السلام عليكم

كيف حالكم توا

امواج
وينك مش مبينة اليوم , انشاء الله خير
طمنينا عليك يالغالية

السلام عليكم
كيف حالكم يا غاليات

اريام الحنين
انا بخير والحمد لله

سلفية
مرة اخرى نكتب لك اسماء الادوية العلمية يمكن في الصور مش واضحات

عيوني
اهلا يا غالية
كيف حالك انت

بالله امواج وينها ؟؟؟؟

وسلامي للجميع الموجودين والغايبين

هلا وغلا بكل الاخوات ايش اخباركم
اختى سلفية 1 ,,انا ذقت الرشته اللى كتبت طريقتها مرت راجلها بقطع لحم .
وانشاءللة اجرابها قريبا لان ماعندى الة تقطيع العجيين وماعرف هى موجودة بهولندا اولا .
اختى مرت راجلها اكرر شكرى وامتنانى لك على طريقة الرشته .

السلام عليكم
ا
كيف حالكم انتم وصغويره
ملاحظ ولا مره وحده جوبتني من قبل ياريت تجوبوا
:hahaha: :hahaha: :hahaha:
:30: عزوز حرفه اتلوم:30:
عيوني السهاره
المعهد كويس والحمد الله توه نحس في روحي فهمته كله لاني درسته في الثانويه الله يستر علي ايام الجايه ادعولي ربي يخليكم ويحنه اليوم جئ الباص من بين نزلت لقيته مشيه تعقد تعقيده سمحه
سلفيه
اني ذكرتك باللون لكن اني الي لعبت في البدي خليته جميع الوان فيه
هههههههههههههههههههه
اريام
شوفي المكينه جنب الاجهزه الكهربائيه لانه فيه نوعين كهربائ ويدوي
يس اكيده تحصليه جنب الاجهزه
وان شاء الله تحصليه
امواج وام محمد ومشمشه و مرت رجلها gليبيا وين مغطسات
وين البقيه ان شاء الله خير
ليبيا قلبي شن جو ليبيا وين معاش دخلتي
سلامي للجميع

السلام عليكم ورحمة الله وبركاته

كيف الحال وشنو الاخبار ؟؟؟
امشيمشه عاش من شافك والحمد لله على وصولكم بالسلامه وان شاء الله بسلامتكم وهناكم ,,,,
ان شاء الله استقريتوا وكل شيئ تمام ؟؟
ما نحسابش التحويل صعب هكى أنا ما زال ما تميتش وكل مره اندير احويجه ....
ابعثى لى رقمكم وسلمى على الصغار ,,,,

عيونى ,,,
طيب على سلامتكم انا مشيت السبت ورجعنا الاحد من لندن مشينا ذبحنا خروف فى مزرعه نعرفوها وجينا ,,,,
اتقول ما هناش لحم حلال فى تورنتو انكركروا فيه من لندن
حاله اتضحك ....
المهم نستنى فى تليفونك ومرحبتين بيك

مرت راجلها يعطيك الصحه على الرشده حسنى جعت ان شاء الله انديرها اليوم خطرتيها على
تسلم ايديك

امواج
وينك يا حنا معش بنتى وشن اخبار الصغار ؟
تعرفى كل يوم انقول توا نتصل بيك لكن سبحان الله يفوت اليوم وما نتكلمش بالتليفون
واتصدقى تليفون الحوش ما ايرنش بكل ما هو جديد وما حدش يعرفه مازال ....
شكلى ننشره بيش الناس ينشدوا علينا ,,,هههههه

سلفيه كيف صحتك وشن اخبارك ان شاء الله تمام ؟
تعرفى مشينا يوم الجمعه فى الليل لسكاربر فيه جامع اسمه جامع الليبيين والامام ليبيى يعطى فى محاضرات تفسير لغير الناطقين بالعربيه ما شاء الله عليه ,,,
نحساب روحى نلقى ليبيات ما لقيتش حد وقالوا لى فيه هلبه ليبيين بس اشبح وينهم غاطسين ...
حتى لجامعهم ما ايجوش ,,,
قلت بالك سلفيه اتجى تحضر فى هالجامع بس خساره لقيت كنديات وامريكيات بس ,,,,

غاده ماشاء الله عليك مواضيعك فى الطبخ حلوه
ان شاء الله نفرحوا بيك اقريب

حياه حلوه
الصغيويره ما بيهمش ويسلموا عليك
قاعدين بينكلبوا من الشطانه وحرقوا اعصابنا من الجرى وراهم سوا فى تقرايتهم والا فى توكيلتهم ,,,
الله المستعان
سلمك نشاده ,,,

اريام
كيف اخبارك وكيف اولادك
ربى ايعينك على تربيتهم وتنشئتهم ,,,
فعلا ما يكبر رأس الى ان يشيبوا روس زى ما ايقول المثل عندنا
انا ما عندى تؤام بس ابنى وبنتى بينهم 11 شهر يعنى كأنهم تؤام طلعت عيونى فى تربيتهم الله يصلحهم ,,,
وخصوصا انى تغربت وهم سنتين وسنه انواع العذاب يعنى ببداية الغربه
بس الحمد لله الحين كبروا واعتمدوا على انفسهم ولو ان الامر ما يخلى لكن اقل شيئ يفهموا ويتعاونوا لو اجيهم بالكلام الحلو ,,,
الله يعين كل الامهات على التربيه

باقى البنات ان شاء الله اخباركم طيبه ,,,
فى امان الله توا خلونى اندير دوره فى باقى القسم ,,,,