المدرسه اللي دخلها أم الخراب كله والحشيش واللعانه والجنس الثالث بعد والله أنا مستحيه وأنا أقولكم

ماتتخيلون وشلون يدي تنتفض وأنا أكتب لكم ,,أنا اساسا الآن أعاني من أماض كثيره بسبته الله يهديه

المهم أرجع للسالفه وأنا أبسرد لكم كل شي وانتوا رتبوا الاحداث مع بعض
الولد يزيد سوء وأنا وابوه ماكتشفنا انه قاعد يطور كل انواع الانحراف والخراب في نفسه وكنا ظانين انه يمشي صح
بس كلمة حق ماقد سألنا عنه في المدرسه وهذا اللي زاد الطين بله
حتى ان الولد كان يجيه طق من المدرسه ويجي يحكي لنا ويبينا نتحرك ونروح للمدرسه بس الابو كان طناش
ولا أظن ان هالسبب رئيسي لكن المفروض ان احنا نشوف امور الولد زين ومانخليه المهم

الولد اشغلنا حتى وجيهنا انا وابوه صارت مثل الاشباح دايم خايفين ومرتاعين عليه وأي رنة تلفون نخاف نرد عليها من كثر الشكاوي منه 0

سن 14 صار يطالب بالسياره اللي اساسا ماشاورنا ولا كان يستنى رأينا لاننا اصلا عاجزين نقول لا ومتأكدين ان اللي مايطوله بلسانه يطوله بيده وصار يسرق السياره ويروح يدج فيها ..واحنا لاحول لنا ولا قوه يعني لو ماأخذ المفتاح يفتح السياره بحدبده أو أي شي ثاني
كرهته مرررررره وصرت أدعي عليه ان الله يريحنا منه 0
كان كل فتره تجيني مكالمه من قسم الشرطه انه سوى حادث ولازم نجي نستلمه والغريبه انه مع كثر ما صدم بالسياره يجي يمشي على رجوله مافيه الا العافيه0
صديت انا عن الناس وصرت أشوف بعيونهم كيف انا ماأعرف اربس ولدي زين بس يعلم الله ان سوينا كل اللي نقدر عليه
بس هو كذا ,,خلقته كذا تقولين فيه دم يهودي الله حسيب عليه ذلنا قدام خلقه
صار له علاقه ببنت الجيران هاوشناه وقلنا عيب عليك انت وشتصير ماتستحي ولاتحترم حق الجيره وماتشوف حالك كم عمرك وأصلا كنت خايفه على البنت منه وخبرت امها واستسمحت منها
ايه خبرتها كان لازم أخبرها وشذنبها البنيه لو لعب الشيطان بينهم والله هي تروح فيها المسكينه وأكون شلت ذنبها اللي عارفه وساكته
الام طلعت فاهمه وصكت على بنتها وصارت تخلي بالها منها احسن من الأول حتى تلفوناتهم سوو لها كاشف وتسجيل 0
سويت أنا مثلها وسمعت كلام لولدي مع واحد يقول له تعال عندي ولد يعجبك وسهل انك تلعب عليه والله مستحيه اكمل وانتوا عارفين مثل هالامور

تصقدون وأنا اكتب لكم رجولي صارت بردانه وراسي قام ينمل
لاحول ولا قوة الا بالله

انا ماصدقت اللي سمعته ومسكت راسي وقاعده افكر انا بحلم ولا علم واقول لابوه ولا لاني متاكده انه ماراح يتغير شي سواء عرف ولا ماعرف0 يعني هم صار مايتحمل صدمات

بنات سامحوني ابرجع اكتب الباقي بس خليكم معاي لان اصابع يدي وجعا الروماتزم ومااقدر اتحمل الكتابه والمصيب كبيره وانا لسه في اولها