اعطوني رايكم في هذي التصميم
بصراحه اليوم اني مكسده علي اخر
مع سلامه نمشي ندير عشئ بيتزا وبعدين نراجع في كتباتي
سلامي للجميع

السلام عليكم ورحمة الله وباركاته



كيف حالكم اليوم ان شأالله كلكم بخير

حياة صحيتي عالاجابة واني عندي المضرب توا نجربها وبالنسبة للبسبوسة اللي قلتي عليها مانعرفهاش وهذي مقادير بسبوستي : كوب سميد+نص ك سكر+نص ك دقيق+م ك BK +نص ك زبدة او زيت+ نص ك ياغورت+ نص ك حليب

اختي ليبية100 100 ; ليبية ; مهاد ; سومة ; GREENSTARMEANA ; اهلا بيكم انستونا

تقربصتي الحمد لله اللي صرت احسن ربي يقويك

ام محمد امواج عيوني مرام مشيمشة سلفية غادة كيف حالكم

السلام عليكم ورحمة وبركاتة

كيف حالكم يابنات
ان شاء الله اموركم تمام
مرحبتين بالجدد وانستنوا

حياه حلوه






كيف حالك ياجويرتي ,شنو اخبارك كيف حال ماما .شوفتي الجو كيف حتى اليوم ضباب

شنو ما شاء الله شنو التصميم الحلوه شكله شطوره في الفوتوشوب ,تعرفي انا مسكته فتره وبعدها سيبته.


امواج








كيف حال حبيبه شنو اخبارك كيف حال الصغار ,شكرا على الدعوه وانك اذكرتني في اوقت الاستجابه .









هذا وقت الضباب,تي لين من الطيارات غيروا مصارهم كلها لدول المجاوره والله ضحكتني حتى انا صارلي نفس الموقف في الصيف المشكله المكان الي نسكنوا فيه شبه صحراء دار روحي شجاعه مشيت من طريق مختصره انخش في الطريق الغلط والله ربي ستر الي فطنت في اخر لاحظه كان هذا كان خشيت في الرمله وغرست السيارة وفي هذك الخله انقولي يامن وبعدها شعفت نمشي منها الطريق هذي في وقت الضباب.


تقربصتي


شكرا حبيبي ,انتي شنو اخبارك شنو دايره مع الدوخه ان شاء الله كويسه توه.


aionisahara


كيف حالك ,ان شاء الله الف لباس على وليدك ان شاء الله ما يشوف سو.


سلفيه

كيف حالك حبيبه ,شنو دايره مع الحمل ,ان شاء الله ربي يسهلك امورك وتوليد بخير وسلامه.
مشيمشه
ام مودي وميمي
ام محمد
اريام
ام الاء
مهاد
غاده
good life
greenstar
meana
لبييه 100 100
almsbahi
سومه سيف

السلام عليكم ورحمة الله وبركاته

كيف حالكن يا احبيبات كلكن بدون أستثناء ؟
وشنو أخباركن ؟
ومرحبتين بالبنات الجدد نورتنا وأن شاء نتونسوا بيكن .

مشكورات يا بنات على دعواتكن الطيبه ونشدتكن عليا أن شاء الله ما نفقدكن وربى يبارك لكن فى اصحيحتكن ويجمعنا فى بلادنا الغاليه .
وخطرها على الحنين للبلاد حتى أنا مشتاقه للبلاد والناس اللى غادى
بصراحه المدينه اللى قاعده فيها ما فيها حد نعرفه وابيخ حاجه ان الواحد ما عنده من ايخش عليه وخصوصا أنا متعوده على صاحباتى نمشوا وانجوا على بعضنا ومرات حتى فى الصبح قبل ما نوصل العيال للمدرسه انكلم صاحبتى وانقوللها توا انجيك نفطروا مع بعضنا وألا انقوللها انتلاقوا فى مطعم ايطالى (انجلو) نمشوا نفطروا وانهدرزوا غادى لعند وقت اللنش
وهنا الحوش امسكر ما فيش من ايدق الباب وحتى التليفون ما ايرن ألا كانش زوجى يتصل ينشد علينا كان ناقصتنا حاجه
انحس فى روحى انقطعت عن الدنيا وقعدت فى عزله ,,,,
وصدق المثل الجنه بلا ناس ما تنداس ,,,,

ربى يفرج كربنا ويرفع عنا هالغمه ويدلنا على رفقة الحلال اللى تعينا فى غربتنا ,,,

سامحنى الايام اللى فاتنن جايتنى حاله كأبه من النت وما عنديش اخلوق لشيئ

شنو صار فى الحفظ بديتن وألا مازال
أنا بديت من أمس راهو
ومثل ما أتفقنا كل يوم وجه
وكيف ما تبن كان تبن من جزء عم باهى وكان تبن سورة البقره باهى
المهم ننشطوا ونديروا فائده بتجمعن
السنه اللى فاتت كان فيه عضوه اسمها ماريه ربى أن شاء الله يفتحها عليها ويرزقها من حيث لا تحتسب
دارت صدقه جاريه وبعثت للبنات اجهزة المرتل بقراءة الشيخ السديسى
توا انحطلكن صورة المرتل
المهم موجود فى الامارات الجهاز
عموما انا بعثت لى واحد وبعدين البنات فى الحلقه عجبهن فبعثنالها بطلبيه وبعثت لنا 30 جهاز وباعتهن لنا بسعر رخيص ان شاء الله فى ميزان حسناتها
المهم الجهاز لو تقدرن اتحصلنه رائع جدا@
هو كيف ال ام بى ثرى بس هذا جاهز وواتى وشريناه ب 25 دولار منها بس
لو البنات فى الامارات ايشوفنه لنا لانه فعلا روعه فى الحفظ
وتقدرى تحركى بيه وتحفظى واتحطى الصفحه على التكرار
انا كنت حتى فى الطريق لما انسوق امشغلته ونحفظ وساعدنى واجد فى الحلقه وقعدنا نحفظوا بسرعه بس توا محتاجين لتثبيت الحفظ
المهم ما نبيش انطول عليكن
هذا شكل الجهاز

السلام عليكم و رحمة الله و بركاته

كيف الحال و الاحوال , انشاء الله تكونوا كلكم بخير

طبعا ليا فترة عليكم و ما شاء الله الصفحات كثرت و معاش لحقت
انشاء الله بنرد علي كل وحدة و لكن هذا حياخد وقت مني ويكون علي مراحل لان صغاري مش مخليني
من بكري كل ما نجي نقعمزعلي الكمبيوتر ايديروا عملة فنوض من قبل ما نخش
اهوا توا كنت نحز ما بينهم مايبطلوش عراك

الحوت علينا ما ننعدوا كيف عروق النجم انمدوا
ما شاء الله الاخوات الجدد كثروا
اهلين و مرحبتين بيكم انستوا و شرفتوا

امواج
بارك الله فيك
و شكرا علي المكالمة و الله الكلام معاك ما ينشبع منه و الله يعطيك علي قيس نيتك الطيبة

ليبيا قلبي
بارك الله فيك علي السؤال
و شن اخبار الريجيم معاك عاد حني من نفس المجموعة الاولى

حياه حلوة
صحتي علي السؤال
و التصميم حلو و صحتين علي البيتسا

مشيمشة
سلمك نشادة
كيف حالك و حال صغيويرتك
ديري حل مع الكمبيوتر و تعالي هدرزي , نستنوا فيك عاد انت مولات الحوش
و مبروك عليك الماكينة اتبيديها بالهني

ام ءالاء
كيف حالك و حال البنوتة
ما ضايقيش روحك كلنا هكي فترات فترات
و حالك زي حالي اني الوحيد الي متزوجة في عيلتي و صغاري هما الاحفاد الوحيدين لماما و بابا وكل ما نكلمهم يقولولي صغارك كبروا من غير ما نستمتعوا بيهم و نلعبوا معاهم
و انشاء الله اتزوريهم عما قريب

سلفية
صحتي علي النشدة و بارك الله فيك
و انت شن اخبارك و اخبار الحمل معاك
و شن عجباتك اتاوا و الا لا ما حكيتناش علي سفرتك ليها

تقربصتي
سلمك نشادة و بارك الله فيك
و انشاء الله لباس عليك حتى انت و انشاء الله توا حالك احسن
اسمعي مني نصيحة الريجيم القاسي يتعبك و يكرهك في الريجيم و يخليك ترجعي للاكل بشراهة اكثر و ما يخليش الوزن ينزل لان الدماغ مبرمج علي التكيف مع الاكل كان ما كليتيش يقل استخدام مخزون الجسم و يقل معدل الحرق ركزي علي نوع الاكل مش الكمية و انشاء الله توصلي للي في بالك

ام محمد
بارك الله فيك علي السؤال و الله يعطيك الصحة و العافي
مرة مرة طلي علينا و طمنينا عليك
و اني معاك في الحفظ لكن اني بنبدا بالعكس و ياريتك كل يوم اتخشي و اتابعي معانا الحفظ و تشوفي اخبارنا مع الحفظ فتحفزينا و الله يبارك فيك وجزاك الله خيرا


غادة
سلمك نشادة
و ينك اليوم مش مبينة , عاد جهازك اتصلح تعالي و هدرزي

قودلايف
سلمك نشادة
كيف حالك و حال وليدك حال الغربة معاك

اريام الحنين
بارك الله فيك علي السؤال
كيف حالك و شن اخبارك
شن قاعدين عندك الضيوف و الا روحوا
ماشاء الله عليك تعرفي كل الكبخ الليبي و تبي اديريه , تعرفي حتى احني الليبيين مش كلهم ايديروا في المكرونة الشعيرية المبوخة هيا طريقتين وحدة بالبصلة زي ما وصفتلك مرام و وحدة بالخلطة و المكسرات زي ما وصفت امواج و انت جربي الي يعجبك
بالنسبة للشعيرية البنات ما قصروا و اي حاجة ثانية تبي تعرفيها انت غير اطلبي و احنا جاهزين

مرام
كيف حالك توا
انشاء الله توا امورك تمام و نفسيتك باهية
كلنا يمر علينا وقت ما يعلم بينا الا الله

ذات الهمة
سلمك نشادة و انشاء الله ديمة ايام افراح
و انشاء الله بنات بريطانيا يردوا وما يعطلوش عليك

مرت راجلها
و ينك كلنا مشغولين عليك , غير طمنينا عليك و امشي

هناء
سلمك نشادة
وينك مغطسة ليك ايام ما طلتيش , تعالي و هدرزي و غيري جوك معانا

ام مودي و ميمي
الله لايوريك باس و سلمك نشادة
صار سفرتي لمدينة ثانية باهي غيرتي جو
شن اخيار النيو لوك وين الحملة متاعك , هيا نشطي الموضوع

بقية الحبوبات
انشاء الله تكونوا بخير