القهوه سر طعمه ولونه يعتمد على الحمسه يعني اذا جاب لك زوجك القهوه جديده قومي واحمسيها بحماسة القهوه لين يكون لونه بني غامق وبعدين اطحنيه ولا طحنتيه احفظيه بعلبه..
وطريقه اعداد القهوه حطي في الابريق ماء وخليه لين يغلي مهمه النقطه هاذي عشان تظبط القهوه...واذا غلى الماء وطي النار عشان اذا حطيتي القهوه والنار عاليه راح يطيش على الفرن ويوسخك وحطي فنجال وربع وبعدين خليه تطبخ لمده ربع ساعه يعني 15 دقيقه وصبيه بدله القهوه واظيفي عليه هيل مطحون اوزعفران على حسب مايفضل زوجك وفيه ناس يفضله ساده بدون هيل وزعفران...

اتمنى اكون افدتك...

ماشاءالله
البنات ماقصرووووووووووووووو

خذي براد القهوه وحطي التالي ومالك الا قهوه ترفع الراس وطعمها مضبوط وساخن ولذيذ >>>>>>>>>> حلوووه ساخن هههههههه

المهم

خذي البراد فاضي وحطي :

ملعقتين بن
3ملاعق نخوه مطحونه
ملعقتين زنجبيل جابس مطحون
ملعقه (عويدي-زر-مسمار-قرنفل) هذي مسمياته ولا هو نفس الشخص ههههههههههه
ملعقه هيل توك طاحنته

وصبي عليها مويه مغليه لنص البراد وخليها تغلي نص ساعه على نار نص حرارتها وانتبهي للمويه اذا نقصت زيدي

واذا انتهت النص ساعه حطي مويه لنهاية البراد يعني لأعلاه

وحطي في الدله او ترمس القهوه (ملعقة هيل مطحونه+نتفة زعفران)

وصبيها وقفلي وقدمي وتمتعي بالتعليقات الحلوه ولاتنسين تدعيلي ان الله يرزقني وظيفه

مـــــلاحظه:

البراد اللي انا استخدمه في غلي القهوه هو براد الحليب الطويل اتمنى تكونين عرفتيه اللي امهاتنا يسوون لنا فيه حليب

ومبروك الزواج ياعروسه

عندي لكم سررررر يخلي قهوتك خطيرة

اول شيئ خذي بن الرفاعي وهيل الرفااااعي

حطي فنجانين قهوة بن=وملعقة كبيرة هيل=وعودين بسسسسسسس قرنفل اللي هو المسمار
بعدين صبي الموية المغلية

خليها ربع ساعة

تعرفون الشيبة اللي تجي على ابازير الشوربة =حطيها بعد الربع ساعة
واذا ماعندك زعفران حطي صفار الزعفران اللي للرز=وعلى مسؤليتي

بعدها تكونين حاطة في الترمس ملعقة ونص هيل صبي قهوتك في الترمس
وبالعافية

وما ابي الا الدعااء بالولد الصالح

مشكورين الله يسعدكم فكيتوا ازمه