معتس
كملي
من يوم جيت هنا وانا حاطة في بالي هدف....
إني أخلي الناس تحبني...وتحب ديني اللي خلاني ارتدي هالحجاب وهالعباية...
لأن هالارهابية اللي لابسة عباية تمشي وتوزع ابتسامات وابتسامات من قلب ...:26:
جيراني ماتعرفت على احدن منهم لحد الحين الا مورين العجيّز...
وسالفتنا انا ومورين سالفة....
ماغير سالفتن وحدة كلما تقابلنا في المدخل حق العمارة...
إتز أنايس داي....
ولاإتز أباد داي....
ياختي هو ياما يكون باد ولانايس؟؟؟:eek:
واسمعوا ..هو ان كانه مطر يقولون باد ...وان تسانه شمس قالوا نايس....
ياناس به احد يجيه مطر ويقول باد؟؟؟؟
مير تبون شمس نعطكم من شموسنا لين تنحمسون وتطلعون برنز البرنز.....
وفل الفل....:42:
المهم انتس يامورين عجيزن من عجز انغلترا يالله الجنة الباردة....
تمشي وتبتسم وتطالعني بعجب....ماادري هو انا جايزتن لها ولا مستغربتن شكلي ولامفتكرتن بي ...
:hahaha:
ماادري انما ادري انها كلما شافتني تقوم كنها ودها تغاغيني....
(يعني ودها تقولي كغة...كغة......هلا.....زي البزور)...
:baby2:
الحق يقال انا ماقد ارسلت لها شي واخزياه بهالرمضان حق انها اخذت عني فكرة اني رفلا...
والرفلا في النجدية الدارجة تعني الخوثا....
:humm:
والخوثا في النجدية الدارجة تعني اللي ماتعرف تطبخ ولاتسنّع نفسها وبيتها...
عاد ان كان بدورة رفلا فمن هي السنعة يااجواد ربي؟؟؟
أكل البريطانيين يختلف عن اكلنا نحن العرب ...
هم ماعندهم مثل شغلنا عبط وخلط وكل شي يحط بشي ...:cook:
وكل شي حولي يذكرني بشي...
الأكل الكوكد عندهم مايزيد عن لحيمة او سوسج او بيض او غيره والاضافات والبهارات يحطها الزبون عقب ...
حنا الكبة لوحدها عننا شوفوا كم مرة تنعجن...
السلطة حقتنا كيف نخترع فيها ونزيد ونعيد ....:10_8_10:
الفول والحمص كم مرة لازم ينضرب بالخلاط....
لذلك الطبخ عندهم مايشكل عائق في العرس والزواج زي ماهو عندنا...
واطرف بزر عندهم ممكن يصير طباخ موب زينا لازم شهادة من هيئة مكوّنة من الزوج وامه وثنتين من خواته...
:22:
المراد انتس يامورين يوم انها تغاغيني من ورا الدريشة هكاليوم فهو من باب الروتين اليومي اللي في جيناتها...دايم مبتسمة ومبتهجة...
واما قولي انه من ورا الدريشة فإن دريشة مطبخي على الشارع مباشرة يعني اللي مايشتري من طبخي يتفرج ...والله اني ساعات افتشل اقول ياخزياه بهالانغليز يبي يقولون ذي وش بلاها ماقد شفناها الا تطبخ...
وحيث ان دريشة مطبخي فضيحة وانا ماقد وطيت الستارة من كتمة البيت والطبخ فقد قال لي رجلي انه بيركّب شينكو الا نزل الراتب ان شالله ....
مابقى الا هي الانغليز يشوفون حريمنا .....!!!
:arb:
بس للحين مابعد شفنا شي....
......................................
سيتبع
إني أخلي الناس تحبني...وتحب ديني اللي خلاني ارتدي هالحجاب وهالعباية...
لأن هالارهابية اللي لابسة عباية تمشي وتوزع ابتسامات وابتسامات من قلب ...:26:
جيراني ماتعرفت على احدن منهم لحد الحين الا مورين العجيّز...
وسالفتنا انا ومورين سالفة....
ماغير سالفتن وحدة كلما تقابلنا في المدخل حق العمارة...
إتز أنايس داي....
ولاإتز أباد داي....
ياختي هو ياما يكون باد ولانايس؟؟؟:eek:
واسمعوا ..هو ان كانه مطر يقولون باد ...وان تسانه شمس قالوا نايس....
ياناس به احد يجيه مطر ويقول باد؟؟؟؟
مير تبون شمس نعطكم من شموسنا لين تنحمسون وتطلعون برنز البرنز.....
وفل الفل....:42:
المهم انتس يامورين عجيزن من عجز انغلترا يالله الجنة الباردة....
تمشي وتبتسم وتطالعني بعجب....ماادري هو انا جايزتن لها ولا مستغربتن شكلي ولامفتكرتن بي ...
:hahaha:
ماادري انما ادري انها كلما شافتني تقوم كنها ودها تغاغيني....
(يعني ودها تقولي كغة...كغة......هلا.....زي البزور)...
:baby2:
الحق يقال انا ماقد ارسلت لها شي واخزياه بهالرمضان حق انها اخذت عني فكرة اني رفلا...
والرفلا في النجدية الدارجة تعني الخوثا....
:humm:
والخوثا في النجدية الدارجة تعني اللي ماتعرف تطبخ ولاتسنّع نفسها وبيتها...
عاد ان كان بدورة رفلا فمن هي السنعة يااجواد ربي؟؟؟
أكل البريطانيين يختلف عن اكلنا نحن العرب ...
هم ماعندهم مثل شغلنا عبط وخلط وكل شي يحط بشي ...:cook:
وكل شي حولي يذكرني بشي...
الأكل الكوكد عندهم مايزيد عن لحيمة او سوسج او بيض او غيره والاضافات والبهارات يحطها الزبون عقب ...
حنا الكبة لوحدها عننا شوفوا كم مرة تنعجن...
السلطة حقتنا كيف نخترع فيها ونزيد ونعيد ....:10_8_10:
الفول والحمص كم مرة لازم ينضرب بالخلاط....
لذلك الطبخ عندهم مايشكل عائق في العرس والزواج زي ماهو عندنا...
واطرف بزر عندهم ممكن يصير طباخ موب زينا لازم شهادة من هيئة مكوّنة من الزوج وامه وثنتين من خواته...
:22:
المراد انتس يامورين يوم انها تغاغيني من ورا الدريشة هكاليوم فهو من باب الروتين اليومي اللي في جيناتها...دايم مبتسمة ومبتهجة...
واما قولي انه من ورا الدريشة فإن دريشة مطبخي على الشارع مباشرة يعني اللي مايشتري من طبخي يتفرج ...والله اني ساعات افتشل اقول ياخزياه بهالانغليز يبي يقولون ذي وش بلاها ماقد شفناها الا تطبخ...
وحيث ان دريشة مطبخي فضيحة وانا ماقد وطيت الستارة من كتمة البيت والطبخ فقد قال لي رجلي انه بيركّب شينكو الا نزل الراتب ان شالله ....
مابقى الا هي الانغليز يشوفون حريمنا .....!!!
:arb:
بس للحين مابعد شفنا شي....
......................................
سيتبع
الصفحة الأخيرة
أطلطل في المسنجر اهلي كلهم راحوا....راحوا للاستراحة وخلوني لحالي....
يعني ماخذوني معهم......
وهئ وهئ....:29:
ياعيد بأي حال عدت ياعيد ....
بغربتن فيك أم للأمر تجديد؟؟؟؟
أطالع في شارع دتشلنغ رايز اللي انا ساكنتن به ابي اشوف حنيس ولاونيس....
المشكلة وقت دوام اللي كلن يمر وهو يلهث ويركض رايح لبيته ولالدوامه ...:blink:
ولاكان وقفت اي احد من هالأنغليز ....
وقلت له إيدك مبارك يالطيب....
ودقيت معه سالفة....:laugh2:
بس خفت يقولون وش تبي هالارهابية بعد على هالعيد...؟؟؟؟
عاد اني يوم العيد كنت لابستن عبايتي الخليجية السودا مسويتن فيها وطنية ...:arb:
وحيث اني ناحفة بالحيل صايرتن تخب وتسحب....
ويوم اني امشي ودخلت الباص والاه زححححححححححمة
وارقى الدرج للدور الثاني في الباص و.................درررررررررررردع...
:22:
طحت لكن الحمد لله ماطلع لي صوت..........
بس طلع صوت رجلي وهو يهاوشني.....
المهم عدّت سليمة وكل واحد يصلح سيارته ....
:hahaha:
الناس هنا رغم برودهم وقراوتهم تطلع منهم مواقف قليلة وبسيطة تخليك تدرين ان الدنيا لسه بخير...
وان حتى غير المؤمنين وغير المسلمين ممكن يكون فيهم بذرة خير لازم نلمسها ونعرفها ونطمئن لوجودها في كل قلب...
وحدة من اللي يخرمون خشومهم وبراطمهم وجفونهم :humm: (أي والله طايحين فيها حتى الجفن العلوي يخرمون ويحطون به خمخم)...شافتني ادور كرسي وانتفض عقب الطيحة ....
قالت لي تعالي جنبي حيّاتس ....
انا ابتسمت طبعا خايفتن من الأشياء اللي تلمع في خشتها ووجهها وخشمها وجبهتها والله العالم اذا فيه شي ثاني مخروم .....:blink:
هي تطالع فيني وتبتسم قلت والله انك خشمن طيب....وانك بنت اجاويد من عرب طيبين ...
قال رجلي موب كذا تحاتسين الخواجات ...........
اذا وسعت لك مكان تقولين ثنكيوووووووووو....
وتمدينها كذه باللهجة البريطانية...
ومير انا من خلقني ربي وانا ماواطن شين اسمه لهجهة بريطانية.....
فيها ثقل دم ومصالة غير محتملة....
الكل في يوم العيد يتعيد...حتى غير المسلمين نثر عليهم العيد نوره.....
حتى اللي مايدرون وش الاسلام بغيت امسكهم واقول لهم عيدكم مبارك...
حنا سعيدين...
ونبي العالم كله يكون سعيد معنا....
رجلي يقول انثبري بلا خرط فاضي .....
وانا اقول منك لله ...
فرصتنا نعرّفهم من حنا....
وش ثقافتنا....
وش الوجه الجميل في عالمنا الاسلامي....
وش ديننا...وش اسلامنا.....
وش الشي الطاهر في قلوبنا اللي مايقدرون يلمسونه الا بابتسامتنا الحلوة في وجه من نعرف ومن لانعرف....
هذي فرصتنا عشان نقول لهم بافعالنا مهوب بلساننا فقط.....
ان ديننا دين المحبة....
يتبع ياأحبتي....تسانه جاز لكم...