كيف حالك يا مرام انت والعويله اسمعى باش تابعينا ومتردى علينا هدا حال راهو ما يعجب ديرى لروحك حل وردى خودى من وقتك حتى خمسه ادقيق
وبالنسبه لعلاقتك ببنتك انتبهيلها كويس بنتك توا بتمر بمرحله المراهقه وهى محتاجه لحنانك وعطفك عليها حاولى تتقربى منها وقوليلها كلمات حلوات وارفعى من معنوياتها زى ان تستشيريها فى بعض الامور هدا الشى اعزز ثقتها بنفسها وبيك وعامليها زى ما تعاملى ولدك الصغير ضميها وبوسيها وعبريلها على حبك ليها وانك فرحانه لانها بدت كبيره وتبيها تكون صديقتك وحاولى ان ادخليها معاك للمطبخ وتقوليلها انها كبرت وبتبدى تعلميها بعض الاكلات الساهله زى كيكه اى شى اخر وتكونى انت معها طلعيها معاك فى الزيارات النسائيه وفى السوق وحاولى تساليها على رايها لما تبى تشرى حاجه ليك او للحوش وخليها تختار حاجاتها هى بنفسها وانت ما عليك الا انك توجهيها بالنصيحه ومش بالفرض
هى توا محتاجتلك وانت فى نفس الوقت تونسك وخاصه انك فى غربه
الموضوع حلو للنقاش وفيه هلبه جوانب ياريت كلنا نحكو فيه
ويارب احفظلنا صغويرتنا
كيف حالك يا مرام انت والعويله اسمعى باش تابعينا ومتردى علينا هدا حال راهو ما يعجب ديرى لروحك حل...
والله ما نقدر نعبرلكم عن شعورى وانا توة نبكى من ردودكم اللى حسستنى انكم فهمتونى اكثر من
الناس اللى يعرفونى عن قرب
بارك الله فيكم وربى يحفظكم ويكملكم بعقولكم
عيونى والله صدقتى الواحد معاش يقدر يتفاهم مع الناس خصوصا لما يروح للبلاد
اختى good
والله يا وخيتى كأنك تتكلمى على لسانى حتى انى تغيرت هلبة بعد الغربة
.............. لكن والله هالايام حاسة بالتقصير ادعولى ربى يعيننى
لكن الغيبة والنميمة لاحقتنا وين ما تمشى والجاهلين موجودين فى كل مكان والله مرات نحس فى روحى كأنى انى الغريبة والشادة بين الناس مش عارفة علاش هالشعور ؟؟؟
لكن زى ما قلتى انى نحتاج انى نقعد مع روحى ونراجع نفسى وومع دعواتكم ان شاء الله ربى
يسهل الامور