aionisahara :

السلام عليكم ورحمة الله وبركاته صباح النور و الورد والزهور كيف الحال و الاحوال وشن اخر الاخبار امواج وينك يالغالية , انشاء الله خير, ياريتك بعتيلي رقم تليفونك راني كلمتك و اطمنت عليك امشيمشة عاد تعالي هدرزي علينا الموضوع موضوعك و احني ضيوفك ام محمد صارلك زي اول ما حولت من تورونتو لهاملتون قعدت قريب 6 شهور اني نمشي لتورنتو بش نجيب اللحم لكن توا خلاص عرفت هاملتون باهي و تعودت عليها واليوم انشاء الله انكلمك بعد صلاة الظهر سلفية شن اخ اخبارك , مشتي للسوق, نسيت تقولك اني لما مشيت يوم الجمعة لتورنتو لقيت زارا مداير تخفيض رهيب قفاطين الحفلة و الطلعة ب36 دولار اني اخديت واحد بيج حتى راجلي الي ديمة ما يعجبه شي {لان امه ما تشري الا من فرنسا من الشنزيليزي} قالي حلو و راقي حياه حلوة سلمك نشادة , حني كويسين والحمد لله اللطف خيره الباص ما يستناش و لاتتعقدي و لاشي , الله غالب من هني وجاي انزلي استنيه انت و خلاص و الله يوفقك و يسهلك امورك غادة معليش نكتب في اسمك لانه حلو خير من جي ليبيا شن اخبارك , انت وين ساكنة في ليبيا كان ما فيهاش تتطفل و ازعاج وانت منين متخرجة و شن تشتغلي والا لا {اني طبيبة مع وقف التنفيد } بالنسبة لعلاج الشعر اني لما نروح لليبيا بنمشي نشريه كله و الله يعطيك الصحة علي الافادة اريام الحنين كيفك و اش اخبارك و كيف صغارك اريام الماكينة متاع الرشتة تلقيها باذن الله ,انت اسألي البياع علي ماكينة الباستا لانها ايطالية و يستخدموا فيها في صنع الباستا لوشا تحول والباقي وينكم انشاء الله تكونوا بخير

السلام عليكم ورحمة الله وبركاته صباح النور و الورد والزهور كيف الحال و الاحوال وشن اخر...

em mohamed :

السلام عليكم ورحمة الله وبركاته كيف الحال وشنو الاخبار ؟؟؟ امشيمشه عاش من شافك والحمد لله على وصولكم بالسلامه وان شاء الله بسلامتكم وهناكم ,,,, ان شاء الله استقريتوا وكل شيئ تمام ؟؟ ما نحسابش التحويل صعب هكى أنا ما زال ما تميتش وكل مره اندير احويجه .... ابعثى لى رقمكم وسلمى على الصغار ,,,, عيونى ,,, طيب على سلامتكم انا مشيت السبت ورجعنا الاحد من لندن مشينا ذبحنا خروف فى مزرعه نعرفوها وجينا ,,,, اتقول ما هناش لحم حلال فى تورنتو انكركروا فيه من لندن حاله اتضحك .... المهم نستنى فى تليفونك ومرحبتين بيك مرت راجلها يعطيك الصحه على الرشده حسنى جعت ان شاء الله انديرها اليوم خطرتيها على تسلم ايديك امواج وينك يا حنا معش بنتى وشن اخبار الصغار ؟ تعرفى كل يوم انقول توا نتصل بيك لكن سبحان الله يفوت اليوم وما نتكلمش بالتليفون واتصدقى تليفون الحوش ما ايرنش بكل ما هو جديد وما حدش يعرفه مازال .... شكلى ننشره بيش الناس ينشدوا علينا ,,,هههههه سلفيه كيف صحتك وشن اخبارك ان شاء الله تمام ؟ تعرفى مشينا يوم الجمعه فى الليل لسكاربر فيه جامع اسمه جامع الليبيين والامام ليبيى يعطى فى محاضرات تفسير لغير الناطقين بالعربيه ما شاء الله عليه ,,, نحساب روحى نلقى ليبيات ما لقيتش حد وقالوا لى فيه هلبه ليبيين بس اشبح وينهم غاطسين ... حتى لجامعهم ما ايجوش ,,, قلت بالك سلفيه اتجى تحضر فى هالجامع بس خساره لقيت كنديات وامريكيات بس ,,,, غاده ماشاء الله عليك مواضيعك فى الطبخ حلوه ان شاء الله نفرحوا بيك اقريب حياه حلوه الصغيويره ما بيهمش ويسلموا عليك قاعدين بينكلبوا من الشطانه وحرقوا اعصابنا من الجرى وراهم سوا فى تقرايتهم والا فى توكيلتهم ,,, الله المستعان سلمك نشاده ,,, اريام كيف اخبارك وكيف اولادك ربى ايعينك على تربيتهم وتنشئتهم ,,, فعلا ما يكبر رأس الى ان يشيبوا روس زى ما ايقول المثل عندنا انا ما عندى تؤام بس ابنى وبنتى بينهم 11 شهر يعنى كأنهم تؤام طلعت عيونى فى تربيتهم الله يصلحهم ,,, وخصوصا انى تغربت وهم سنتين وسنه انواع العذاب يعنى ببداية الغربه بس الحمد لله الحين كبروا واعتمدوا على انفسهم ولو ان الامر ما يخلى لكن اقل شيئ يفهموا ويتعاونوا لو اجيهم بالكلام الحلو ,,, الله يعين كل الامهات على التربيه باقى البنات ان شاء الله اخباركم طيبه ,,, فى امان الله توا خلونى اندير دوره فى باقى القسم ,,,,

السلام عليكم ورحمة الله وبركاته كيف الحال وشنو الاخبار ؟؟؟ امشيمشه عاش من شافك والحمد لله على...

aionisahara :

السلام عليكم ورحمة الله وبركاته صباح النور و الورد والزهور كيف الحال و الاحوال وشن اخر الاخبار امواج وينك يالغالية , انشاء الله خير, ياريتك بعتيلي رقم تليفونك راني كلمتك و اطمنت عليك امشيمشة عاد تعالي هدرزي علينا الموضوع موضوعك و احني ضيوفك ام محمد صارلك زي اول ما حولت من تورونتو لهاملتون قعدت قريب 6 شهور اني نمشي لتورنتو بش نجيب اللحم لكن توا خلاص عرفت هاملتون باهي و تعودت عليها واليوم انشاء الله انكلمك بعد صلاة الظهر سلفية شن اخ اخبارك , مشتي للسوق, نسيت تقولك اني لما مشيت يوم الجمعة لتورنتو لقيت زارا مداير تخفيض رهيب قفاطين الحفلة و الطلعة ب36 دولار اني اخديت واحد بيج حتى راجلي الي ديمة ما يعجبه شي {لان امه ما تشري الا من فرنسا من الشنزيليزي} قالي حلو و راقي حياه حلوة سلمك نشادة , حني كويسين والحمد لله اللطف خيره الباص ما يستناش و لاتتعقدي و لاشي , الله غالب من هني وجاي انزلي استنيه انت و خلاص و الله يوفقك و يسهلك امورك غادة معليش نكتب في اسمك لانه حلو خير من جي ليبيا شن اخبارك , انت وين ساكنة في ليبيا كان ما فيهاش تتطفل و ازعاج وانت منين متخرجة و شن تشتغلي والا لا {اني طبيبة مع وقف التنفيد } بالنسبة لعلاج الشعر اني لما نروح لليبيا بنمشي نشريه كله و الله يعطيك الصحة علي الافادة اريام الحنين كيفك و اش اخبارك و كيف صغارك اريام الماكينة متاع الرشتة تلقيها باذن الله ,انت اسألي البياع علي ماكينة الباستا لانها ايطالية و يستخدموا فيها في صنع الباستا لوشا تحول والباقي وينكم انشاء الله تكونوا بخير

السلام عليكم ورحمة الله وبركاته صباح النور و الورد والزهور كيف الحال و الاحوال وشن اخر...

مشيمشة :

اهلين عيوني كيف حالك او شن اخبارك او سلمك نشادة ياوخيتي او بالنسبة للموضوع هذا موضوعنا كلنا ياغالية غير قلت خل انديره بيش نلتموا فيه لان العام اللي فات كان في موضوع حاطاته وحدة ليبية الله يذكرها بالخير واتسكر فقلت خل انعاوده بيش نتلاقوا ثاني او ربي ايونسنا ببعض وان شاء الله نستفيدوا من بعض والبنات كلهم ما شاء الله عليهم ربي ايوفق الحميع ان شاء الله :26:

اهلين عيوني كيف حالك او شن اخبارك او سلمك نشادة ياوخيتي او بالنسبة للموضوع هذا موضوعنا كلنا...