يامغتربات .. متوهقه ومحتاجه خبرتكم في النفاس

الله يتمم حملك بخير وتقومي بالسلامه ان شاء الله الصراحه ما جربت الولاده بالغربه لكن لا تشيلي هم وبالنسبه للبس في اشياء واجد مريحه مو شرط جلابيات وشغلات النفاس من رشاد وغيره حاولي تطلبيهم من السعوديه يرسلوها لك
والاكل زوجك ما راح يقصر بس اعطيه كورس من بدري هههه الله يقومك بالسلامه

ياحبيبتي الله يعينك ويسهل عليك ..لا تشيلين هم ولا تضيقين صدرك اهم شي نفسيتك تكون مرتاحة في النفاس .واغراض النفاس اطلبيها من اهلك يرسلونها او اشتريها من البقالة العربية وحاولي تكونين مفرزنة بعض الاكل الي ممكن يتفرزن ،،واهم الشي الراحة والاكل يعني كلي بر ومرق مفيدة و سهلة ..
واستقبال البنات اذا ماتقدرين وتحسين نفسك تعبانة قولي لهم لا تستحين خليهم يخلون زيارتهم بعد ٢٠ يوم تكونين ارتحتي شوي ،،واللبس اي شي عادي .........
الله يسهل عليك ويقومك بالسلامة....

اهم شئ في النفاس الراحه النفسيه والتغذيه متنوعه
اللبس اي شئ مومشكله""اطلبي من اهلك ماتحتاجينه ((انا ماايد اللهومات ))ولاتنسي 7تمرات يوميا والحليب الساخن
بالسلامه ان شاء الله

دلوعة حبيبها

نجمة سدير

شهلا العيون

تسلمون حبايبي وانا اعرف كم وحده من البنات هنا ولدوا وقالوا بيعطوني بقاياهم من الحلبه والرشاد

وبالنسبه للبس صراحه شريت لبس عادي للبيت ( نسمهم دشاديش اللي هي القمصان ) وبلبسهم لو جاني احد يكون شي جديد ومرتب

والله يعين الجميع

تسلمون حبوبات على الرد :32:

دبدوبه حلووه

الله يهون عليك ولادتك يارب

انا ولدت في امريكا وبنفس حالك والحمدلله كل شئ تمام

اهم شئ قبل الولاده او اول ماتدخلين التاسع سوي لك شئ بالفريزر مثل عصيده التمر وحطيها باكياس وكل يوم سخني واحد بالمايكرويف وافطري عليه مع البيض والجبن والحليب والعصيرات

لاتشيلين هم الاكل اذا عندك جارات ماراح يخلونك ان شاء الله اول اسبوع بعدين عادي تقومين وتتحركين والبيت خلال هالاسبوع ماراح يتوسخ يبغالهه ترتيب عادي

وجهزي اغراضك جنبك على السرير واذا عندك بقاله عربيه اشتري منهم معمول تمر بالبر وشابوره اذا جعتي كلي منها وتوست بالبر مه جبنه احلى ماايكووون..


والغداء اغلبه شوربه اسلقي الخضار مع دجاج او لحم وصحن سلطه والحمدلله

واغراض النفاس خلي اهلك يرسلونها

واللبس خذي من مذر هود بجايمهم حلوه للاستخدام وحلوه بعد للاستقبال واهم شئ الشربات للرجول

واهم شئ انتي لاتشيلين هم ترى الامور سهله بس انتي هونيها

واذا احتجي شئ ترى انا بالخدمه