وينكم يالنحيفات......رجاءا اي نحيفة عندها إرادة تدخل

بدون مقدمات انا بصرااااااحة واصلة حدي إالى متى وحنا كذا نحيفات
جمالنا مختفي او يضيع مع النحف
والملابس مالها ملح علينا حتى لو كانت غالية
والناس طايحين تحطيم فينا
كل من شافنا قال واااااو نحفتوا زيادة وقام يتفلسف علينا بالنصايح والإرشادات
هذا إذا ماحسبونا مرضانين < فقر دم> وحنا صحتنا تمام الحمدلله
وفوق هذا كله عاجزين نزيد كم كيلو.......ليييييه؟؟؟؟
والمواضيع كلها رجيمات انواع واشكال حتى مليت ادخل صفحة النحافة والسمنة رحت قسم الحلويات
صح فيه موضوع مثبت للنحيفات لكن مايفتح بسرعة واصلا مايكفي موضوع واحد نبي الصفحة الأولى كلها لنا
المهم انا الحين معصبة لازم ازيد على الأقل 3كيلو في اسبوعين وناوية انشاءالله من الليلة آخذ فاتح شهية وازيد أكلي بس ابي احد يبدأ معي وينافسني لأني بكذا اتشجع
اللي تحب تشاركني في المنافسة هذي ترد علي او ترسل على الخاص وانا مستعدة اتواصل معها بأي طريقة ونمشي على نظام واحد او نتفق ونشجع بعض
واذا مافيه احد فأنا بتحدى نفسي واحط لي عقاب لو اخالف النظام او انساه وبإذن واحد احد لأزيد الثلاثة كيلوا خلال اسبوعين لأنه حرام يضيع جمالي في النحف والعمر يمضي وانا اتفرج على البنات مستمتعين بأنوثتهم ماشاءالله الإ انا انتظر السمنة تجيني من غير تعب:angry2:

اعذروني عصبت عليكم بس مالي غيركم وابي تشجيعكم ومساعدتكم اذا تعرفون أي شي يسمن بسرعة
الله الله يالنحيفات شاركوني بالمنافسة:26: