في نقطة نسيت أنبه لها و هي تهديد الطفل بأن الله بيعاقبه بالنار !
الله يرضى عنك الآن في هذا العمر لا تتكلمي عن الله سبحانه بهذه الطريقة ،،
الصلاة يُرغب فيها الطفل من هذا العمر 7 سنين و يتم التدرج معه 3 سنين ، يعني تقريبًا ( أكثر من ألف يووووم ) و الطفل تحت التدريب
حتى يترسخ الركن الثاني من أركان الدين ،، و تكون عبادة رااااسخة في المسلم لا يتخيّل حياته بدونها .


إذًا كل أمر آخر دون الصلاة فالأصل فيه معالجته و الصبر على التوجيه ،
سبق و طرحت موضوع في قسم التربية نبّهت على هذه النقطة و هي ( الله بيعاقبك ) !
هذا رابطها لمن أرادت الرجوع و الإستفادة ..
https://www.hawaaworld.com/showthread.php?t=438514...

اعطيه مصروف كفايه يعني3 ريال ممكن وعلميه وفهميه انو مافي غيرها وان قطعت الفلوس ولا سرقت ربي بيقطع يدك والمدرس بيعلم الشرطه ويجون يسحبونك ويقطعون يدك معليش خوفيه بهالاسلوب طالما انو تعدت مرحلة شقاوته وعناده يمكن يخاف ومايعيديها وخلي ابوه يكلم الأساتذة ان بدر منه تصرف مو لايق يعاقبونه وخلي ولدك يعرف هالمعلومه عشان بنظبط ويعمل حساب لأي تصرف يسويه عشان يعرف انو ورآه عقاب هذا غير عقابك له وهدديه انو عندك رقم الاستاذ اللي يعاقبه بأنك راح تدقين عليه وتعلميه الين ماينصلح حاله وخليه يكمل السنه وصدقيني مع اصلاحك له ومع الايام راح يتعدل حاله وينسلك في المدرسه ومايخلص الترم الا هو متعدل اهم شي أصبري وادعي وسوي اللازم وبيتعدل باْذن الله

جزاكم الله خير على ردودكم
انا ما اضرب ولدي على اي شي اصبر عليه واذا شفته يتمادى في غلطه ضربته ضرب خفيف
الحين ولدي رجع من المدرسه ومادفع حق الشوكلاته اللي اخذها امس راح اشترى بالفلوس كلها ومن كلامي معاه الظاهر انه مافهم اللي قصدته يقول اعطيتهم الفلوس كلها وبالمقابل اشترى اغراض بها مافهم قصدي
وطريقة المدح والتشجيع اللي قلتوها اسويها معاه ومع اخوانه كلهم امس عاتبته على ملابسه ليش يوسخها واليوم جاء ملابسه نظيفه ويوريني مدحته عليها وقالي اليوم ماطفشت عمي سمعت الكلام ومدحته وقلتله بطل وشجعته عليها


والبنات اللي يقولون اعرض ولدي على اخصائي نفسي ابوه استشار اخصائي نفسي في وضعه وقاله الاخصائي فتره وتعدي اذا طلع صف ثاني بيتعدل سلوكه لاكن انا خايفه انه مايتعدل ويستمر على وضعه
لاكن ولدي ماااايحب يحفظ سورة الفلق لنا 11 يوم نعيد ونزيد فيها مارضي يستوعبها اجلس معاه بالساعات وماهو راضي يستوعبها من الاساس الكلمات صعب عليه نطقها مع ان نطقه عادي في باقي الكلمات ومعنا يعرف ينطق


ومسألة اني ادخله مدرسه ثانيه مافيها معارف له صعب لان اقرب مدرسه غير اللي هو فيها تبعد نص ساعه بالسياره ومافي نقل وابوه مو دائما موجود عشان يوديه
نصحتوني اني ما اقول لولدي هذي سرقه واني ما اخوفه من عقاب الله طيب كيف اعلمه الحلال والحرام كيف ازرع مخافة الله في قلبه اخاف يكبر على انه شي عادي ياخذ الشيء بدون استأذان
ومصروف المدرسه ماعد ادري كم اعطيه لانه مسرررف ولو قصرت معاه ياخذ بدون مايدفع او ينشب لاخوي يعطيه من مصروفه مع ان ابوه مايقصر يجيب كل شي لهم من حلويات وبسكويتات وشبسات وعصيرات على اساس ياخذون معاهم من البيت وهو عنيد مايرضى لازم يشتري واذا ماعجبه الشي يرميه على الارض
موذي الله يصلحه ويهديه

الله يكون بعونك ولدك مثل كثير من الاولاد اللي يشتكي لي منهم ولدي ادعي له دايم ان الله يهديه وسمعت ان تشغيل سورة البقرة عند راسه وهو نايم تنفعه وتخليه هادي

انقليه لمدرسة ما فيها معارف لكم