اهلين امواج
صحيتى يا غالية وردك فرحنى وانى والله مش ديمة موجودة ماهو ما نديرش فى خروج من المنتدى
والله يا وخيتى مضايقة حتى من شلاتيتى ونحس فى صغارى هم الضحية لأنى مركزة عليهم هلبة وواقفتلهم على الكبيرة والصغيرة وانى راهو ديمة نحاول نصلح من روحى ونعاملهم احسن لكن مرة واتنين ونولى لطبعى <<<< الطبع جبل
عيونى
والله صدقتى الغربة والقعاد فى الحوش يخلى الواحد مضطرب الله يعيننى ويعينكم عالغربة
وان شاء الله ربى يقدرنى على تربية ابنائى التربية الصالحة ياااارب
والله وما تحلفونى نحسكم صريحات وواضحات ييعنى تنصحو بقلب وديمة خلوكم هكى يعنى انى عييت من النفاق والمجاملة والكذب وانى ديمة نتسآل علاش ديمة الناس فى النت وفى المنتديات تتعامل مع بعضها بدون تغليف وبعفوية وفى الحياة الواقعية تلقى جميع العوج والكذب والتفخفيخ يعنى يتعاملوا
بتكلف وبتصنع وبنفاق والله ما تتصوروش قداش هالموضوع تاعبنى ونفكر فيه ونتمنى الناس ترجع لله وتخاف ربى فى معاملاتها وعلاقاتها
معليش طولت عليكم ونكدت عليكم لكن غصبا عنى والله هذه الامور اللى لازم اناقشوها باش نصلحوا من مجتمعنا
وللحديت بقية وان شاء الله نلقى تفاعل
سبحانك اللهم وبحمدك اشهد ان لا اله الا انت استغفرك واتوب اليك

مرام
ماضايقيش روحك , كلنا هكي مرات تمر علينا فترات تكثر فيها الانفعالات و الاعصاب المفلوتة هذا كله من ضغط المسؤليات الي علي راسنا , الله يعينا

علي ذكر الصراحة والمجاملات هذا الموضوع شكله نحسوا فيه المغتربات اكثر , لان اني كل ما نمشي لليبيا تصيرلي مشاكل, في الاخير قررت مل نجاملش بحاجة مش مقتنعة بها ولكن في نفس الوقت ما نقولش راي يعني نلتزم الصمت الي هوا اريح حل , كان جاملت و نافقت نحس بروحي اشبح كيف مش مرتاحة و كان تكلمت نحرج الناس و الا نصبح في مشكلة
الله يعينا علي الناس و علي الساناتنا

تصبحوا علي خير
نوما هنيا واحلاما سعيدة:40:

خيرات ياصبايا بلادي
وخيرات لصبايا اشقة بلادي
طبعا اخباري .....
ان شاء الله تكون نقله موفقه وعتيه مباركه وخير لنا
لان مازلنا لم ننتقل لعدة اسباب وان شاء سوف نتقل يوم 15
.2 ادعلي
واسباب عدم دخولي لنت
الكمبيوتر خرب وكان عند الوكيل
وهده هي اخباري

اليوم راجلي مشي مع صاحبه لمدينة تانية واني عابية نمشي لسوبرماركت نشري شوية قضية المهم البست ولبست ولدي ونزلت نلقى الكروسة متاع ولدي مهناش اتريها قاعدة في السيارة وراجلي ماشي بيها :hahaha: فمصارش من القضية
:26:
مرام حبيبتي مضايقيش روحك ولازم تعرفي ان كلنا زيك نمرو بالحالة هذي بس انتي لازم تتصالحي مع نفسك يعني لازم تقعدي مع نفسك وتفكري وتتأملي احني كلنا مداببنا نعيشو في بلادنا وسط اهلنا واحبابنا بس هذا قدرنا وفي هالفترة انت ديما شوفي لمميزات الغربة مش لعيوبها... يعني مثلا احني مفتكين من الغيبة والنميمة ومن هلبة مشاكل انت ادرى بيها وكلنا لما جينا للغربة تقربنا لله اكثر ; فمثلا بالنسبة ليا اني كنت نلبس في بنطلونات (سروال) مع الحجاب والحمدالله توا سيبتهم وبديت نلبس في عبايات وبعد ماتزوجت عاد بديت نقي في حواجبي (نمص) وتوا خلاص حرمت معاش مسيتهم ومش حنمسهم مرة تانية وبديت نصلي في الفجر حاضر وهلبة حاجات مكنتش ندير فيها في ليبيا زي قراءة سورة الكهف يوم الجمعة والتسبيح قبل النوم وغيرها... يعني تقدري تقولي ان الغربة خلتني نفكر ونتأمل ونشوف الفرق مابين الصح والغلط ونصيحةعيشي كل يوم بيومه واستفيذي من الغربة بقدر المستطاع بما يرضي الله سبحانه وتعالى اولادك اصحابك خصيلهم مثلا ساعة في اليوم العبي اضحكي معاهم وفي هالساعة انسي كل شي وارجعي طفلة زيهم والعبو كل يوم لعبة مثلا واحد يعد للعشرين والثانين يلبدو ويبدا يدور عليكم وفي هلبة العاب في قسم الحياة الأسرية في قسم الطفل ,, بهذه الالعاب تقربك من صغارك وتنشطو الدورة الدموية وتفرهدو شوية
وبنتك ردي بالك عليها ديريها صاحبتك قبل بنتك لأن الفترة هذي تبدا تتكون شخصيتها وانت عنصر اساسي في تكوين شخصيتها ان تكون شخصيتها قوية ومعتمدة على نفسها وواثقة من روحها
فزى ماقالولك البنات هدرزي معاها واستشيرها وتوا افتحي معاها موضوع الدورة الشهرية وعلميها كيف تهتم بنظافة الشخصية اشريرها جل شاور ولوشن خاص بيها وكريمات الترطيب والله حتفرح وحتتقرب منك وبالتوفيق ان شأالله
:26:
لوشا كيف حالك يصار مازال محولتيش والكل قاعد يباركلك يحسابك حولتي يالله ان شأالله تحولي علي خير
:26: