كوين

انا ولادتي 29-9 بس ما قالت لي عن اخر موعد متى !! زين ما قلتي لي اللهوم هذا عباره عن شنو
وشنو اول عشر ايام غير وتالي المده غير وشنو البرنامج المكثف هذا ؟؟ ترى ما عرفت شي للحين :(

كوين من صجج عبايه وملفع يعني ماخذه مبيت كبير مو صغير !!وشنو رامز هذا ؟؟ ترى ما اعرفه
والكاكاو اللي شريتيه مو سنكرز وتويكس والسوالف هذه اللي مجيسه بالجمعيات ؟؟ شنو الحلاو هذا مال شويخ اللي تقولين عنه

الله يعينج من ناحيه المصرف والله مصرف وسامحيني على اسئلتي الوايده ترى ما عندي خبره كلششششششششش :(

رافعه الراس

حمدلله على السلامه وتتربى بعزج القمر نوره .. حبوبه ولدتي طبيعي وجم كلفتج الولاده لاني بولد بمستشفى هادي وما اعرف
جم بالضبط الفلوس وهل اخذتي ملكي وجم يوم قعدتي ؟ وعلى الكفر انا رحت حق الجوهره اليوم بس قريت موضوعج لقيت كفرات
بيج وذهبي بدانتيل بس على 60 و 64 انتي اي فرع من افرع الجوهره تقصدين ؟؟
والقرقيعان تعالي قعدي يمي لاني مثلج غشيمه :)

ليمونه

انا رحت النقره ذاك اليوم ولفيت الشمالي والجنوبي ما لقيت ولا محل حق كفرات :( وين تقصدون بالنقره ؟؟

كوين

ترى اللي انتي حطيتي صورهم في وحده تبيعهم على سبعه بكويتيات انا طرشت لها رساله وللحين ما ردت علي :(

مامتو لحمادينو

هلا وغلا فيج نورتي الموضوع وينج من زمان لا تنسينا يا حلووه مشكله المنحه هذه انا اقول ابيها تتاخر لين ما اولد
عشان حمني ياخذها :)

دلوعه حمني
هلا فيج يا عمري حمني للحينه في بطني ويزاقط خخخخخ والله بامبكن باتش اغراضه حلووه لا يطوفج بس خوفج عقب شهر ونص
تخلص التنزيلات

ام حمد

يسلمووو على الدعاء :) والله يهون على الجميع يا رب

هلا و غلا بنوتات.... لقيت وحدة تسوي حلو و شغلها وااايد حلو و ذوق فبروح اشيك على شغلها.... و صج على طاري الهادي بغيت اعرف كم ولادتهم؟؟؟ ترى اللي زوجها بالجيش يسوون لها خصم بالهادي و المواساة.... و اللي بالتربية و الاعلام يسوون لهم خصم بدار الشفاء! شيكوا ترى 100 دينار حلوين... و رامز هذا سوق شعبي كبير بس والله شغلاته حلوة و رخيصة حيييييييل!

:27:

عاد أنا سمعت من صديقتي أن الهادي يسوون خصم لموظفات وزارة التربية !!! >> خبر موثوق خصم من 10 الى 15 %

طيب دار الشفا مايسوون خصم حق اللي زوجها بالجيش ؟؟؟

ماشاءالله عليكم يابنات كفيتو ووفيتوووووووو.....بالنسبة للتجهيز للولادة...
انزين بعد الولادة ما عندكم افكار حلوة وشنو راح تجهزووووووووووون...

اقصد بعد النفاس...........................................عندكم أفكار ودي اجهز..........