السلام عليكم ورحمة الله وبركاته
اخواتي ارجوكم ساعدوني بحل تدمرت نفسيتي وانشلت حياتي ونفست وتعقدت وانهبلت وتسخطت على ربي وعلى قسمته وعلى حظي وعلى حياتنا ومشاكلنا وعلى القدر وكرهت اليوم اللي طلعت فيه للدنيا بسبة هالبزر المريض وتصرفاته جاااااب لنا الجنووووون وانقلبت حياتنا مشاكل في مشاكل
الولد تعرفون وضعه مريض ولاياكل ولايشرب ولايتكلم وبيكمل السنتين
لكن ماشاء الله لاحول ولاقوة الا بالله عليه فرط حركة موووووو طبيعي طلعنا من طورنا وجاب لنا المرض
مابقى شي بالبيت ماكسره ونتفه ونثره وكبه ودمره 24 ساعة شغال يمشي ويخرب
ولو نرفع عنه الاغراض يتسند على اي شي ويطلع ويتناوله ويكسره والا يقطعه والا يدمره
ماندري شنسوي فيه حتى ورق الجدران ماسلم منه خلعه واوراق المستشفيات والتحويلات والشهادات والجوالات والشواحن واللاب توبات خلع ازرار الكيبورد ورماها وراح ابوه صلحه وغير لوحة الكيبورد كلها ورفعناه ماتم كم يوم الا ناط على سرير ومتناوله من فوق الدرج ومطيحه بالارض ومخلع ازراره
الطابعة جديدة كم استخدام كسر غلافها والساند حق الورق وخلاها لاهي صالحة ولاموصالحة ماندري شنسوي فيها اي شي يلقاه والا يطوله يسحبه ويحذفه بمكان مانعرف بأي داهية حذفه لو ننسى شي قريب من يده خلاص انتهى امره
ادراج الكومدينات اللي بالغرفة يسحبها كلها وينثر اللي فيها ويكسره ويكبه البخور طاحنه وكابه بالارض الجوالات مخلع غلافاتها وبطارياتها شي لقيت بطاريته وشي لنا نص سنة ما ندري وين الارض اللي بلعته الشوفينيرة كبيرة خمس ادراج كبار شلت كل مسكاتهم وخليتهم بدون مسكات عشان مايقدر يفتحهم ويروح يطلع عالسرير ويفتحهم ويطب بوسطهم لين تكسرت الادراج كلها وصلحتها وامس ادوره لقيته ناط عالسرير وراكب في ثاني درج للشوفينيرة ومتعلق لو طايحة فيه طاحنته بين السرير وبينها محد درى فيه وراح جلس ببالدرج الاخير وخلعه وللحين مخلوع جمعت كل اغراضي باول درج وثاني درج ومن الثقل تكسروا لزقت ادراج الكوميدينات بلزق شفاف عريض وشاله وفتحهم وانا شايلة مسكاتهم المدورات المكياجات متكسرة العطورات اللي ماله غطا واللي ضايعة اللي ترش البودرات مكببها مالاقي حتى مشط امشط فيه كشتي
والمطبخ قصة ثانية مااقدر ادخله ولا اقرب له ولا يسوي لي مناحة والشارع كله يسمع صراخنا لما يستفرغ من كثر الصياح
مطبخي مفتوح عالصالة ورحنا ركبنا باب من سنتر بوينت ب 400 وقعد يهزز فيه ويمسكه ويصيح لما انعوج الباب وصار يفتح بسهولة
طاولة الرخام اللي تفصل المطبخ عن الصالة هي قصتنا الحين يسحب اي شي من العابه ويحطه بالصالة وينط عليها ويقعد يحوس ويكسر المواعين والاغراض ويكب وينثر ولو يطيح الله يعلم وش يصير فيه على هالسيراميك الله يحفظه
الحمام لادخلته يقعد يدس يدينه من تحت الباب ويصيح وانا اتقرف من انه يقرب للحمام او يلمس اي شي واوسوس ودايم اعقم يدينه بصابون ديتول وجل معقم من الصيدلية ومافي فايدة
لادخلته الحمام اسبحه راح يمسك الافرنجي او يقعد يحفر بيدينه على البالوعة الصغيرة اللي بالحمام لما فقد اعصابي واصفقه واذبحه
المطبخ يصيح يوميا اقل شي سبع ثمان مرات لما يدخله ولادخل فتح ابواب الدواليب ونثر المواعين والاكواب والطعام والصحون والملاعق ومانقدر نمشي الا على المواعين وكل شوي دايسين شي ومنكسر
بس يدور ويلف ويطلع وينزل من يصحى لما ينام وهو ينثر
غرفته كاملة ماليتها العاب ولايلتفت لها وهذي غلطتي من هو صغير اكوم له الالعاب لما طفش وزهق منها ولايحبها ولايدخل غرفته الا يسحب منها لعبة والا دراجة عشان يطلع عليها ويوصل لطاولة الرخام وينثر اللي عليها
العابه كله يسحبها ويحذفها بالصالة وملابسه وملابسي يسحبها من دواليب غرفتنا او من المنشر حق الغسيل او من سطل الملابس اللي مو نظيفة ويحذفها بالصالة
علبة الكلينكس بالصالة ينتفها نتف ويقطها بالصالة ويقطع الكرتون فوقها
اقعد ساعة ونص اطبخ له خضروات ودجاج ورز وشوربة ومدري وش واخبص له عشان ياكل ولاحتى يذوقه ولايدري وش طعمه مايحب شي اسمه اكل ولاشبس ولابطاطس ولاحلويات ولاكيك ولاعصيرات ولا الماء اللي حتى الحيوانا ت تشربه ولاتستغني عنه هذا من ولادته مانقط في حلقه الماء الا نتعاون عليه بالشفاط بالاسبوع مرة والا مرتين ننقط في حلقه والمطبخ حاشرني عنه مااقدر ادخل المطبخ ولا اقرب له واقف لي وقوف لما تحترق القدور واحيانا انساها وانا العب فيه بنسيه لايفتح الباب ويدخل ويحوس الدنيا فوق ماهي محتاسة وبالاخير ادخل واقفله بالعافية علي ويقعد يهز الباب ويدفه ويصيح لما يطيحه والا يفتحه
الحين واقف لي وقوف عاللاب توب يسحب الشاحن ويطفي اللاب توب
الشقة صااااايرة حفلة دمار شامل وربي كنه بيت عزوبية واقعد ابكي وابوه يهاوش يقول شتبينا نسوي فيه صراخ ونصرخ عليه اغراض ونرفع ويطولها والا يتغافلنا لانسيناها ويدمرها شنسوي عاد هذا اللي الله كاتبه لنا في هالبزر بمرضه وشطانته ومرات يقلب علي ويقعد يقول كله منك ورتبي وسوي
مدري متى ارتب ومتى ننام ومتى نصحي ومتى نسوي غدا لاصار طول النهار نايم ويتقلب ويصيح ومن العصر والا المغرب لما بكرة الصبح وهو مع العفاريت يشيل ويحط في الشقة لما يخليها محرقة كل قطعة بصوب ولايخلي ابوه ينام وابوه يصحى دوامه الساعة 6 وهو طول الليل يصيح والا يروح للمجلس عند ابوه نايم ويصيح عنده واذا مسكر الباب يصحى على صياحه ولايقدر ينام الا ساعة او ساعتين قبل دوامه ويروح شبه مواصل ونفسيته دمار ويهاوش ومهما عدلنا نومه اسبوع او كم يوم يرجع لنومه الاول من ولادته ينام بالنهار ويصحى بالليل بيكمل سنتين وهذا سستمه
لي اسبوع اعطيه فينستيل عشان ينومه عشان يتعدل نومه والا تركت المنوم صحى مثل العفريت طول الليل ماينام ولايبي يتفرج على تلفزيون ولا اي باد ولا العاب بس يبي يفتش وينثر ويكب ويقطع ويكسر
وانا تعبت وربي انهد حيلي مدري متى يمديني انام 8 او 9 الصبح واصحى اسوي غدا واغسل قدور وانظف وارتب ويصحى لي البزر العصر وابوه ينام وابدا معاه الدوامة والصراخ والغبن
وربي اني ذبحته ذبحته بالضرب والصراخ هبلت فيه ويصيح ويصارخ ولافيه فايدة كنه سفيه يطلع يركض ويسوي بلاوي والعمارة كلها تسمع صراخنا ودعاوينا وربي اني من كم شهر مابقى دعوة مادعيتها عليه احس انه شل حياتنا شلل كامل مانقدر نسوي شي وكل ماسوينا شي خربه
امس ابوه طلع هو وياه وقفل علي الباب نسيني بالشقة وانا البس عبايتي وانا ضيعت كل اوراقنا وبطاقاتنا والله ان صرافتي مطلعة بدل فاقد مرتين او ثلاث وبطاقتي الشخصية ضاعت شهر كامل واخرتها لقيناها في دائرة حكومية ناسينها صرنا نمشي ونضيع من كثر ماحنا على اعصابنا كل شوي نقوم نلحقه والا نطل عليه وش سوا بلوى والا صاح والا طاح والا من غير شر صار له شي
قبل يومين مدخل رجله بين الجدار وطاولة رخام ومتعورة رجله ويصيح على بالي نفس صياحه يبي المطبخ اتاري رجله عالقة ومنحشرة ومتجرح جلد ركبته وهو يسحبها وصايرة زرقا وقبل شوي متعلق بدرج ورجلينه بالدرج الثاني ويصيح ماعرف ينزل وخليته ابيه يتأدب ومافي فايدة يوم نزلته رجع طلع
وابوه موراضي يوديه لاستشاري يشوف عنده توحد او فرط حركة بما انه حتى ماما وبابا مايقولها ولايعرف اي كلمة يقول مافيه شي معاه حركة زايدة ومافيه شي
الحين صاحي له ثمان ساعات ماحط في بطنه شي وعادي عنده تعشينا كبسة وحاولت فيه ولارضى مايحس لابجوع ولاعطش لو يقعد يومين مايهمه ضلوعه طالعة من فوق الجلد واذا غصبناه استفرغ
واذا حطينا الاكل جا يركض يبي يلعب يدس يدينه بالكوب والا صحن المرق والا يحط يدينه بالارز لما يوصل الصحن تحت ويفرهم داخل الارز وينثره كله عالسفرة يعني حتى اللقمة مانقدر ناكلها براحة الله يحفظه ويصلحه ويهديه فقدنا الذاكرة كل شي بالبيت ضايع كل شي نرفعه والا ندسه وننسى مكانه صرت اشتري الشي مرتين وثلاث وهو عندي ماادري وين مكانه الا قسم الله ورتبت لقيت الاغراض بالكوم وتخسرنا نشريهم دبل وثري والميزانية رايحة فيها 24 ساعة عند الصيدليات والمستشفيات نشتري مضادات حيوية وادوية مناعته زيرو
وربي احس ان هالبزر دعوة علينا والا ان فيه شي مو طبيعي مريض وسلمنا وآمنا بالله
ماياكل ولايشرب وقلنا هذا اللي مكتوب له ولنا
لكن مريض ولاياكل ولايشرب وفرط حركة ماااااااهو صاحي خلاص ضربت عقولنا
حتى الناس لاعزمونا ماتهنا بقعدة واقفة الحقه والا كل شوي يقولون لي ولدك سوا ولدك فعل ولدك كب ولدك طلع بالشارع لو اتركه نص دقيقة كل من شافه قالوا الله يعينك مايمسكه اكل ينحط ولاحلويات ولا العاب ولاتلفزيون ولاشي بس يبي يركض ويفتش ويطلع وينزل وينثر
حتى المنتزهات نوديه يلعب شوي مع الاطفال بالملاهي كم دقيقة وبعدين يهرب لحاله ويدخل بزوايا مظلمة ويقعد يرفع ويشيل اي بلاط او كراتين وسخة او علب فاضية ويركض ويركض لحاله ونتعب وحنا نطرده ونطفش ونوديه للبيت وهو يصيح مايبي يرجع
وطايح بسالفة وسخة من كم شهر يفسخ ملابسه وحفاظته ويجي يركض بدون شي ويتبول في اي مكان واذا حفاظته وسخة سحبها ووسخ نفسه قرفنييييي بعيشتي لما صرت ناشبة له بالبربتوز 24 ساعة وانا مسكرته عليه لما جاه التهابات في الحفاظة لكن ارحم من انه يسوي هالحركات الوسخة ويجلطني واذبحه
لاتقولون لي وديه شيخ تعببببنا تعببببنا كلهم عين ونفس وحسد وطالعين من تالي يقولون مس
قبل كم يوم شيخ عنده بنات يقول ياليت ان هالولد لي وانا ابوه الله يرد عينه ونفسه وحسده في نحره
والله يكفينا شره بالله هذا واحد يعرف الله يقول هالكلام في وجهنا ولا استحى ياخي اطلب ربك ولاعندك الا بنتين ثلاث اللي عندهم 5 و6 اولاد وش بتسوي فيهم لاشفتهم وانا واحد الله يشفيه ومريض وتعبان وقبله 4 اجهاضات منهم بنتين
ولو ضناه بنات 6 او 7 وش بيسوي بيطلع من الملة يعني استغفر الله متضايق عشان عنده بنتين او ثلاث
كرهت حتى المشايخ صرت انا اقرا عليه يوميا واحصنه والله يشفيه
وهو الله يشفيه من النوع الصياح من ولادته بس يصيح على اتفه شي فاتح حلقه قلق وازعاج مو طبيعي
لاتقولون لي عادي كل الاطفال كذا والله كل البزارين اللي شفت منطقين عالتلفزيون والا مع العابهم والا يرسمون ويلونون والا عالايبادات هذا الايباد يقعد يضغط فيه ولاشغلنا له فيديو والا اغنية قعد يصيح مايبيه ويرميه والالوان يقطع الكراسة ويشخبط عالجدران ويرميهم التركيبات يصيح لما يفكهم من الاكيااس ويحذف كل قطعة بزاوية ويدوسهم ويمشي
والله يابنات جننا هبل فينا ماحنا عارفين شلون نتعامل معاه ويهدى مثل باقي الاطفال ويترك التخريب عنه والله اذا نام اقعد استغفر على كثر مادعيت عليه يروح اليوم ماشتغلت ولا رتبت وكل ماارتب شي جاه وحاسه والا سحبه من يدي وقعد يصيح يبيه
لاغرفة نوم مثل الاوادم لامطبخ مرتب لاصالة لاغرفته لامجلس كل ماارتب شي دخله بلمح البصر قلبه محرقة
حتى الجزم والنعال الله يكرمنا حاطتها في علبة بلاستيك كبيرة بسحاب فك سحابها وخربه وكل شوي يطلع لي جزمة ويلبسها ويمشي فيها ويقلبها بيدينه ويطلع فيها عالكنب ويلبسها بيدينه ويحطها على فمه او يلحس الغبار اللي عليها لما انجن واجيه طايرة واذبحه بالضرب واغسل يدينه واعقمهم
احس صار متخصص في اي شي فيه جراثيم او اوساخ يسويه بيفقع مرارتي
امس اغصبه على حليب في كوب وعيا يشربه وطلعنا نصلح ازرار الكيبورد اللي شالهم ورجعنا بعد ساعتين والحليب ناسيته بالكوب فوق طاولة المطبخ ماكبيته فاقدة الذاكرة
اول مارجعنا دخلنا المجلس هو على طول دخل الصالة وسحب سيارةته ونط على طاولة الرخام وشرب الحليب اللي بالحر له كم ساعة خربان وانجلطت وربي انجلطت الحقه بالبسكوت والحليب والاكل وهو يركض مايرضى ياكل ولما شاف الحليب خربان راح وشربه
تكفون صرت انفعل وافقد اعصابي وامسكه اصارخ عليه بوجهه واضربه واحذفه بأي مكان جنني
اجهضت اربع مرات منهم بنتين وكنت متشفقة يجيني طفل وادعي الله والح عليه واتصدق وابكي ابي ريحة طفل يملا علي حياتي ولما جا ءجاء تعبان وماياكل وملقوف وشراني جامع لي كل الصفات اللي ترفع الضغط وتتلف الاعصاب وتدمر نفسية الواحد مرات اقول يمكن عششاني الحيت على الله يجيب لي اطفال وهو ماكتب لي بدري ومرات اقول تعلقت فيه نفوس وعيون الخلق لما جمع لي كل هالامراض والبلاوي والطبع الشين اللي قلب حياتنا راس على عقب
حاسة اني بعد فترة بفقد عقلي خلاص خلاص استنزف كل مافيني من حيل وتفكير وذاكرة مع السهر والتعب والقلق وشد الاعصاب
أم جقوري @am_gkory
عضوة نشيطة
يلزم عليك تسجيل الدخول أولًا لكتابة تعليق.
أم فخر
•
الله يارب يشفيه لك حاول تعرضيه ع دكتور نفسي ضروري وابعديه عن الحلويات جميعها هي بتزيد الطاقه عنده ومثل ماقالت الاخت أقري عليه أية السكينه
* هُوَ الَّذِي أَنْزَلَ السَّكِينَةَ فِي قُلُوبِ الْمُؤْمِنِينَ لِيَزْدَادُوا إِيمَانًا مَعَ إِيمَانِهِمْ ۗ وَلِلَّهِ جُنُودُ السَّمَاوَاتِ
وَالأَرْضِ ۚ وَكَانَ اللَّهُ عَلِيمًا حَكِيمًا.
أعوذ بالله من الشيطان الرجيم من همزه ونفخه ونفثه... تحصنت بذي العزة والجبروت
واعتصمت برب الملك والملكوت وتوكلت على الحيالذي لا يموت... اللهم أصرف عني الأذى
إنك على كل شئ قدير
* ثُمَّ أَنْزَلَ اللَّهُ سَكِينَتَهُ عَلَىٰ رَسُولِهِ وَعَلَى الْمُؤْمِنِينَ وَأَنْزَلَ جُنُودًا لَمْ تَرَوْهَا وَعَذَّبَ الَّذِينَ كَفَرُوا
ۚوَذَٰلِكَ جَزَاءُ الْكَافِرِينَ.
دعواتك لاختي بالرحمه والمغفره
* هُوَ الَّذِي أَنْزَلَ السَّكِينَةَ فِي قُلُوبِ الْمُؤْمِنِينَ لِيَزْدَادُوا إِيمَانًا مَعَ إِيمَانِهِمْ ۗ وَلِلَّهِ جُنُودُ السَّمَاوَاتِ
وَالأَرْضِ ۚ وَكَانَ اللَّهُ عَلِيمًا حَكِيمًا.
أعوذ بالله من الشيطان الرجيم من همزه ونفخه ونفثه... تحصنت بذي العزة والجبروت
واعتصمت برب الملك والملكوت وتوكلت على الحيالذي لا يموت... اللهم أصرف عني الأذى
إنك على كل شئ قدير
* ثُمَّ أَنْزَلَ اللَّهُ سَكِينَتَهُ عَلَىٰ رَسُولِهِ وَعَلَى الْمُؤْمِنِينَ وَأَنْزَلَ جُنُودًا لَمْ تَرَوْهَا وَعَذَّبَ الَّذِينَ كَفَرُوا
ۚوَذَٰلِكَ جَزَاءُ الْكَافِرِينَ.
دعواتك لاختي بالرحمه والمغفره
ياربي رحمتك والله يا اختي رحمتك ومالك مني الا دعاوي صادقه بأن الله يفرج همك ويصلح ولدك......بس غلط ماتعرضوه على دكتور اعصاب الولد في مخه شي ياشحنات زياده يافرط حركه شديد وكلها لها علاجات وترى بعد الكل له دور الطفل اذا ما اكل ممكن يتجنن ....والله رحمتك عسى ربي يعوض صبرك في ذا الولد خير....
الله يشفيه ويعافيه ويخليه لك ترى طبيعه بعض الاطفال كذا والله كان.عندي ولد الله يهديه حول ولدك ولساعتك متعبني الحين عمره 10 الله يهديه عنيد ويعصب ولايحترم لاكبير ولاصغير بس يوم كنت اقرا عليه يهدا شوي ومزعج بعد الله يهديهم ويصلحهم لواقولك وش كان يسوي فيني تصيحين وكلام الناس مايرحم عيالنا لازم نتحملهم وولدك وديه حرمه عشان الاكل.يمكن فيه وخيته ومدري وشو هن يعرفن الله يصلح لنا ولك الذريه ويهديهم ويذوقنا برهم يارب
شغلي قران بالبيت وادعي ي بصلاتك واقري عليه بنفسك مافي مثل الام ولالازم توديه للدكتور وتعرفو مشكلته ياتوحد يافرط حركه في مشكله الموضوع ماينسكت عليه وترا ماهو عيب ولاحرام خليه زوجك يقرا ويشوف اكيد انه مو جاهل الي مثل هالحالات ترا لاكبر يصير ينتكس عليه وراح يتعبكم بصغره وكبره حرام مسكين وانا اعرف ناس فعلا عندهم افكار انه عيب او يخاف الناس تعرف ان ولده عنده مشاكل وينحرج وفي بعضهم صارو بالسر يعالجو عيالهم ومايقولو لااحد بس ليه اضر ولدي ع حساب والله اني ماابي اخاف انصدم ان عنده مشكله وفعلا تتازم حالته وتتعبون كلكم او خايف من نظرة الناس الله يشفيه ويعافيه ويهديه ويخليه لك ويبر فيك يارب
الصفحة الأخيرة
يااختي وديه لشيخ ثقه يرقيه
وان شاء الله يتحسن
وكل صباح اقري عليه آيات السكينه تهديه
الله يخليه لك يارب ..