حبيبتي شوفي هذه المقادير أنا مجربتها وعطيتها لصديقتي والله لو أعرف بيتكم كنت طرشتلج إياها جاهزة بس عالقلي يالغالية:
المقادير: 2 كوب طيحن فاخر منخول- م ص ملح - م ك سكر - 1.5 م حليب باودر - 1 م ك نشا - م ص خميرة - وجيبي ماي دافي تقريباً كوب وشوي صغار خضي فيه روب تقريباً نصف قوطي بحدود 4 أو 5 ملاعق .

الطريقة:
إنخلي المواد الجافة وإخلطيهم سوياً إعجني بإضافة خليط الماء والروب الى الخليط اليابس وبصراحة أنا أعجن بمضرب البيض اليدوي العادي لإن العجينة حيل تلزق ياليد ولا تخاليها رخوة حيل ولا يابسة بين وبين وبعدما تخلط بصراحة أنا أحوسها بإيدي مثل الفلاحات اللي بالأفلام أقعد أدخل فيها هواء من فوق لتحت وناسة والله وناسة حيل أستانس من هالحركة ..... كانت جدتي الله يرحمها ويحسن إليها تسوي نفس الشئ وتخاليها تخمر في ماعون من الفخار الأصلي كبير فكل ما آجي أسوي قيمات أتذكر جدتي الله يرحمها والفلاحات بالأفلام المصرية وهو يعجنون فأقعد أعحن أنا بعد ..... نرد حق موضوعنا العجن يمكن تقريباً 5 دقايق ظلي إضربيها بيدك اليمين وسبحي وإذكري رب العالمين وخاليها تخمر ساعة ونص أو ساعتين وإقليها يكون الزيت حار بس انت مخففة النار عند وضعها وبتلقي القيمات نفس ما تبينها مقرمشة من برة وعجينتها من داخل خفيفية وهشة وما تشرب زيت .
أمانة يا الغالية جربيها وعلميني وكل عام وانت بخير وده انت أم عزيزان فنانة وطباخة المنتدى والأجر على الله معقولة مش هتزبط معاكي القيمات ديه لا لا للااالالالالاالالالا مصدقش .

عزيزتي النشاء يخليها مقرمشه وانا جربت من المنتدى لقيمات يمنيه وفعلا كانت روعه بس ان مشكلتها في لونها يكون اسمر مره:26:

تسلمين يا صالوح راح اجرب طريقتك واشوف نتيجتها

ليه الصد شوفي شنو سويت اليوم

انا اليوم جمعت كل مقادير القيمات والاضافات اللي قالو البنات عنهااااااا

حطيت 2 كوب طحين ابيض

3 ملعقه نشا
2م حليب بودر
2 م كبيره زبادي
1 م كستر
بطاطه متوسطه مطبوخه بالماء ومهروسه جيدا
و م خميره
وماء دافي

حطيت كل المقادير ماعاد البطاط ... وخليتها لما تخمر ... بعدين لما جيت ابي اصبها حطيت البطاط ... وصبيت العجينه وقليتها والنتييييييييييجه










اطلعت مقرمشششششششششششه وطعمها ولا احلى من الزبادي اللي فيها
يعني الاختراع والخلط جابت نتيييييجه

وراح اصورها لكم انتظروني

:cook:

حبيبتي الحمد لله إنها ضبطت معاج وخلاص إعتمدي هذه الطريقة:26: :26: :26:

ياعيني على ام عزيزان الطباخه :cook: :cook: