الثقل
اتاخر اتاخر اتاخر اي شي لازم اخذ فيه وقت بالذات مواعيد الخروج من البيت مااخلص بسرعة وقت السفر حوسة واخرج متاخرة انا يابنات مثالية بحركتي كل شي ابيه يكون مأنتك درجة اولى شغل مشي حالك مو ف نظامي ابد
عشان كذا اتاخر رايكم الحل زوجي يكره فيني هالصفة وقبل ابوي يتعب من هالثقل والحين ابي حل لاني تعبت احس اني ثقيلة دم صدق يعني مااروح المشوار لين احس ان زوجي وصل حده مني وهالشي موحلو احيانا احس من ثقلي الواحد ماعاد وده يخرج معاي ويكره نفسه لين اخلص قروشتي وانشلع من هالمكان
اخرتها قبل يومين
متفقين نسافر قبل اسبوع
ومجهزه الشنطة
قبلها بيومين شريت اغراض جديدة وانحست وغيرت الشنطة وترتيب من جديد وغسيل ملابس جديدة ورفضت اخرج اتمشى بحكم اني اخلص شغلي عشان مااتاخر
وتقريبا خلصت غسيل
بس جا وقت السفر قعدت اراكض اطبق الغسيل اغسل رضاعات اغسل حمام اركب ستارة اجهز الصابون واخذ اللي احتاجها من هنا وهناك وركض والبش بنتي واروح واجي
ومااطلع الا خلاص بياذن العصر وانا صحيت 1. الظهر
مدري انا طبيعية . ثقيلة . مثالية بزيادة . ولا وش وضعي ابي اغيره حالا بال حالا باي طريقة باي دبرة
والله صفة طفشت من نفسي
حتى اذ انعزمت مكان والا شيء اذ لبست عباتي انزل مستعجلة ما عمري رحت مرتاحة 🏃🏿🏃🏿🏃🏿🏃🏿