روووووووووعهـ


كملي


نحتريتس

:2thmup:

ليلت زعل....قصيمية وش مزعلتس يامال العافية؟؟

فلي الحجاج وهيتي عندي في ديار الانغليز نتقهوى ونعين من الله خير...



................


اليوم الأول مع مورين كان يوما غير عادي...

وقصته كالتالي...

يوم انها مورين غيرت جاكيتها الرمادي اللي ماقد لبست غيره ومير لبست جاكيتن اسود...


قلت انا يالله الخيرة هالعجيّز الضعيفة تلقون مالها والي ولاقاني...

ومادام مجتمعاتهم متفككة وفيها تفكك أسري أكيد ماعندها عييل ساكنين عندها ولامرة ولد تسنعها وتطبخ لها ...

ولاحتى بنية عانس قاعدتن معها توجّر فيها...

ولاأدناه شغّالة تروح تقضّى عنها وتوسع صديرها هالضعيفة...


ورانا مانتوجّر فيها يارجيلي الحبيب......


ونجيب لها غديفة منيخل ودقة ديرم ودراعة تترو أو كستور عند الله سعة....!!!!

:icon28:


والله ان تطلع وش ملحها خصوصا انها مليّانة وشكلها يوم انها بنت ايام الأبيض والأسود كانت جميلتن بالحيل...

ولانجيب لها شغيغيلة اندنوسية ولاسيلانية تزين لها قهيوتها وتفطّرها وتغسل مويعيناتها وتعطيها علاجها؟؟؟؟؟

:3_13_12:


أختكم بدورة كأي قروية تروح لبريطانيا اول مرة وتحسبن ان الانغليز يعيشون زينا في الرياض ...

شغالات وسواويق وشغل طخطخة...

قلت لرجلي هلحين يوم انها ضعيّفة الله ماغير من ساينز بري لساينز بري(هذا سوبر ماركت ترا).....


تدب على عصيّتها كبر جمع اليد....


وين عيالها عنها وبنياتها؟؟؟

قال لي أبونابعدما تنحنح وتعدّل في جلسته كعادت حين يبدا يلقي علي موعظة....

:arb:

شوفي وانا رجلتس...


المشكلة عندنا حنا يالسعوديين تبدا لما نحسب ان كل الناس سعوديين ومسلمين مثلنا...


هنا يبدا اصطدامنا بالآخر ...او عدم فهمنا له ولطبيعة حياته ..

قلت في قلبي ياكبرها يالآخر...انا يعني موب آخر يوم انك اربع وعشرين ساعة تصطدم بي؟؟؟

اسلم وانا حرمتك....

:eek:


تابع زوجي الحنون:

أنحن (وهذه تعني حنا..او نحن بعد حذف الهمزة)... شعب طيب لدرجة البساطة...
:dozey:


لم نطلع على غيرنا من الثقافات والعوالم اللي يخاف الواحد منا ويرتعب لمجرد انه يتخيلها...

يعني ببساطة يابدورتي الحلوة...

هل تتخيلين أن فيه في العالم حرمة تعيش مع رجل بدون رابطة زوجية ...

مثلا مثلا...؟؟؟
:confused- :confused- :confused-

قلت له أيه....دايم اشوف في الأفلام بوي فرينت وغرل فرينت...

ياربي تستر علانا وتحمانا...



قال عليكي نور....

طب وان كان هالبوي فرنت والغرل فرنت عايشين من دون رابطة مقدسة....بدون زواج...

وش نوعية العلاقة اللي تربط بيناتهم؟؟

هل فيه التزام داخل هالعلاقة؟؟


هل فيه أصلا عائلة أو قيم أو تقاليد تخاف منها البنت او الولد بحيث تكون حياتهم مرتبة ومنظمة فيها مسؤليات على الكل والكل محاسب اما الكل؟؟؟

بالتالي وش يجبر عيال مورين ان كان عندها عوال أصلا إنهم يرعونها أو يصرفون عليها؟؟؟


او حتى يسيّرون عليها في السنة مرة؟؟؟
:huh:


فعلا انا كتمت...اول مرة بيني وبينكم رجلي يكتمني....!!!


تابع حفظه الله قائلا:


أكيد الوضع ماهوب سيء زي ماتتصورين يابدورة .....


فالعائلة اللي كنت ساكن عندها من زمان كانت عائلة تقليدية الام فيها والابو وبنت واحدة وعيال يدرسون في ديرتن ثانية...

لكن مافي التزام من البنت انها ترعى والدينها عقب عمرن طويل...

فإن جت منهم فهذا امر موب ملزم شرعيا زي ماعندنا...

وان ماجت فالدولة كفيلة برعاية المسنين والصرف عليهم إلين يموتون...

إلين يفطسون....

:11retcher


كذا قالها رجلي ...رجلي قاسي لما يتحدث عن الموت ...كنه يحكي عن بهايم موب عن أوادم...




حرام عليك يارجلي ...حرام والله...!!!


.......................يتبع

كلامك جميل جدا وأسلوبك أجمل .ما شاء الله عليك

لكن بليز وضحي شوي والله تعبت وأنا عم حاول افهم عليك .....

وكل عام وأنت بخير يا رب

اههههههههههههههههههه اختي الحبيب شام


الموضوع يبغاله ترجمة لأنه مكتوب باللهجة النجدية المحلية ...اللي مايفهمونها حتى النجديين ....

لكن ولايهمك اترجمه لك بالسورية بحول الله ...ولاتزعلين ياحبيبة...

ببساطة اختي شام اي فعل متصل ب(تس) فإنه يعني كاف الخطاب للأنثى في اللهجة النجدية الدارجة...

يعني مثلا كلمة :

عليتس

تعني عليك...


اخوتس


اخوك....


اقولتس


اقولك....

وهكذا