وماذا بعد الأربعين ... ؟؟؟؟

السلام عليكم أخواتي

اللي ترد الله يحرم جلدها على النار ويرزقها ولادة ميسرة إن كانت حامل وترجع لزوجها عروس إن كانت نفاس

ردوا علي الله يسعدكم وإذا ماعندك رد ياليت ترفعين الموضوع للفائدة


كنت أبي أسأل هالحين طول فترة النفاس الأربعين وحنا ماشيين على نظام معين
أكل غير الناس بر وسمن وعسل و.. و .. و..
واربطي بطنك
واستعمال غسولات مرة وقشر رمان وأرطا و.. و.. و..
وابتعاد عن ممنوعات عدم أكل ملوخية وبامية و.. و ..
ولاتمشين على السيراميك حافية .. لا تكثرين ترويش .. لا تغسلين شعرك دايما ..
لاتشربين بارد .. سفي من لهومك رشاد .. وتكبي في نهاية نفاسك ..
البسي بنطلون وشراريب وتدفي عن البرد ..
اشربي قشر قهوة وقرفة و.. و.. و ..
و ... و ...و ... وغيره وغيره من شغلات النفاس



حلوووووووووووووووووووووووووووووووووووووووووووووووو



سوينا كل هذا .... طيب وبعدين ؟؟؟؟؟؟؟؟؟؟؟؟؟؟؟؟؟؟؟

عندي سؤالين محيريني وأبي لهم إجابة.


الأول : متى خلااااص أبطل أسوي كل هالأشياء ؟ هل مع نهاية اليوم الاربعين ؟
يعني:

اليوم الواحد والأربعين عادي أشيل الشراريب والبنطلون وآكل عادي بامية وملوخية وبطيخ و..
وعادي أشرب موية بااااااردة وأتروش كل يوم وأغسل شعري
وخلاص أترك غسول المرة وقشر الرمان
خلاص ماعاد ألهم من الرشاد على الريق
وأترك شرب قشر القهوة والخلطة اللي كنت أشربها بنفاسي

لأني بصراحة خلصت أربعيني من يومين وماني مقتنعة إن فجأة كذا أترك نظام في يوم محدد بعد 40 يوم
أحس إني تعودت على السجن :)

والسؤال الثاني : مهممممممممم

لو استمريت على بعض الأشياء مثل ربط البطن وغسول المرة وقشر الرمان وسف الرشاد وشرب قشر القهوة
هل بتجيب نتيجة ؟ وإلا ممكن تضر ؟

لا تستغربون بصراحة أنا ندمااااانة إني مابديت أهتم بدري بهالأشياء فقلت يمكن تساعدوني وتجاوبوني وألحق أنفع نفسي شوي

بليييييز ردوا خلص أربعيني ولهالحين مستمرة في (بعض) أمور وأبي ردود عاجلة

بدل ماأتعب نفسي وفي الأخير يطلع بدون فايدة لأن المدة محددة وانتهت.


وأرجع واقول مرة ثانية

اللي ترد الله يحرم جلدها على النار ويرزقها ولادة ميسرة إن كانت حامل وترجع لزوجها عروس إن كانت نفاس

ردوا علي الله يسعدكم وإذا ماعندك رد ياليت ترفعين الموضوع للفائدة

أنتظركم