good life :

السلام عليكم ورحمة الله وباركاته اخواتي وصديقاتي استحشتكم هلبة هلبة... اسفة لو كان شغلتكم عليا كان عندي النت عاطل الفترة اللي فاتت وتوا جيت لقيت قريب خمسين صفحة فيتتني والصراحة ماقريتش الا الصفحة الاخيرة المهم كيف حالكم وحال الصغار واماليكم ان شأالله بخير وكل شئ تمام وسلم كل وحدة استفقديتني وسئلت عليا تقربصتي سلامتك ربي يقويك ويشفيك ردي بالك علىروحك اشربي الحليب 4 اكواب في اليوم وخوذي معاه حبة البركة يقولو تزيد في الدم ان شأالله لاباس عليك عيوني كيف حالك ياغالية وبعيد السو على وليدك ردي بالك عليهم من الصقع وماتنشغلي على غالي اني قريب عشرة ايام النت عندي فاسد وامس بس كيف صلحو حياة حلوة كيف حالك وحال دراستك تعرفي اول مافتحت الصفحة شفت الكيكة متاعك ماشأالله لاقوة الا بالله تي شني هذا فتحتلي نفسي سلم ايديك ياريت تقوليلي الطريقة بالتفصيل الممل مش لازم توا في اى يوم تكوني فيه فاضية ام محمد ربي يسعدك ويخليك لصغارك وراجلك واماليك ويخليك لينا ياغالية سلفية كيف حالك وحال الصغار وشني امداير فيك الحمل اكيد مرزنة ربي ينوضك بالسلامة مويجة كيف حالك وحالالصغار لكي وحشة ياغالية مشيمشة وغادة ومرام وباقي الأخوات ان شأالله تكونو بخير :26: :26: :26:

السلام عليكم ورحمة الله وباركاته اخواتي وصديقاتي استحشتكم هلبة هلبة... اسفة لو كان شغلتكم عليا...

em mohamed :

السلام عليكم ورحمة الله وبركاته كيف حالكم اليوم ؟ أن شاء الله طيبات وبخير كلكن . أول حاجه بنعتذر من أمواج وأنا حذفت الردود كلها وقلت بيش ما ينفهمش الكلام غلط مش من قبلك يا امواج وفاهمين قصدك وبارك الله فيك وبنفس الوقت فاهمين مقصد ام تقى الدين وانها غرضها التنبيه وما عممتش فى ردها من الاول بنفس الوقت سياسة المنتدى والقوانين اللى اموقعين عليها عند التسجيل ذكرت عدم التعرض لأى جنسيه وان المواضيع او الردود اللى من شأنها اشعال حساسيات يتم حذفها دون الرجوع الى العضوه وانا حذفتهن وقلت غمن على الموضوع بيش ما يستمرش النقاش وما حدش يأخذ على خاطره من الثانى قصدى غيرن الموجه ومع ذلك كبرتن الموضوع وهو اصلاً ما فيش حاجه ... وحتى فى ردى هذا ما بيتش انوضح شنو صار بينما انتِ حتى اللى على الخاص حطيتيه على العام (ننقنك شهداره خخخخخخ) عموما حصل خير وهاتى راسك انبوسها كانك شايله منا او من سياستنا (شكلها مش عاجبتك بس الله غالب أزرطتى فينا واللى صار صار ) خليك كبيرة عقل وما تحرجيش ,,,, لانى ما شفتش رد لك اليوم خمنت انك زعلانه وخصوصا ردك الاخير وكأنك تبى اتقولى ربنا على الظالم خخخخخ المهم مازلت نبى نمسح كل الردود المتعلقه بالشأن ... وها قلتلكن رانى نبى نمسح الردود والسياسه هذه ماشى عليها قسم المغتربات علشان هكى ما عندنش مشاكل ولله الحمد ممكن اتلاحظى ان سبب المشاكل فى باقى اقسام المنتدى سببها ترك الردود مثل ما هى وهذه مش حجر على حرية العضوات بس من باب درء المشاكل ومنعاً للحساسيات والفتن لأن صوابع ايديك مش زى بعضها ومش كل الناس تفهم جوك وشن قصدك شكلى كثرت الدوه المهم سامحينا وردى زى قبل راهو الموضوع بلا هدرزتك كساد وجوه شين . والهدف الرئيسى للموضوع هو الاستفاده من بعضنا والتعارف والتقرب الى الله بنفس الوقت سلفيه الحمد لله على سلامتكم وان شاء الله تمتعتوا وغيرتوا جوكم . عيونى لابأس على اوليدك أن شاء الله يتحسن وهذا حالهم الصغار فى الشتاء ربى يشفيه ويطمن قلبك عليه وسلم ايدياتك على العصيبنات تعرفى عندى مصارين فى الفريز وامتنبله نحشيهن بعيد عنك الجهد بالهون والنفسيه تعبانه هاليومين الله المستعان ... وانا انقول خيرها راكبتنى الشهيقه تاريتكم حاطينى على القرمه انتِ وصاحبتك والحمد لله اللى عطانى الصبر وأن شاء الله خذيت الاجر بس مثل ما ايقولوا لما تنزل المصيبه ينزل معاها الصبر وفعلا هذا اللى جانى حتى لما خبرنى الدكتور بالتشخيص انا اللى سهلت عليه المهمه الراجل قعد يلكلك قبل ما ينطق (انا قلت اللى عندى كنسر) هز راسه بالاجابه وتوقعنى انعيط لكن اللهم لك الحمد اللى نطقته الحمد لله انا لله وأنا اليه راجعون ممكن لأنى كنت مهيأه نفسى لأسوء الاحتمالات , بس صبرت وروحت لخوشى وطيبت غداى ودموعى جفن ما نزلنش ألا لما خبرت صاحبتى حتى زوجى لما عرف من ملفى بالمستشفى وروح للحوش ما حكيناش حاجه بس جهزت روحى ومشينا لدكتورة الجراحه ولما قعدنا نستنوا فى الدكتوره فى غرفة الكشف هذاك الوقت بس جت عينى فى عينه وحسيته يبى يبكى هذاك الوقت بس حضنته وبكيت (دموعى نزلن وانا نتفكر فى الموقف ) بس الحمد لله اهو كله قعد ذكرى وان شاء الله ربى ما ايعاودها والحمد لله من يوم مرضتى وللان انشوف فى نعم ربى عليا وفى رضاه واستجابته لكل ما دعيت اللهم ثبتنا واغفر لنا ولوالدينا ولجميع المسلمين . تعرفن يا بنات ان اهلى ما يعرفوش لعند توا بوى بس اللى عارف وحتى لما مشيت ما بيتش انخبر امى واختى مع انى كنت ناويه انقوللهم بس ما لقيتش الشجاعه وحسيت انى توا امغير انعيشهم فى قلق عليا وخلاص ففضلت السكوت . مع ان جن مواقف واجده وخاطرى نهدرز لأمى ونحكيلها على رحلتى فى العلاج لكن كل ما انجى نبى نحكى اتصير حاجه وألا ايجى حد فقلت ربى ما يبينيش انقول ونشغلها ولما جيت بنروح لكندا كنت مزكومه فقعدت كل اشوى تتصل امى واتقولى طمنينى رانى مشغوله عليك قلت لو خبرتها بالورم شنو صار فيها .... معليش دوشتلكن راسكن بالدوه بس سيره وانفتحت .... باقى البنات ان شاء الله كلكن بخير راهو كلكن فى البال حتى وانا ما نذكرش فى اساميكن بس الله يعلم بقدركن ومعزتكن عندى سامحنى واسترن ما ريتن منى

السلام عليكم ورحمة الله وبركاته كيف حالكم اليوم ؟ أن شاء الله طيبات وبخير كلكن . أول حاجه...

سلفية 1 :

السلام عليكم ورحمه الله وبركاته كيف حالكم ياعويله اوخيتنا موجه ربى يصلح الحال قاعده زعلانه ويارب تقراء رد ام محمد وترضى لان المجلس منغيرها نااااااااااااااااااقص انا والله ما قدرت انخش ونهدرز معاكم لين وصلتنى رسالتها اللى ترد الروح بارك الله فيها وحنى نستنوا فيك متعطليش علينا عيونى لاباس على وليدك ميشوف سوء ياربى حتى ولدى مرض بيها الحرارة فى الليل ترتفع وفى النهار باهى يوم او ثلاثه ويتحسن لكن انا قعده عنده الكححه مع اول نسمه بارده يقعد اكح تقربصتى سلامتك الف سلامه بما انك اترضعى مدريش رجيم قوى عليك كولى التفاح فيه الحديد وكولى الجرجير وعليك وعلى الكمون الاسود بالعسل ارحيه وخلطيه بيه وخودى منه فى الصبح وقبل ما ترقدى وديرىمرات طريف دجاج مشوى ومرات كبده ومرات حوت هادى كلها خاجات متسمنش وتزيد الدم وطمنينا عليك حياه حلوه تسلم ايدك على الكيكه ماشاء الله طبقاتها متساويه انا عندى مشكله القصان ميجنيش متساوى كيف قصتيها قود لايف اهلا بيك بعد هالغيبه عندك انقطاع ارفعى اوراقيك لمكتب التعليم وجيبى الاستمراريه متاعك من غادى ( مشاكل امى فى المدرسه ) ام محمد ربى ازيدك من الشفى ويحفظك لصغويرتك يارب ونحى فيك قوة العزيمه اللى مقلتيش لى اهلك على مرضك طول هادى المده كاااااااااااااااااان انا رانى من اول يوم رانى مشيت طووووووووول لتليفون وعطيتهالهم وانا معاك فى البرنامج اللى قلتى عليه موافقه ونبى ننصحك نصيحه ياوخيتى ردى بالك تفوتى صلاة الصبح على وقتها الى بعد الشروق اكيد انت منزله برنامج الادان عدلى الفياق على قبل الشروق ونوضى صلى الفجر وحتى كان مصلتيش ركعتين الرغيبه معليشى المهم تصلى الفرض مشميشه كيف حالك وحال الصغويره والكبويره ؟ هدا غيرتشكى من الكساد وانت ديما مش فاضيه فضى روحك وشركينا افراحنا واحزانا

السلام عليكم ورحمه الله وبركاته كيف حالكم ياعويله اوخيتنا موجه ربى يصلح الحال قاعده زعلانه...