يارب تسامحني وتصبرني

مساء الخير جميعآ اليوم أنا مأنبني ضميري ومنفعله جدآ قلت بفضفض لكم شوي يمكن تدلوني على الحل

أنا كل خميس اجتمع مع اختي عند أهلي بس عندي ولد الله يصلحه وينزل عليه الهدايه ما يخليني استانس عمرة ست

سنوات ,متولي بنات اختي والا اخته الكبيرة 9 سنوات حياته ضرب فيهم والا يشد شعورهم والا يعبي كاس مويه

بارد ويصفقه بوجهها ومرة يلاحق ولد اختي عمرة اربع سنوات بسكين كييرة يعني انواع العذاب , وهي تتضايق أقوله

خوفيه ارفعي صوتك عليه ,,,ما تتجرأ مرة تخاف اني أزعل ,وانا عجزت فيه وراه وراه اليوم ضربته ضرب مبرح

عورتني يدي من

كثر الضرب واهلي وامي ماسكيني ماقدروا علي أنفعلت عليه ياربي وشلون اتعامل معه ,, وانا عارفه ومتأكدة أنه مايضربهم الا

من كثر ما انا اضربه واعاقبه صار عنده شي من العنف مع الناس .. بس أنا عصبيه مرة ولا أقدر اتمالك نفسي

كل مرة أقول آخر مرة بس ما أتوب..يالله صراحه الولد ماله الا أبوة يمشي معه ويصير

رجال ..خلاص قلت لابوة كل خميس أخذه معاك لاتخليه عندي . والحين رجعت لبيتي ونام عالطول رحمته ياربي

وضايق صدري حاولت اخليه يتأ سف قبل لا ينام ورفض .ياليت الا عندها مثل ولدي تقولي وشلون تتعامل معه..

طولت عليكم اعذوني بس وش اسوي من الحرة اللي فيني