همممممممممممممممممم ماشالله اجل جازت لتسن قصيصتي...؟؟؟؟



سنايدي حبيباتي بنات حوا....






هذاني بصلح قهوة رجلي واكزه للجامعة وارجع لتسن .....



خليتسن هنا....


...........................

المهم يوم اني رجعتا للبيت .......


ومير افصخ عباتي وينشب الحجاب حقي بالحلق حقي بغى يقطع اذني...:09:


ويقول لي رجلي : ساد....هذي عقوبتس يوم اللي تسوين فيني...


:hahaha:



ساد هي كلمة نجدية تقرأ بلهجات مختلفة ....وتعني (أحسن ...جعله مايطيب)....:booo:


قلت: راحمك ربي إنه عيد ولازم نتجمل ...خل يقضي العيد بس....:02:

قال طيب ومادام انه عيد تدرين اننا ماافطرنا لسه؟؟؟

قلت انا والله مالي نفس تقهويت وكليت حلى يازوجي الحبيب...:10_8_10:


قال طيب انا مشتهي بيض(ن) مسلوق ياحبيبت ألبي :biggrinlo


قلت أبشررررررررررر بس بيض مسلوق؟؟؟من عنوناااااااااااااااااااااا تي الموف ....:23:

كل هذا خوف يقول مشتهي كبسة على الساعة ثنعش ....


و أقحص للمطبخ اركب على البيض....تقولين مركبتن على ذبيحة...:7_2_103v:


والمهم اسمع جرس المسنجر واطير والا والله اخوي يدق....



اخوووووووووووووووووووي.....وعيدك مبارك يابعد الدنيا انت...وين انتم وين امي والبزران افتحوا الكاميرا لاابوكم لابو عيدكم اللي مش فايت (وراها قلبت مصرية الاخت)؟؟؟


الوقت كان وقت صياح ونواح ودموع والمكياج راح والكحل ساح...


والله يجمعنا جمع الجنة قولوا آمين...


واللي يسمعني يقول رايحتن لتورا بورا....


مير يالله لاتفرقنا في جناتك يوم نوافيك ....


قولوا آمين...




سيتبع بعد شوي .......................ز




ان شالله.....

وين مورين ؟؟؟؟؟؟؟؟؟ هههههههههههههههههههههههههههه

المهم ويشب أبونا:arb: يبي بيضه المسلوق :



قومي يااخت العرب عساك للبلا....اما ترين البييض احترق ؟؟؟


هذا وانا ماطلبت الا بيضن مسلوقن...اجل لو اني طالبن محشي بطاطس تسان ماذا فعلتي؟؟؟


رجلي متأثر بمسلسل خالد بن الوليد.....:icon28:



المهم وينهبل وتجيه العنز.....


زي عادته إذا جاع يعني...:10_8_10:


واااااع واااااااااع قومي حطي الفطور يعطيتس ويغطيتس....


المهم خفت يفصل عني سلك النت من الهبال قلت سم وابشر اللهم اني متعيدة ....


ويجيك الطلبات الجانبية :

أبي توست محممممممممممص هففففففففففففففففففففففط.....:08: :7_2_103v:


هفففففففففففففففففففط (صوت شفايفك لما تكونين ميتة جوع والأكل قرّب)......



قلت والله ياعنز بدو طاحت بمريس .....الحق يقال انا ماقد جربت الخبز المحمص من قبل....


قروية وش اسوي يعني؟؟؟:hahaha:



ييوم اني جربه هنا واطيح فيه ....واصير اسوي فيه اطباق وخرافات وأساطير...


أي والله وان شالله بعطيكم وصفات اخترعتها من التوست المحمص :) (احلفي تكفين)؟؟؟


المهم و:

قطعي طماااااااااط يابدورة وحطي ملح ......وشويت جبن سايل هففففففففففففففففففط ....



والشاهي لاتنسين الشاهي عاد راس المال....


ياحبي لك يابدورة والله اني متعبك معاي .......:22:



احلف يارجلي ؟؟؟

..............................................

يتبع

جايز(ن) لنا يمال العافيه
مير اسلمي ولاتمططينها تكفين تراني طالبتس

جاز لي حتسيتس بالحيل يهبل يمشاءالله عليتس ينفعتس مايضرتس