aionisahara :

اهلين بامل تعرفي بنسال اختي عليك اني متخرجة من الطب البشري سنة 2001 و نسكن جنب محلات شقائق النعمان متاع الحلويات هذا حوش اهلي و اهل زوجي الحوش الي لاصق في محلات بونواس توا اني في كندا شهر 7 الجاي انسكر 6 سنين هني اني ما حصلتش قبول , لكن راجلي حصل تخصص عظام و انت راجلك طبيب و الا شنو

اهلين بامل تعرفي بنسال اختي عليك اني متخرجة من الطب البشري سنة 2001 و نسكن جنب محلات...

G Libya :

السلام عليكم كيف حالكم اليوم قرين ستار يا نجيمة صحتين عالعصيدة << باين عليها امواج دعت عليك بعصيدة ام مودي ويمي معليشي الصغار كلهم هكي يكبرا ويعقلوا حياه وينك اليوم مش باينة الباقيين كلكم غياب ... غير خشوا قولوا حتى كلمة بيش نطمنوا عليكم انا اليوم قبل نحساب بنلقى الجدول متاع الحفظ ماهو امس الحمد لله راجعت اللي حافظاته باهي لقيت روحي قاعدة نذكر في الاحكام يلا سلامات نتلاقوا ان شاء الله

السلام عليكم كيف حالكم اليوم قرين ستار يا نجيمة صحتين عالعصيدة << باين عليها...

امواج البحار :

السلام عليكم ... كيف حالكم كلكم ان شاالله طيبين ... انا غاطسة بعيد عنكن عيالي التؤام مرضي واحد حرارة نار ولاخر كحة وترجيع ... الله المستعان ... الحمد لله على كل حال ... يسخفو مساكين سبحان الله كيف يومين اثرن فيهم حسايتهم ضعفو ووجوهم صفر ... لاحول ولاقوة الا بالله ... ويلى يكح ويرجع عنده كيف الحساسية فى صدره مع برد قوي يقعد يعلق فى الكحاحة مسكين واللهِ "الهيمودي فاير" جهاز الرطوبة فى الحوش معلوق وبخاخة الفونتلين فى ايدي كل ماتزيد عليه الكحة نبخله ... الحمدلله على كل حال ... ويرجع واللهِ مرات مش واكل شي غير يطلع في هواء ولا ريالاته حشاكن ... ربِ يشفيهم ويشفِ كل مريض ... قولو امين ... هذي اخباري وانا من السمور وقلة النوم كيف يلى واخد خبطة على راسه الدنيا تبرم بيا وحاطة عالقهوة بيش يتعدل هالسطل ... والحمدلله على كل حال ... وعندي مرات خوي عروسة مسكينة تحس فى حسِسة صبايا خخخخخخ <<< امديرة روحي متحشمة ... المهم بعد ماشافتها الدكتورة قالت عندها كيس كبير فى الرحم ودارولها عمليةالاسبوع يلى فات وطلعوه منها حوالي 3 كيلو ... المهم بعد ماكلمت امي قالت مرضت عليهم مرضة قوية وجتها حمة وترتعد قريب ماتت وان بطنها مشقوق من الجنب للجنب <<< توا باللهِ هذا كلام كيف يفتحو بطنها كلها واللهِ خفت عليها وقلت يستر الله ... يعني توا العملية القيصرية شفت اخت راجلي جايبة بنية قريب 4 كيلو وزنها واللهِ ماهناك الفتحة "ماشاء الله عليها" وهذي كيس ولا انظر شنو شقيلها بطنها ... ربِ يستر عليها ان شاالله ... والمشكلة يومين وطلعوها من مستشفي وقالو زحمة وهاذي عاد امديرة روحها عيادة النفط ... اااه ان شاالله خير ... قود لايف ... كيف حالك ياغالية ان شاالله طيبة ... ام محمد ... الله يبارك فيك والعقبال ماتغيرو حتي انتو جهازكم عاد قاعد نص كم خخخخخخخخخ ... ماشاء الله تبارك الله ... ان شاالله تشوفيهم عيالك من الذرية الصالحة وتفرحي بهم يارب وتشوفيهم حافظين كتاب الله وشيلين الشهادة يارب ... وفكرت الشقاقة امديرتها لعيالي كل مايزيد مني رقاق ياخدوهن يحطوهن فيها ولما تمتلي نقسمها على 4 شكاير ونعطي لكل واحدة شكارة ونمشو للجامع يوم الجمعة يحطوهن غادي يتعلمو يدسو للناس المحتاجة والصدقة ويفرحو بحطتهم لفلوس فى صندوق التبرع ... ربِ يقدرنا على طاعتة ويحفظهم من كل شر يارب .. وبالنسبة للحجاب الحمدلله من ليبيا من حوالي 6 سنوات بالعباية السودة والشخشير الاسود وقعدت سنتين فى كندا هكي وبعدين صارتلي ازمة فى العبايات والجلبات ومالقتش محل يبيعهن والشيطان لقي طريقه فيا غيرت لجونات طوال وبلوزات وفوقهك جاكت لعند الركبة لالالا والله نحس فى روحي كيف العريانة وقلت على كيفه انرد للعباية السودة ولا الجلاباب الازرق وهكي تريحت الحمدلله اللهم يامثبت القلوب ثبت قلبي على دينك ... وتوا اتصدقي خاش راسي النقاب ولا الخمار ان شاالله ربِ يقدرني عليه ونديره قولي امين ... ليبية 100 100 ... بالجودة ياغالية ... وكيف حال عويلتك ان شاالله طيبين ... وياحنا انا متغربة فى كندا من حوالي 5 سنوات وقاعدين الله العالم لعند امتي وراجلي يشتغل وخشينا كندا عمل وعندي 3 اولاد وبنية وعمري 34 سنة خخخخخخخ عجوزة وانا من بنغازي وراجلي من درنة وشنو تاني قولي انتِ شنو تبي تعرفي وانا ماعنديش مانع خخخخخخخ <<< ماصدقت ... هناء ... ماشاء الله تبارك الله ... ربِ يثبتك ان شاالله ... وان شاالله تتجبي الحجاب الشرعي ياغالية ... وتشوقي عيالك من الذرية الصالحة يارب ... قولي امين ... بالنسبة لعلاج الاكزيما توا نسألك عليه والدش واشر تلاقي انواع يلى عندي اسمها FRIGIDAIRE واكيدة تلاقي عندكم انواع فى السويد يختلفن عن الامريكانيات حاولي تجيبي وحدة تعيش عمر وكويسة بيش ان شاالله لما ربِ يسخر فى المراوحة تشيليها معاك ... راهو الناس قعدو يديرو فيها فى بنغازي وماشية تمام التمام ... سلفية ... ماشاء الله تبارك الله ... الحمدلله يلى طيبة ... قتلك البنات بالهن واسع ... انا قاعدة غير انخمم فى مشيتك لليبيا وجايبتك ان شاالله خير ... وماشاء الله عليكِ خخخخخخخ متابعة لإخبار اللجنة الشعبية ... ياحنا كل ماتسمعي حاجة خبرينا ياجارة خخخخخخخخخ ... اريام ... الله يسلمك الحمدلله بخير اللهم لك الحمد والشكر ... سلمها ياربِ ... خخخخخخخخخخخ امديرة روحك تخدمي فيه ماشية جاية كبسك خخخخخخ وبعدين رقدتي ... ياحنا ان شاالله موفق فى قرايته ... المهم ... ماتغيبش علينا ياغالية ... امل ... كيف حالك ياغالية ومعلش سامحينى مانعرف حد غادي فى منطقتك ومشكورة على الموقع ... الله يبارك فيكِ ... قرين ستار ... خخخخخخخخخخ خطرتي عليا لما جاتنى امي عندي سنتين ماشتفتها اااه مابطلتش دوة الليل كله وهي ترقد وتنوض وتلاقيني ندوي خخخخخخخخخخ تشارك شوية وترد ترقد وانا ندوي وسيبت داري رقدت حداها <<< هو انا رقدت لالالا ندوي وندوي لعند طلع الصبح خخخخخخخخ مسكينة رقدت على دوتي وناضت على دوتي خخخخخخخخخخخ ... ولا نقولك لما مشيت لليبيا ونزلت فى حوش سلفي فى طرابلس نهدرز انا وسلفتي اذن علينا الفجر مشينا صلينا وردينا من جديد نهدرزو خخخخخخخخخخخخخ قالك صبايا ... باهي عاد !!! وين ساكنة !!! خخخخخخخ مانقدرش نصبر لازم نعرف خخخخخ ... وماشاء الله تبارك الله امديرة عصيدة باهي ياحنا بالصحة والعافية خخخخخخخخ وكيف حالها بنيتك وشنو دارت مع التطعيمة !!! وكانهن ياحنا السندويتشات والله حتى هنا لهن جو وسماح وكثر خيرك فطرتو عصيدة والغذاء خفيف ممتاز خخخخخخخخخ <<< وحدة ماتحبش التطيب ... تصدقي اكره حاجة عندي فى الدنيا غسل الدبش والطبخ !!! مرااام ... ماشاء الله تبارك الله ... ربِ يزيدك خير ... وكيف حالك هالايام ان شاالله طيبة ... والعويلة ان شاالله كويسين ... والعيال سبحان الله كل واحد وطبعه وقناعته ... عندي اولدي 9 سنوات ماشاء الله تبارك الله يقيم الصلاة ومحافظ عليها ويحب يسمع قصص الانبياء وقدرات الله ومعجزاته ويحب يعرف شنو شكل الجنة الله يحفظه يارب لكن التؤام مش عارفة نحسهم مش معدلين بالكي علشان قاعدين صغار "الله اعلم" وانا امديرة ورقة عالثلاجة وكاتبة كل واحد فيها اسمه حتى زينب ويلى يصلي ولا يدير حاجة كويسة نحطله علامة صح ويلى يعك نمسحله الصح بتاعه واللهِ حاسيتها جابت الطريق هالدوة ونوعدهم بحاجة سمحة ... وبالنسبة للحفظ عيالي مايمشوش للجامع ولا لحد انشيل فيهم بس لصلاة الجمعة والباقي مجهودي ومجهود بوهم حافظين المعوذات واية الكرسي والفاتحة وعبدالكريم توا حافظ سورة النصر ... لكن المشكلة الكبيرة الكتابة والقراءة بالعربية عيالي مايعرفوش وحتى لما روحت لليبيا قلت انقريهم غادي لكن يادوبك يعرفو الحروف وبس والله اني مانرقد الليل لما انخمم فى الموضوع ... عبدالكريم يحكي ليبي كويس لكن باقي الظنوة يحكو ليبي مكسر !!! ان شاالله ربِ يقدرني ويسخرلي فى تعليمهم يارب وكل عويلة المسلمين ... قولي امين ... غادة ... خخخخخخخخخخخخخخ حلوة شك شلفك خخخخخخخخخخخخخخ قالك وزيز خخخخخخخ ... عيوني ... منورة ياغالية ... كيف حالك وحال العويلة ان شاالله طيبين ... حياة ... كيف حالك ياغالية ماشاء الله تبارك الله طالبة مجتهدة خخخخخخخخخخ عندي موقع دزاته ليا صاحبتي الله يبارك فيها وفي عيالها توا انحط لكن روعة ... لتعليم اللغة الانجليزية ... ام مودي وميمي ... كيف حالك وكيف حال صيصانك خخخخخخخخخ كل ماتقولي الصيصان انتخيل فيك هذيك البطة وورراها عيالها خخخخخخخخخ ... امتي جاية لكالجري !!! تقربصتي ... وينك يابتي !!! ان شاالله خير !!! كل البنات ان شاالله طيبات !!!

السلام عليكم ... كيف حالكم كلكم ان شاالله طيبين ... انا غاطسة بعيد عنكن عيالي التؤام مرضي واحد...