اريام الحنين :

اختى ttm اهلين فيك انت بالمانيا وين بالظبط واذ عندك فكرة عن (هامبرج )لان بنمشى لها الويك اند القادم بأذن اللة تعرفيين الحدود مفتوحة بين اروبا لاجواز سفر ولاشى . ياليت الدول العربية تتحد مع بعض زى الاتحاد الاوربى .وووووووووووواوووووووو خشيت بالسياسة . امواج البحار وعيونى سهارا وحياة حلوة وتقربصتى وسلفية 1 وام تقى الدين وام محمد ومرام gليبيا وذات الهمة .اتمنى تكونوا بخير . اختى عيونى سهارا الف سلامة لولدك مايشوف شر .

اختى ttm اهلين فيك انت بالمانيا وين بالظبط واذ عندك فكرة عن (هامبرج )لان بنمشى لها الويك اند...

aionisahara :

بعيد السؤ عليك و انشاء الله لباس تقربصتي بالك الريجيم الي مدايرتيه قاسي مع الر ضاعة مأثر عليك ردي بالك من روحك, و انت طالما ترضعي مفروض تهتمي بالاكل الي غني بالكالسيوم و انشاء الله ما تشوفي شر :26: :26: :26:

بعيد السؤ عليك و انشاء الله لباس تقربصتي بالك الريجيم الي مدايرتيه قاسي مع الر ضاعة مأثر...

em mohamed :

السلام عليكم ورحمة الله وبركاته كيف حالكم اليوم ؟ أن شاء الله طيبات وبخير كلكن . أول حاجه بنعتذر من أمواج وأنا حذفت الردود كلها وقلت بيش ما ينفهمش الكلام غلط مش من قبلك يا امواج وفاهمين قصدك وبارك الله فيك وبنفس الوقت فاهمين مقصد ام تقى الدين وانها غرضها التنبيه وما عممتش فى ردها من الاول بنفس الوقت سياسة المنتدى والقوانين اللى اموقعين عليها عند التسجيل ذكرت عدم التعرض لأى جنسيه وان المواضيع او الردود اللى من شأنها اشعال حساسيات يتم حذفها دون الرجوع الى العضوه وانا حذفتهن وقلت غمن على الموضوع بيش ما يستمرش النقاش وما حدش يأخذ على خاطره من الثانى قصدى غيرن الموجه ومع ذلك كبرتن الموضوع وهو اصلاً ما فيش حاجه ... وحتى فى ردى هذا ما بيتش انوضح شنو صار بينما انتِ حتى اللى على الخاص حطيتيه على العام (ننقنك شهداره خخخخخخ) عموما حصل خير وهاتى راسك انبوسها كانك شايله منا او من سياستنا (شكلها مش عاجبتك بس الله غالب أزرطتى فينا واللى صار صار ) خليك كبيرة عقل وما تحرجيش ,,,, لانى ما شفتش رد لك اليوم خمنت انك زعلانه وخصوصا ردك الاخير وكأنك تبى اتقولى ربنا على الظالم خخخخخ المهم مازلت نبى نمسح كل الردود المتعلقه بالشأن ... وها قلتلكن رانى نبى نمسح الردود والسياسه هذه ماشى عليها قسم المغتربات علشان هكى ما عندنش مشاكل ولله الحمد ممكن اتلاحظى ان سبب المشاكل فى باقى اقسام المنتدى سببها ترك الردود مثل ما هى وهذه مش حجر على حرية العضوات بس من باب درء المشاكل ومنعاً للحساسيات والفتن لأن صوابع ايديك مش زى بعضها ومش كل الناس تفهم جوك وشن قصدك شكلى كثرت الدوه المهم سامحينا وردى زى قبل راهو الموضوع بلا هدرزتك كساد وجوه شين . والهدف الرئيسى للموضوع هو الاستفاده من بعضنا والتعارف والتقرب الى الله بنفس الوقت سلفيه الحمد لله على سلامتكم وان شاء الله تمتعتوا وغيرتوا جوكم . عيونى لابأس على اوليدك أن شاء الله يتحسن وهذا حالهم الصغار فى الشتاء ربى يشفيه ويطمن قلبك عليه وسلم ايدياتك على العصيبنات تعرفى عندى مصارين فى الفريز وامتنبله نحشيهن بعيد عنك الجهد بالهون والنفسيه تعبانه هاليومين الله المستعان ... وانا انقول خيرها راكبتنى الشهيقه تاريتكم حاطينى على القرمه انتِ وصاحبتك والحمد لله اللى عطانى الصبر وأن شاء الله خذيت الاجر بس مثل ما ايقولوا لما تنزل المصيبه ينزل معاها الصبر وفعلا هذا اللى جانى حتى لما خبرنى الدكتور بالتشخيص انا اللى سهلت عليه المهمه الراجل قعد يلكلك قبل ما ينطق (انا قلت اللى عندى كنسر) هز راسه بالاجابه وتوقعنى انعيط لكن اللهم لك الحمد اللى نطقته الحمد لله انا لله وأنا اليه راجعون ممكن لأنى كنت مهيأه نفسى لأسوء الاحتمالات , بس صبرت وروحت لخوشى وطيبت غداى ودموعى جفن ما نزلنش ألا لما خبرت صاحبتى حتى زوجى لما عرف من ملفى بالمستشفى وروح للحوش ما حكيناش حاجه بس جهزت روحى ومشينا لدكتورة الجراحه ولما قعدنا نستنوا فى الدكتوره فى غرفة الكشف هذاك الوقت بس جت عينى فى عينه وحسيته يبى يبكى هذاك الوقت بس حضنته وبكيت (دموعى نزلن وانا نتفكر فى الموقف ) بس الحمد لله اهو كله قعد ذكرى وان شاء الله ربى ما ايعاودها والحمد لله من يوم مرضتى وللان انشوف فى نعم ربى عليا وفى رضاه واستجابته لكل ما دعيت اللهم ثبتنا واغفر لنا ولوالدينا ولجميع المسلمين . تعرفن يا بنات ان اهلى ما يعرفوش لعند توا بوى بس اللى عارف وحتى لما مشيت ما بيتش انخبر امى واختى مع انى كنت ناويه انقوللهم بس ما لقيتش الشجاعه وحسيت انى توا امغير انعيشهم فى قلق عليا وخلاص ففضلت السكوت . مع ان جن مواقف واجده وخاطرى نهدرز لأمى ونحكيلها على رحلتى فى العلاج لكن كل ما انجى نبى نحكى اتصير حاجه وألا ايجى حد فقلت ربى ما يبينيش انقول ونشغلها ولما جيت بنروح لكندا كنت مزكومه فقعدت كل اشوى تتصل امى واتقولى طمنينى رانى مشغوله عليك قلت لو خبرتها بالورم شنو صار فيها .... معليش دوشتلكن راسكن بالدوه بس سيره وانفتحت .... باقى البنات ان شاء الله كلكن بخير راهو كلكن فى البال حتى وانا ما نذكرش فى اساميكن بس الله يعلم بقدركن ومعزتكن عندى سامحنى واسترن ما ريتن منى

السلام عليكم ورحمة الله وبركاته كيف حالكم اليوم ؟ أن شاء الله طيبات وبخير كلكن . أول حاجه...