هلا و غلا بفوز الكويت الحمدلله... بس زيادة وزنج هذا مو بكيفج على حسب رغبتج بالأكل انا اختي مازاد وزنها وااايد و هم الدكتورة كانت تقولها لازم تتغذين بس كل وحدة و طبيعة جسمها... والله يقومج بالسلامة... عاد جهزتي حق البيبي و لا للحين؟؟

:27:

نونو سونا

الله يتمم لج على خير ويرزقج الذريه الصالحه يا رب والله يعينج على الثقل احنا
واحد ونقول ثقيل شلون توأم ؟؟

رتوجه

انا بعد مثل امج عندي تروحين عياده خاصه تكون الدكتوره اللي فيها تولدج بالمستشفيات
الخاصه لانهم يسوون لها خصم :)

فوز

الحمدلله يا رب انج تطمنتي على البيبي ويالله اكلي وايد زيدي وزنج دام الدكتوره زفتج

رتوجه

انا عمري ما سمعت عن مستشفى لندن بس مرات امر صوبه واشوفه وما ادري شلون الولاده
عندهم انتي لا يغرج الغرف تأكدي من الولادات والكمام والسوالف هذه احسن لج يا قلبي

بنات ما طلع عندكم الكفر اللي انا حاطته ؟؟

اليوم رحت شريت قميص نوم عشان الاستقبال لقيت بالمباركيه بمجمع عيد النصار محل تحت يبيع بس قمصان نوم حق الاستقبال والله حلوين واسعارهم حلووه بعد شريت قميص نوم وشريت قميص نوم على شكل بجامه من قطعتين تخيلوا الاثنين طلعوا علي 24 دينار

قمصان عيد النصار حلوين وفي جنه محل اسمه ايام الربيع او شي الربيع هذا قمصانه حلوه
عبقريه كويتيه ترا صوره الكفر مو طالعه من وين خذيتيه؟
انا طلبت وكملت من الكويت

وسويت اجتماع مغلق مع اللي باقي من اهلي وقررنا شلون الاستقبال ووزعنا الادوار :)
وببتدي تجهيز البيبي الحين يعني الشغلت اللي مقرره اخذهم من لاندمارك ومذركير والزي منو
اللاند مارك ابي سلوبيدات ويالفتاهم وماقاوم التنبانات مع ان بنتي الحين عندها يمكن سبعين تبان :) شكثثثثثثثثثثثثر تبانات
وباخذ مميات بيجون الجزاز وصداري وخرابيط
مذركير باخذ الغلايه مالت المميات توب مالتهم ، حوض الغسيل ماحتاجه عندي مال بنياتي الله يحفظهم وهذي مهي احسن من خواتها غصبا عليها تتسبح بحوضههم بس ابي الاسفنجه مالت الحوض
من المباركيه باخذ لفه مالت سر البيبي ، وباخذ العده اتللي لي مثلا الصراويل الطوال (ياني اكرهم كره العما) وباخذ قميصين بيت امهات جم طويل وبجامتين

حزام البطن شاريكم بالمشد الاندونسيي؟\
احد جربه؟
يسوا والا لأ؟
شرايكم؟
وبنات قريت عن فوايد قشور القهوه انها تنظف الرحم وترده مثل ماكان وانها تخفف الوزن صج والا لأ؟
شرايكم؟
ودي اجربها بالنفاس

مراحب بنوتات...... و امهات المستقبل!

رتوج.... انا دايم امر على مستشفى لندن... اختي ساكنة بالمهبولة فلما اروح يكون المستشفى على طريقي... بس حيييييل بعيد عن اهلي و صديقاتي.... اختي تقول واايد هادي...... بس اللي تعرفه احسن من اللي ما تعرفوش!

عبقرينو.... هلا و غلا حبيبة قلبي..... البارح رحت مخصوص لج حق دريم موووووول و اسعار الكفرات بالسما عجبني واحد قالي ب90 و مع الخصم 87 قلت له لا شكرا..... هو نفس المحل اللي شرت امي منه كفر اختي..... و طلعت امي شارية كفر ثاني من البلوكات.... روحي البلوكات فيها شغلات عجيبة! و رحت تنزيلات BHS و Mother Care وااايد حلوة.... بس نطروا شوي راح ينزلون الأسعار بالأرض.... و تنزيلاتهم لغاية يوم 15/9/2006 يعني جدامنا شهر كاااااااااااامل! و على فكرة الوالدة قالت لي مافي خوف من ان راس الياهل فوق..... تقول يدور مع قرب الولادة.... و اذا مادار الله لا يقول في الهادي يفرونه لج... تقول على اخوي الصغير(17 سنة) صارفيها نفس الشيء و داروا لها البايبي! اختي شرت من عيد النصار دراريع الاستقبال وايد حلوين و طلع نفس السعر تقريبا... و شرت من حولي بعد...... اسعارهم حلوة و تصاميمهم راقية :)

Dancing Queen.... اسم غريب! انصحج انج تربطين بس المشد الأندونيسي ماجربته ابدا! جربيه و قوليلنا عن النتائج.... و قشر القهوة واااايد حلو.... شوفي انا كنت اشرب خلطة علشان تنظف الرحم و تمحي الكرشة ..... والله باسبوعين ماعندي بطن! مع الرجيم طبعا .... بس الخلطة بروحها كافية....
اذا تبون الخلطة قولولي علشان احطلكم اياها.....
و شربي مرة 3 مرات باليوم و شوفي اشلون راح تصيرين بعد الولادة.... او قبل اي مناسبة.....

:27: