ام محمد

بارك الله فيك
تعرفي اني عندي الجهاز عمي هاديهولي و اني دسيته و انسيته و توا لما شوفت امتاعك اتفكرته
حتى عمي جايبه من دبي

جزاك الله خير

السلام عليكم يا اخواتى الليبيات :26:
tt.m حطيتى ايدك عالجرح قلبى معاك ..نفس الحالة عندى ...مرات تجينى حالة نحس فى نفسى قريب انعيط من ضيق الخلوووق :icon36: :icon36: :icon36:
مشيمشة صاحبة المؤسسة الرائعة ..تحياتى لك...وتحياتى للجميــــــــــــــــــــــــــــــــــــــــع
دون استثناء:arb:

اسمعوا يا بنات ياريـــــــــــــــــــــــــــــــــــــــــــــتكم تقولولى كيف نكتب بالخط الكبير عيونى تعبوامن هالخط الرقيق ...قد ما درت ماباش يطلعلى ...قريب نهبل ...هيا قولولى توا توا ...اول وحدة تخش لازم تشرح لى ...معليش بديت نزعج فيكم من الأول ...تحملونى وخلاص

ايوه الحلقه الثانيه متاع اليوم خلى انكمل الواحب باش معاش يتراكم عليا
ايه وصلنا فى درس متاع الترحيب باخواتنا الجدد

المصباحى _وسومه سيف_ قرين ستار_ مينا مرحبا بيكم معا ماشاء الله العدد فى تزايد كل يوم غير اقعدوا متحمسات ومتهربوش كلهم اجو نشطات ومعاش نلقوهم بعدين

مرام
معرفه خير عليك العيله الجديده ومش انت بس شورك فرحانه بيهم حتى ولديك رحب بيهم هلبه
:hahaha:

امواج سلمها ياربى نشاده ماتنشغلى على غالى قاعده وخيتكم صامده وبخير

tt.m
ربى يفرحك بشوفة امك وعويلتكم فى القريب يا رب الله غالب علينا من هالغربه مليكش الا الصبر

مشميشه
الله غالب مش للايمن عليك غير ديرى حل سريع وتعالينا

قود لايف حالى الحمد كيف حالك انت

ليبيا قلبى سلمك نشاده حالى باهى كيف حالك انت وحال العويله

حياه حلوه يالله ديرى البسبوسه وريهانا وقولينا كيف جاتك

عيونى معندى ما بنحكيلكم عليها اوتاوا جيت فى الهوتيل وقعمزت وهو فى الموتمر لا طلعه لا خشه حتى فى مول قريب من الهوتيل مشيت القيته مصكر قالولى ميفتحوش يوم السبت والاحد وليت
جت الحزينه لتفرج ملقتليهاش مطرح

اريام الحنين
ماشاء الله عليك تتعلمى فى الطبخ الليبى يالله زورى ليبيا وتعرفى عليها وخلينا نتشرفوا بمعرفتك

ام محمد كيف حالك وحال العويله والله الحال من بعضه فى هالغربه مرة نبدوء كويسين ونرضوا بالحال ومرة اجينا الاكتئاب ربى افرج علينا يارب
والجهاز حلو وفكرته حلوه ويساعد ....الواحد اديره فى باله ويوصى عليه عندى خوى ديما يمشى لدبى شنى اسمه او شنى ايقولوه خلى انوصيه عليه ؟؟

عيونى
الجهاز روعه واحسن ما فيه انك اتحطى رقم الصفحه اللى تبى تحفظيها وتخليه على التكرار
انا مرات لما انضم نلبس السماعه وانحطه فى جيبى ونقعد نشتغل وانردد نين نحفظ
عنده مشكله بس البطاريات
شريتله المجموعه اللى ينعاد شحنهن وامعاهن الشحانه وماشيين امعاى اكويس
وحتى زوجى بعث على واحد وقعد يرفه فيه امعاه للمستشفى
قال استفدت هلبه من وقتى ولما النصارى ايحطوا فى موسيقاهم قال انا تميت نلبس سماعاتى وننعزل عنهم ,,,
يا ريت حياه حلوه وليبيا قلبى ايشوفولنا الجهاز عندهم فى دبى
يا بنات راهى صدقه جاريه تخيلى الاجر اللى اتحصليه لما كل وحده تسمع حرف ولكِ بالمثل
انا مستعده انجيبهن وانوزعهن على البنات بس وصلونى للوكيل ,,,

أختنا قرين ستار اهلا بك معنا
وتفضلى يا حنا
اسمعى مشكلة الخط من الكمبيوتر عندك
خشى فى الصفحه متاع متصفحك من فوق حتلاقى كلمة view
أضغطى عليها توا تفتحلك نافذه وتلقى مكتوب text size
اضغطى عليها واختارى أكبر حاجه لارجست
توا يكبر حجم الخط أن شاء الله