تسسسسسسسسسسسسسلم ايدينج

كل طبق احلى من الثااااااااااااااني

وننتظر كل طرق هذى الاطباق اللذيذه

ويعطيج مليون عافيه

:26:

السلام عليكم
ronii..منورة ملفى ا قمورة وكنت لسه جاية أكتب طريقة البيتزا عشانك ومحروجة منك عشان أتأخرت عليك.
مدام شيرين_ام ادهم...أيه النور اللى ملأ الملف ده ومن عينى أنا جربت قبل كده القرع بالبشاميل الحلو والزبيب و المكسرات لو مستعجلة على الطريقة أنزلها لك من غير صور والصور بعدين لو عايزاها بالصور أصبرى عليه شوية ...

ام عزيزان..أم عزيزان بحلها ومالها فى موضوعى خلااااااااااااص أنا كده أخذت شارة التمييز منورة يا قمر والوصفات فى الطريق إن شاء الله ...


البيتزامترجمة من (موقع الشيف سيمون)
المقادير
350 جرام دقيق
10 جرام ملح
10 جرام خميرة
250 جرام ماء دافىء
واحد ملعقة كبيرة زيت
150 ..200 جرام دقيق إضافى للعجن
الطريقة
هو عجن كله على بعضه فى العجانة وتركها تخمر وبعدين رش الرخامة دقيق ورقها وحطها فى الصينية ودهنها بالصلصة والحشو المرغوب فيه...

أنا بقى عملت زيه مرة وعملت طريقة تخمير الخميرة لوحدها مرة أخرى وهى دى الطريقة اللى برتاح لها أكثر..
بدفى الماء (محدش يسخن الماء عشان ميبوظش الخميرة مجرد دفء) وبعدين أحط عليها الخميرة وأغطيها لمدة 5 دقائق بتكون خمرت وفارت بضيفها على الدقيق المنخول وعليه ذرة الملح والزيت وأعجنها كويس ولو فى العجانة يبقى أحسن وبعدين أتركها تخمر .
بعدما تخمر وأشكلها وأحطها فى الصينية تدهنى الوجة زيت بالفرشاة ثم ضعى الصلصة فقط وضعى الصينية فى الفرن حتى يشد الوجة تضيفى الحشو (دى من أسامة السيد )
وهى خطوة حلوة جدا لأن بالطريقة دى لا يمكن وجه البيتزا يعجن معاكى...

ملحوظات هاااامة
-----------
* مقادير الوصفة السابقة بالكوب
كوب الدقيق بيعمل معايا (130 جرام )
كوب الماء بيعمل معى (220 جرام )
10 جرام خميرة عملت معايا (ملعقة كبيرة )
10 جرام ملح عملت معايا (ملعقة صغيرة )
*أنا عن نفسى وضعت ملعقتين زيت وليس ملعقة مثلما فى الوصفة .
* وبالنسبة لدقيق العجن حطى منه قليلا وأعجنى وهكذا وكثرة العجن بيخلى العجين يمسك نفسه بدقيق أقل أنما كثرة الدقيق بتكتم العجين .

* أكثر 3 خطوات تخمر العجين بسرعة تخمير الخميرة وحدها أولا قبل إضاتها على الدقيق.
* عجن العجين بالعجانة أفضل من اليد.
*تسخين الفرن لمدة 10 دقئق ووضع العجين تخمر فيه طبعا فى وعاء معدنى والعجين تدهن بالزيت وتغطى عشان الوجة مينشفش .
* ضعوا العجين فى وعاء كبير بالنسبة لها إذا قمتم بالخطوات السابقة لأنها حتخمر بسرعة كبيرة (حصل معى أن فارت العجين من الوعاء معى داخل البوتجاز بسبب ضيق الوعاء اللى حطتها فيه).
* فى البيتزا عمتا المكونات اللى ممكن تنزل مياه على العجين مثل الطماطم رغم أنى بقطع لحمها بدون البذر لكنها بتنزل ماء فالأفضل تتشوح قليلا على النار وتشرب ما ؤها بدل ما تعجن العجين .
أختكم هبهوبة

merciiiiiii ya heba keteeeeeeeeeeer 3la el pizza recpie
eskotii mesh shalo el arabic keyboard :(:(
bye ya gameela merciii

السلام عليكم
بعد ما كتبت الكلام ده لقيت الأرسال قطع
(نسيت أقول لكم تعليقى عليها العجين يهبل ومحدش يبقى مصدق أنه ماء وخميرة ودقيق وزيت فقط لكن السر فى ضبط المقادير وعلى فكرة العجين تنفع عيش فينو وأنتم راح تلاحظوا كده لما تعملوها بأذن الله..)
السررررررررررررر الخطير من تأليف هبهوبة لبيتزا مقرمشة ولا الجاهز
----------------------------------------------------------------
عايزين أى عجينة بيتزا تقرمش معاكم بس خلى بالكم هى قرمشة أكثر من قرمشة المحلات بس تؤكل سريعا بعدما تطلع من الفرن ولكن بعد فترة لو جلست راح تلين والطريقة دى جاءت معى قدرا
هاتى الصينية اللى راح تسوى فيها البيتزا وأقلبيها رأسا على عقب وأدهنى ظهرها زيت وأفردى العجين عليها وسوى البيتزا عادى فى الفرن ولما تستوى وأنتى بتطلعيها حكى القعر كويس يعنى البيتزا لما تطلع معاكى ميبقاش فى أثر لها بالصينية لأن الأثر ده هو القرمشة..(حد فهم حاجة )
أختكم هبهوبة

السلام عليكم
نأخذ طريقة صنفين صغيرين بسرعة وبعدين ندخل على القرع العسلى .

الكبدة الإسكندرااااااااااااانى
--------------------------
كبدة بتلو..ثوم مفروم
فلفل أخضر مقطع رفيع
شطة...عصير ليمون
كمية قليلة من الخل
كمية مناسبة كمون
ذرة كسبرة ناشفة
زيت...ثوم بودر..ملح
الطريقة
كل ماسبق ما عدا الكبدة والخل والزيت والثوم البودر..
يتم دقه فى الهون وأخذ نصفه وخلطة بالكبدة وقليل من الزيت والخل وتخلط الكبدة جيدا وتترك على الأقل ساعة تتشرب ثم نضع القليل من الزيت فى الطاسة على النار ونضع الكبدة المتبلة وتقلب وكلما نجد الصوص نشف نضع القليل من الخل تارة والقليل من الزيت تارة حتى تستوى تماما حينها نضيف للكبدة نصف الصوص المتروك جانبا ونقلب تقليبة سريعة ونغلق النار فورا ثم رشة الثوم البودر الخفيفة وتقليبة وتحشى الفينو بأحلى كبدة أسكندرانى ..
ملحوظة سريعة
----------------- الكبدة لازم تتوصى فيها بالثوم والليمون والكمون والفلفل الأخضر الحراق بالذات.

---------------------------------------------------------------------
كأس الفراولة بالكريمة
----------------------
صنف سريع ولذيذ وميتشبعش منه
المقادير
كيلو فراولة
نصف كيلو كريمة لبانى
كمية سكر مناسبة
الطريقة تغسلى الفراولة وتنزعى العنق وتصفى جيدا وتقطع طرنشات وتقلب فى الكريمة اللبانى ونضيف لها السكر حسب الذوق وتقلب جيداوتترك فى الثلاجة أطول مدة ممكنة ..حتلاقى السكر ذاب والفراولة لون الكريمة بلون بمبى لذيذ وتغرفيها فى الكؤوس وتقدم وبالهنا والشفا..
ملحوظة
-------
ممكن تحطى فواكة مشكلة بدل الفراولة وإن كان للفراولة مذاق خاص بهذه الطريقة.
_____________________________
كورن سيرب light(مترجم )
____________ ( الكورن سيرب يعتبر مكون أساسى لعدد من الحلويات وكذلك سكر النبات )
المقادير
كوب عسل نحل
ثلث كوب ماء
كوب وربع سكر
الطريقة
يتم وضعهم على النار مع نزع الريم ( الرغوة البيضاء )كلما ظهرت حتى يصيروا كوب واحد من الكورن سيرب ..
ملحوظة
------------
*أنا ظهر معاى تقيل كده عشان أستعملت عسل مخصوص وتقيل والظاهر طلع مخلوط بالشمع فمهما صفيته معكر لى السيرب ومتقله فنصيحة اللى تجرب الطريقة تستعمل العسل العادى اللى بيتباع فى المحلات( المغشوش يعنى )..
*يمكن أستبدال السكر الأبيض بسكر بنى مع الأحتفاظ بنفس المكونات والمقادير لعمل dark كورن سيرب.
-------------------------------------------------------
دى طريقة تانية بديل للكورن سيرب بس مش مجرباها لأن كريم التارتار غير متوفر لدى
-----------------------------------------
كوبين سكر ناعم منخول
ذرة ملح
كوب إلا ربع ماء
ربع ملعقة صغيرة كريم تارتار...ينتج عنهم (كوبين كورن سيرب..صالح لمدة شهرين ).
-----------------------------
* عندى طريقة Pancake Syrup...والChocolate Syrup لو عايزينهم أنزلهم لكم عشان أنا مش مجرباهم ومش حجربهم ملهمش أستعمال عندى حتى الكورن عملاه عشان خاطركم.
أختكم هبهوبة.