يابنات ابيكم كلكم تساعدوني خطوة خطوة الين اوقف على رجولي

هلا أختي رينيام والحاله النفسيه تعتمد على التربيه والبيئه بشكل كبير جدا
لكن إلى متى يظل الإنسان مقيدا بأغلال الخوف والقلق ...
صدقيني أختي إن أول خطو للتغيير هي أن ترفضي هذا الواقع وتبنين كيانك من جديد
تذكري أحلامك وأني طفله إذا وصلت إلى هذا العمر أما كانت تدور في ذهنك صورة فتاة يافعه
واثقه جميله.....إذن مالمانع من أن نحقق تلك الأحلام
نمي مواهبك بشكل كبير ..أحبي ذاتك لتصلي بها إلى النجاح
ولدي مجموعه كبيره من الكتب سوف تعينك لا تحضرني أسمائها الآن
وأسأل الله أن يرزقك زوج صالح يخرجك من هذا العالم الضيق
ودمتي بود...

مراحب حبيبتي
فيه اعلان في جريدة الرياض دايم يجي مكتوب بخط عريض (أيقظ العملاق)وهو عباره عن دورات ليوم واحد وبالأصح 6ساعات ... صراحه شي خيالي ويغير اللي مايتغير وفيه حركه يسوونها انهم يخلونك تمشين على الجمر!!!!!!والله ! كيف ؟ ليه؟ شي صعب ويمكن تقولين مستحيل بس والله يحصل ...يثبتون لك انه مافيه مستحيل وانك تقدرين تتخطين الصعوبات إذا فيه اصرار واراده....
تابعي اعلاناتهم واسأليهم بالتلفون وان شاء الله تقدرين تسوين شي ...
لكن نصيحه منّي ألجي لرب العالمين بالدعاء واكثري من قراءة القرآن (ألا بذكر الله تطمئن القلوب)..
معاناتك يبغى لها وقت وصبر والله يعينك وقلبي معاك أعطينا أخبارك أول بأول...

اختي هناك الكثير مثل حالتك واسوء
ومعروف عن مجتمعنا التحفظ ومنع البنات من زيارة صديقتهم وعندهم تكتم وتحفظ تام عند الحديث مع الناس حتى اقرب الناس لهم باعتبراه خصوصيات عائليه ويكون في علمك ان فيه بنات عاشن وتربن مع مرة ابو ظالمه سلبة حقوقهم وقيدتهم وشافو الويل منها و
رغم الوضع صارن احسن بنات في الاسلوب وطريقة الكلام ومع الناس وصارو راقيات في كل شي رغم انها كانت تحرجهم عند زميلاتهم ووصل الامر لمحاولة حرمانهم من الدراسه معهالوضع السيى كانوا مرحين والنظر بتفائل للمستقبل
واوصيك بالتخلص من النظره السواداويه اللي هي سبب شعورك بالنقص وعدم الثقه بالنفس عند الحديث مع الاخرين والانسان يصنع بنفسه القالب اللي يتشكل فيه ==========وخير مااوصيك فيه المداومه على القران لان فيه الاجر وانشراح الصدر================واعلمي ان دوام الحال من المحال===============وانظري للحياه بمراءه جميله سترينها جميله

حاولي تقنعي أهلك بأنك تروحي دورات تحفيظ قرآن مرة رووووعة وجميلة جداً وبتلاقين ناس طيبين إن شاء الله ، أو أي دورة مناسبة لك تحسين إنك ودك تأخذينها ،، أهم شئ الدعاء والإلحاح في الدعاء وتحري الأوقات التي يستجاب فيها الدعاء مثلاً النصف الأخير من الليل وعند السجود ونحوذلك والدعاء بأسماء الله وصفاته الحسنى وعند نهاية الدعاء الصلاة على النبي ،،، وفي أدعية كثيرة روووعة وأدعيها دايماً وأرتاح كثير منها وإذا تحبين أكتبها لك إنت بس آمري ودعواتي للك براحة البال والسعادة في الدارين ،،

اكتبي موضوعك في المشاكل الاجتماعيه