Noody30 :

السلام عليكم و رحمة الله و بركاته بت يا هبهوبة، نزلي راسك تحت بسرعة عشان طبقت البامية و عاوزة أحدفك بشوية حاجات كده!!!!! :26: :26: :26: :26: :26: هاه؟؟ ايه الاخبار؟؟ فيه اصابات؟؟!!! يا سلااااااااااااااام يا هبهوبة تسلم ايديكي، بجد طلعت رووووووووووعة، بس انا بقى عشان متعقدة من الحبهان و بيتوه مني و بيقع في قرعتي في الاكل و امضغه على انه بامياية فأخدتها من قصيره و شوحته شوية و شلته قبل ما احط عصير الطماطم بس ضفت معلقتين شوربة فراخ متحبشين كويس و نفس الحبهان فيهم يهبل، و طلعت النتجية بجد أحلى طاجن بامية عملته في حياتي. ربنا ما يحرمنا من وصفاتك يا جميلة و جزاكي الله خيرا على الترحيب الجميل (وشي احمر من الكسوف!!) و على الدعوة الجميلة لوالدي على فكرة طريقة مامتك الله يرحمها في الفراخ عاجباني و ان شاء الله حاجربها و اقولك الاخبار ايه

السلام عليكم و رحمة الله و بركاته بت يا هبهوبة، نزلي راسك تحت بسرعة عشان طبقت البامية و عاوزة...

هبهوبة :

السلام عليكم Noody30 ... منورة يا قمر ورعبتينى من أول جملة وقلت ليه بس دى حلوة وبتعجب كل من يتذوقها بس الحمد لله جت سليمة وعجبتك وتسلم أيد اللى عملتها لأن الطبخ نفس برضه وأخجلتى تواضعنا بثنائك الكريم على بامية حضرتنا . كفتة الأرز ــــــــــــــــــــ نصف كيلو لحم مفروم ثلث كيلو أرز مطحون قطعة ثوم مفروم صغيرة ملح وفلفل بصلة كبيرة حزمتين من كل ما سيذكر (نعناع أخضر وبقدونس وكسبرة خضراء وشبت) رشة خفيفة من ال(قرفة وبهار لحم وكسبرة ناشفة وشطة وريحان وأوريغانو وثوم بودر وروز مارى ) الطريقة ــــــــــــــ يتم فرم البصلة فى الكبة وحدها ثم إضافة الخضروات ويفرموا سويا ثم إضافة اللحم المفروم ويفرموا لمرة ثالثة ثم إضافة البهارات المذكورة ويفرموا مرة رابعة ...ثم نضعهم فى وعاء ونضيف لهم الأرز المطحون مرة واحدة ونعجنهم جيدا ونأخذ قطعة صغيرة ونشكلها فإن كانت متماسكة يتم تشكيل الباقى وإن لم تكن متماسكة نقوم بتزويد الأرزالمطحون ونعجن حتى نصل للقوام المطلوب ...(عن نفسى لم تأخذ معى أكثر من ثلث كيلو أرز مطحون )..... ثم نقوم بقلى الكفتة فى زيت ساخن ونار متوسطة حتى تستوى وتنشل على ورق ماص للزيت الزائد ... (((كلما كان تشكيلك لها وحدات صغيرة رفيعة كلما أستوت سريعا وأنتى واثقة من نضجها من الداخل )))). ثم نقوم بعمل الصلصة (عن نفسى لا أحب كثرة الصلصة فى هذا الصنف فقط صوص بسيط ) الصلصة ____ رشة خفيفة من البهارات التالية (مستكة وحبهان و شطة وريحان و بهار لحم و كزبرة ناشفة و قرفة وروز مارى وفلفل أسود ) عصير طماطم وملعقة صلصة بصلة مبشورة مكعب مرقة سمن الطريقة ــــــــــــــ يتم وضع السمن حوالى ملعقة على النار مع البهارات وحينما تظهر رائحة البهارات يتم وضع البصلة وبعدما تذبل يتم إضافة عصير الطماطم والصلصة وتترك على النار لتأخذ بضع غلوات ثم نضيف لها الكفتة لتأخذ معها غلوتين ونغلق النار وتؤكل بالهناء والشفاء . **** الخضروات والبهارت هما العاملين الأساسين فى جعل هذه الكفتة أكثر من رائعة رائحة وطعما وسوف تجدي نفسك تلقائيا تأكلين منها كثيرا بعد قليها من جمال رائحتها وطعمها .

السلام عليكم Noody30 ... منورة يا قمر ورعبتينى من أول جملة وقلت ليه بس دى حلوة وبتعجب كل من...