خلاص عيل يالله انا بديت بس ماعندي مانع اجدد عهدي بالرجيم وابدى معاج من يديد .... وودي اساعدج وراح اكون وياج .... ومافي اي تراجع بس اهم شيء الصدق يعني لو لخبطتي قولي مب عيب .. العيب تستمرين في اللخبطه ...

علميني شو نوع الرجيمات اللي تحبينها وشو اكثر رجيم تحسين انه يناسبج ... وبعدين اعطيج الطريقه اللي تخليج مسمتعه ..بالرجيم وصدقيني راح ترتاحين وايد ... وماراح تحسين انج تسوين رجيم بالعكس بيكون وناسه ..

انتظر ردج

دبة_يائسة

والله لا دبه ولا قاله الله .. عيل اللي اوزانهم فوق ال 100 مساكين ولا اللي فيهم غدد الله يعينهم و يضعفهم على صحه و عافيه شيسوون؟

استغفري ربج .. والحمد لله عالصحه والعافيه ... الواحد اذا شاف بلاوي الناس هانت عليه مصيبته ..
نصيحتي اختاري ريجيم يناسبج .. و طبقيه .. و اشغلي تفكيرج بدراستج مو بالريجيم ..و اهتمي فيها .. ترا باجر ماتنفعج الا شهادتج اللي يمتن يرجع يضعف و اللي يضعف يرجع يمتن .. اهم شي اخذي الشهاده ولا تصيرين مينونه .. خلي همج دراستج
و ماعليج من كلام الناس و لا تعطينهم مجال يسألونج عن جسمج و وزنج مالهم شغل فيج .. متنتي ولا ضعفتي هذا شي يخصج .. اشهاللقافه؟

دلوعة
^_^ تسلمين غناتي والله مقدرة وقفتج وياي وشكلي بتعبج وياي :24: شوفي انا صايمة هالاسبوع واللي عقبه مادري ابدا الريجيم خلال هالايام ولا لا ؟؟؟؟؟؟؟؟؟؟؟
واذا عن الريجيم انا ماعرف شو اللي ياسبني بس يكون خفيف وسهل ^_^ والافضل انتي تختارينه :)

الكيكة
مشكوووووووووووووورة حبيبتي على مساندتج وكلامج منطقي 100% وانا الحين احاول جهدي والله مشكورة على مرورج وعلى مشاركتج ^_^

انا طولي 160
وزني 90
اقصر منك و امتن منك
ما صار فيني مثلك

الله يعينك يا الغاليه
هذا ريجيم ممتاز من النت
هذا الريجيم يتكون من 4 اسابيع يعني شهر وينزل 10 ك

الاسبوع الاول:
*************
الافطار: 5 تمرات+كوب حليب خالي لدسم
الضحى: حبة تفاح احمر او اخضر
الغداء: (1) 1-2 صدر دجاجه+سلطة روب وخيار وثوم ونعناع+ربع خبزه
(2) علبة تونه+خضروات السلطه+ربع خبزه
(3) 2 قطعه لحم+سلطة او تبوله+ربع خبزه
المغرب: 3-5 تمرات+ ماء
العشاء: خس+ سلطة روب وخيار+عصيرالخلطه( اناناس وكيوي)
********************************************************
الاسبوع الثاني:
*************
الافطار: 5 تمرات+ نسكافيه بالحليب
الضحى: عصير اناناس او برتقال او جريب فروت
الغداء: (1) 2 بيض مسلوق+سلطة+ربع خبزه
(2) 1-2 صدر دجاجه+تبولة+ربع خبزه
(3) 4-5 ملاعق فول+ سلطة+ربع خبزه
(4) ستيك+سلطة روب وخيار+ربع خبزه
المغرب: حبة فاكهه او عصير او 5 تمرات
العشاء: (1) خس+ لبن+ 2فاكهه(كيوي+برتقاله)
(2) سلطة+ روب+ عصير الخلطه(اناناس+كيوي)
********************************************************

الاسبوع الثالث
*************
الافطار: (1) 2شريحة توست+ جبنه+ خس+خيار+طماطم+حليب
(2) 5 تمرات+حليب
الضحى: عصير
الغداء: (1) سلطة+ 3-4نقانق+ربع خبزه
(2) نصف علبة فاصوليا خضراء+سلطة+ربع خبزه
(3) 2هامبرجر أو 3-4 شرائح مرتديلا+ سلطة+ ربع خبزه
(4) سمكه+ سلطة+ربع خبزه
المغرب: حبة فاكهه أو عصير أو 5 تمرات
العشاء: (1) خس+لبن+2فاكهه
(2) سلطة روب بخيار+عصير الخلطه(اناناس+كيوي)
********************************************************

تقدرين تغيرين بدل المرتديلا تاخذين 2 شريحة هامبرجر


طريقة عصير الخلطه

علبة عصير اناناس(احنا عندنا بالكويت احسن للريجيم ماركة kddلان مافيه سكر)
حبة كيوي

تحطينهم بالخلاط

واذا ماعجبج الطعم تقدرين تقطعين الكيوي مكعبات وتخلطينه مع العصير بدون خلاط
او تاكلين الكيوي وتشربين العصير

بس الافضل يختلطون مع بعض


الاسبوع الرابع:
*************
الافطار:3-5 تمرات+حليب
الضحى:عصير
الغداء: (1) 2 هامبرجر+ سلطه+ربع خبزه
(2) 2 بيض+سلطه+ربع خبزه
(3) علبة تونه+سلطه+ربع خبزه
المغرب:فاكهه او عصير او 3 تمرات
العشاء:سلطة+ لبن+2 فاكهه


ربع خبز اسمر او ابيض
السلطه:كل انواع الخضره + ملعقة زيت زيتون صغيره+ليمون


تقدرين تبدلين الستيك والنقانق بالهمبرجر او الكباب او اي نوع من انواع اللحم الي الدسم بها قليل


الاسبوع الخامس
==========
الافطار: 5تمرات+ حليب
الضحى: عصير
الغداء: (1) سلطه+2 هامبرجر مشوي+ ربع خبزه
(2) 7-10 ربيان+ سلطه+ ربع خبزه
(3) 4 ملاعق فول+ سلطة روب وخيار+ ربع خبزه
(4) تونه+ سلطه + ربع خبزه
المغرب: حبة فاكهه او عصير او 5 تمرات
العشاء: خس + لبن + 2 برتقاله





في يوم راحه بس مو من اول اسبوع لما تخلصين الاسبوع الثاني تاخذين وجبة مفتوحه غداء او عشاء

ال 10 كيلو ب 4 اسابيع

الغداء كل يوم شي أما العشاء نفسه الا في بعض الاسابيع الي يكون فيها (1) و (2)