امواج البحار :

سلفية ياغالية ... ولا يهمك ان شاالله تمشي منورة وتهبلى ... اسمعى هذا زيت فيتامين E تلاقيه فى الوال مارت ... قريب من جهة الصيدلية ممكن فى ممر حبوب الرجيم والتنقيص ... غير انتِ اكتبي اسمه فى ورقة وخلي وحدة من البنات يلى يشتغلن غادي توريك مكانه ... وهذي صورته ... او هذا ... الشركات واجد لكن كله واحد بس الوال مارت اكثر حاجاته من الشركتين هذين ... وهذي صورة Tee Tree Oil الماركة هذى فى الوال مارت ... والهيدروكسيد تلاقيه فى جهة الاسعافات الاولية <<< يعينى عاللغة العربية خخخخخ :hahaha: المهم وين ماتلاقى لصقة الجرح وقطن الجرح تلاقيه حتى هو بالكى فى نفس ممر الزيوت يلى فوق وهذي صورته راهو بإقل من دولار لكن روعة للتنظيف ... وانتبهى لحواجبك مع الاستمرار يشقر ماتجيش جهة شعرك وحواجبك واشري قطن الدوائر بتاع مسح المكياج وحكى زين رقبتك ووجهك به حلو غير استعمليه ديمة وماتخافيش منه ... وهذا زيت مليت من الغربة روعة للشعر ومرطب حلو للوجه وللجسم وبنته سمحة تلاقيه فى الوال مارت وين مافي الشامبوات وكريمات الشعر فى تركينة امديرنها للشعور الافريقية ... مرسوم عليه رجل ومراة افريقية ومكتوب عليه WONDER 8 OIL ... وهذي كريمة غنوجة الرياض روعة لكن ماتقدرش تطلعى بها بنتها قوية وتغذي الشعر كويس شفتى الشيشة لا هذا تونر للشعر والباكو لا هذي كريمة فرد لكن العلبة 3 يلى فوق بعضهن ... روعة مغذي قوي للشعر وهذا اسمه اكتبيه عندك Botanicals 3-N-1 Dry Scalp Treatment وحتى هو تلاقيه مع زيت مليت من الغربة فى نفس تركينة الافارقة خخخخخخ :hahaha: ... بس ماتهزيش فعلاً حاجات حلوة وترطب وتغذي الشعر ...

سلفية ياغالية ... ولا يهمك ان شاالله تمشي منورة وتهبلى ... اسمعى هذا زيت فيتامين E تلاقيه فى...

امواج البحار :

مرام ... مبروك عليك وليدك ويتربى فى عزكم ان شاالله ومن الذرية الصالحة يارب ... :icon28: وبالنسبة لرجيم الملفوف حلو لكن يعتبر كيميائى وخطر للحامل والمرضع ... احسن حاجة لكي الخضرة والفاكهة ونقصى من الحلويات والدهون وركزى على الرضاعة تنقصي من غير ماتحسى اااه ياريتنى انرضع خخخخخخخخ :22: ... والبشرة ياغالية كيف ماقلت لسلفية شوفى محلاتكم غادى اكيد تلاقي ان شاالله ... والحمص كنت اندير فيه فى ليبيا حلو ... باهى انتِ جربى خل التفاح والسكر البنى روعة ولا الملح الصخرى والخل حتى هنا نفس مفعول الحمص واحسن لان خل التفاح قابض فضيع ومعقم ومطهر للبشرة مع الملح او السكر يخرط الوسخ وينظف كويس ان شاالله ... ويستعمل بطريقة الحك للبشرة تدهنى به بشرتك وتخليه شوي يجف وينشرب من البشرة وبعدين افركيه بيديك حسيته شوي زيدي من الخلطة وافركى حتى للجسم كله ادهني وافركى بليفة الجسم ... وبعدين خودي زيت فيتامين E مع شوية ليمون وادهنى جسمك به ... اسمعن الكلام هذا يبى صبر على الاقل شهر مش سحر هو اديرنا مرة وحدة وتقولن ماصار شي .... :) ولتوحيد لون البشرة من اثار الحمل معروفة زبدة الكاكو دوريه وانتِ قاعدة فى بلاد الكاكو ماشاء الله اكيد تلاقيها اشكال والوان ... ومرة قريت فى منتدي اجنبى 2 يشكن من التشققات يلى فى جسمهن وحدة حامل والاخرى كانت سمينة ونزلت فى الوزن لكن جسمها قعد خريطة ... تصدقو ايش جربن زيت اللوز مع زيت فيتامين E مع زيت زيتون بمقادير متساوية يعنى كل واحد م صغيرة ويخلطن مع بعضهن ... ويدهن به الجسم ... يقولون الحاجة الوحيدة يلى نفعت بهن ...

مرام ... مبروك عليك وليدك ويتربى فى عزكم ان شاالله ومن الذرية الصالحة يارب ... :icon28:...

امواج البحار :

وهذي سكراب بتاع الحبوبة عيونى سهارا ... هو منظف لجميع انواع البشرة وسكراب من كلمة صنفرة يعنى بالعربى خرط هههههه :hahaha: ...

وهذي سكراب بتاع الحبوبة عيونى سهارا ... هو منظف لجميع انواع البشرة وسكراب من كلمة صنفرة يعنى...

امواج البحار :

يابنات يلى قلت لكن كله مايساوش مع كريمات الشعر 40$ ... توا هذا كله جو الحوش ... لكن لما تبى تطلعى للشمس ومعروفة شمس كندا حتى فى الشتاء تضرب ... شفتو الكريمة هذا من استى لاودر E ... لوشون مرطب مع واقى خاص للشمس درجة 30 ومصنوع من الخيار حتى لونه خضر وبنته خيار ... ومعروف الخيار للبشرة ... ومبيض ويحمى من الشمس فى نفس الوقت ومايخليش البشرة دهنية وشوية منه ياما يدير ويعيش معاك سنيين وحقه حوالي 70$ خخخخخخ :hahaha: ... معلش وكان خسرتنهن على روحكن مافيش باس <<< حي عليا وكان يسمعونى رجالتكم خخخخخخ :hahaha: ... وهذا اسمه DayWear Plus Multi Protection Anti-Oxidant Lotion SPF 30 for Normal/Combination Skin وهذا للبشرة العادية والمختلطة وفي نوع للبشرة الدهنية بس درجة واقى الشمس فيه 15 ... وسلامتكم ... :26:

يابنات يلى قلت لكن كله مايساوش مع كريمات الشعر 40$ ... توا هذا كله جو الحوش ... لكن لما تبى...

امواج البحار :

وهذا لقدوم الكرعيين المشققات ... اكره ماعندي المراة وكرعيها مشققات شنو سيبت للرجل ... قاعد فى الوال مارت وفى اى سوبر ماركت فى كندا ان شاالله ... وهذى كريمة للشعر كيف سيرم ينعم ويرطب الشعر بعد الاستشوار ... على ماجربت انواع بصراحة هذا احسن واحد تدهنى به بعد ماينغسل الشعر واستشورى شوفى كيف شعرك يقعد يهبل وماسك الاستشوار والاستيل روعة وكان ماتبيش تستشوري وشعرتك رطبة ادهنى به وخليه يعطيه نعومة حلوة ولمعة وينفع للشعرهم داكن خلاص دهشتونى ... وسلامتكم ...

وهذا لقدوم الكرعيين المشققات ... اكره ماعندي المراة وكرعيها مشققات شنو سيبت للرجل ... قاعد فى...