ام فارس الصغير @am_fars_alsghyr

عضوة نشيطة

ياطباخات ذبايح العيد نداء مستعجل...عدة اسئلة

السلام عليكم

كيفكم ياحوائيات
كتبت الموضوع وانقطع الاتصال وكل شئ راح والله معاناة
المهم
ياطباخات خرفان العيد :cook:
انا ابوي الغالي
العيد الماضي ودى الذبيحة لمطبخ وجاء الرز ناشف مرة مو طعم
مرة اتفشل عند الجماعة ما احد اكل من ذبيحته الا الصغار
وعماني كل واحد طابخ في بيته رزهم ماشاء الله روعة
وابويه قال هذا العيد ان شاء الله بيطبخ في البيت اذا جاء من الحج ان شاء الله
وانا اتصلت عليه وقلت له كل شي عندي وانا بنتك لان امي تقول المطبخ اريح
وابغى استفسر من الطباخات ...عندي بعض الاسئلة ..صار اختبار :35:
1- ايهم افضل نوعية لرز العيد ...الشعلان او ابو سيوف انا ابغى شكل الرز زي الرز البخاري

2- كم كيلو يكفي من الرز للذبيحة الواحدة؟

3- ماهي افضل البهارات هل المطحونة ام الصحيحة وماهي ؟

4- ابغى اضيف عليه حمص وزبيب وزعفران
ماهي طريقة عمل الحمص هل يقلقل ام يسلق وكم الوقت اللي يحتاجه هو والزبيب؟

5- وحدة قالت في المنتدى سر النكهة هو اضافة كأس الا ربع زيت زيتون قبل نضج الرز ...هل جربتوه ..يعني اغامر واحطه ؟
ام في سر للنكهة غير؟

تكفون تراي متحمسة واخوي يقول لاتصلحين انتي.. تفشلينا
بس ان شاء الله ربي يعينني
يالله ياسنعات وياطباخات:cook: علموني مماعلمكم الله واكسبوا في اجر
وشكرا مقدما لبنات حواء الطباخات

يلزم عليك تسجيل الدخول أولًا لكتابة تعليق.

تسجيل دخول

ام باسل@ • 14 سنة

انا عندي لك طريقه حلوه مره هورز بخاري اذاتبغي الطريقه اكتبه لك لاني كل مااسويه واعزم ناس يفكروني جايبته من مطعم

عسولة الجنوب2009 • 14 سنة

الله ييسر امرك ويطلع أحلى طبخ .

ام فارس الصغير • 14 سنة

ياليت ياختي اكتبي اي شئ لاني مو طول الوقت على النت
يعني يمكن الفجر ارجع ان شاء الله بنتي وجعانة وتصيح

أم فرح 24 • 14 سنة

افضل رز الشعلان والبهارات صحيحه افضل
وللذبيحه الوحده يكفي 10 كيلو

الله ييسر امرك ياعسل

golden eye • 14 سنة

شوفي يا قلبي الروابط ،، و ادعيلي بالذرية طول ما انتي تطبخي امزح ،،

http://forum.hawaaworld.com/showthread.php?t=1739444
http://forum.hawaaworld.com/showthread.php?t=2449979
http://forum.hawaaworld.com/showthread.php?t=1765035

سوي بحث في جوجل عن منتديات ( مكشات ) وروحي لقسم الطبخ عندهم طبخ و مواضيع كثيرة عن الذبائح ،،